¹ Kimongji ak kobun kwenutab Jeriko Jeiso. ² Ak geero, kimi chi ne kigigure Sakayo ne ki ne o eng' taagikab aisurut ak ki mogorio ³ Ak kicheng'e ine kogeer Jeiso, ak konai kole ng'o inendet, ak kimaimuch amu tuiyet amu kinwach ine kora. ⁴ Ak kilabat kondoe ak kolany mogoiywet barak si kogeer amu kigas kole bunu oranata. ⁵ Ak kingoiit Jeiso yoto, kochil ketoto ak kiger inendet Sakayo, ak koleji, "tiem wolu amu rani arue kong'ung'. ⁶ Ak kiwol eng' chokchinet ak kotaach inendet eng' boiboiyet. ⁷ Ak kingogeer bichoto kong'unyng'unyo tugul, kole kawa kotebi eng' gotab chito ne kiptengekcho. ⁸ Ak kitonon Sakayo ak koleji Kiptaiyat, "geero Kiptayandani, agochini kibananok kebebertab tugukchu, ak ngot ko mi chi age tugul ne kiaibe kiy eng' kenisiet awekchini konyil ang'wan. ⁹ Ak kileji Jeiso, "kagonyo sarunet rani agoi, amu weritab Abram agine inendet. ¹⁰ Amu kinyo weritab chi kocheng' ak kosor ne ki ka kobetyo." ¹¹ Ak kingo ta kogase tuguchu, kites ak komwa kalewenet, amu kilegit Jesrusalem, ak kibwati icheget kole toogu bounatetab Jehovah eng' banata. ¹² Kimwa anyun kole, "kimi chi anyun ne togunot eng' emonoto ne kiwo ole loo bo konaam bounatet kobunji ak kowechge. ¹³ Ak kiguur otwogikchi taman ak kogochi robiisiek taman, ak koleji oripko agoi tun awechge. ' ¹⁴ Ago kisaas inendet bikab emenyi, koyokto ng'olyot korube inendet kole makimache chichi koboiywech. ¹⁵ Ak kingowechke kogeny, ko ka konam bounatet kiguur inendet otwogikchi tugul che kigochi robiisiek , si konai kole kinyor age tugul ata eng'boisiet ne kiyai. ¹⁶ Kinyo ne bo tai ak kole , 'Kiptaiyandani, kinyor robisieguk robisiek alak taman.' ¹⁷ Ak kileji inendet, 'kiyai ne ko kararanit amu kiyai ne mie eng' kito ne mining', kagonin kokwatunwek taman ibou.' ¹⁸ Ak kinyo ne bo aeng' ak kole, 'Kiptaiyandani robisieguk ko kinyor robiseiek muut alak.' ¹⁹ Ak kileji noto agine, 'bou kokwatunwek mut.' ²⁰ Ak kinyo age ak kole 'Kiptayandani, arang'ni robiiyeng'ung', ne kia konorun komie, ²¹ amu kiaiywein, amu ii chi ne korom, inemu ne ngot ko kimende ng'weny, nda ko iges che kima igol.' ²² Koleji anyun inendet, 'aruogun agobo ne kemwa eng' kuting'ung', inye otwogindeni ya kinget ile ai chi ne korom, anemu ne ngot ko kimande eng' ng'weny ak agese che kima agol. ²³ Kiyaine anyun si mende robisiekchu ole kiwalawali, nda kanyoru ko kaitu koboto che kitesakis?' ²⁴ Ak kimwochi icheget che kitononsot eng' ole legit, 'osare inendet robisiek ak ogachi inendet ne tinye robisiek taman.' ²⁵ Ak kileji icheget inendet, 'Kiptayandani, tinye inendet robisiek taman.' ²⁶ "' Amwawok ale, chi age tugul ne tinye kigochini ago inendet ne matinye, kesore mbo ne tinye. ²⁷ Ago omutu anyun bunik chuto chu kobka yu che machame aboi si obar eng' tainnyu."' ²⁸ Ak kinga komwa ko u noto, kwo kondo kolany kotakchinige Jerusalem. ²⁹ Ak kinga ko ka korikchi Betpage ak Betania, eng' tulwet ne kiguure tulwetab emitik, koyokto aeng' che ki kayoktoikchi, ³⁰ koleji, "oba agoi oit kokwet ne mi taing'wong' ak ngoit ogeer moitab sigiriet ne ratat ne tomo kolany chi, otiach ak ogetu. ³¹ Ak ngot ko tebenak chi age tugul , 'kole kaiine asi otiachi?' Oleji anyun makchinige Kiptayat."' ³² Koba anyun che kiga kiyokto ak konyor ko u ye kiga mwachi inendet icheget. ³³ Ak kingo ta kotiachi moitab sigiriet, koleji bikab kobo, "kaine si otiach moitab sigiriet?" ³⁴ Ak kileji, "makchinige kiptaiyat." ³⁵ Ak kikweri kwo ole mi Jeiso ak kiitochi ngoroikwai eng' moata bo sigiriet, koketyi Jeiso ak kolany Jeiso barak. ³⁶ Ak kingo wendi koiito ngoroikwai eng' oret. ³⁷ Ak kingorikchi tegeiyatab tulwetab emitik kotoi tuiyet tugul ne bo kayoktoik koboiboitu ak kolos Jehovah eng' kutit ne o agobo boisionik tugul che bo kamuktaet che kiga kogeer. ³⁸ Kolen iberurot laitoriat ne nyonii eng' kainetab Kiptaiyat! kalyet eng' kipsengwet ak barak ne toror!" ³⁹ Ak kileji Parisaek alak che bo tuiyet inendet, "kanetindoni ger kong' koyoktoiguk." ⁴⁰ Ak kiwolji koleji, "amwowok ale ngo ko ko sisyo chu kobolsot mbo koik." ⁴¹ Ak kingorik kogeer kokwet ak korirji, ⁴² kolen, "nda kengen eng' betuni, tuguk che bo kalyet! Ago ra ko kagoung'ogis eng' konyeguk. ⁴³ Amu bwani betusiek che tun teche buniguk kererusiek eng' komoswek tugul ak kekerjini go eng' komoswek tugul. ⁴⁴ Ak kiwirji ng'weny ak leguguk che mi oreng'ung' ama bagagun mbo koita agenge ne mi baragutab age amu kima inai betutab rutoitong'ung'." ⁴⁵ Ak kiwo kapkorosut orit ak koonda che kialisie ak che kioldoisie, ⁴⁶ koleji icheget, "kigisiir kele , egu gonyu gotab saet, ago kaoyai koek kebenetab chorik." ⁴⁷ Ak kinetisie betut age tugul eng' kapkorosut. Ak kicheng' tisiik che echen ak sirik ak che togunotin eng' biko kebar inendet. ⁴⁸ Ak manyor kito ne kimuchi koyai amu ki epchini it biko tugul inendet mising'