¹ Ak kileji kayoktoikchi, "kimi chi ne ki mokorio ne kitinyei ribindetab gonyi ne kiging'olole kele kinyernyere tugukab mogorionyi. ² Ak kigur inendet ak koleji, 'nee ngalechu agase agobo inye, iboru kira boisietab ripseng'ung', amu agere ale imuchi maiegu ribindetab konyu kogeny. ³ Ak kimwa ribindonoto eng muguleldonnyi kole, ngo sayai nee anyun? Amu kigoistoo kiptayandenyu eng' boisiet amatinye kimnatet abatis, ale asomso ko katewerge. ⁴ Kanai kito ne ayae, si ngo kageona eng' boisiet, komuchi kotaacha eng' gorikwai. ⁵ Ara kiguur icheget tugul che tinyei besendab kiptayandenyi ak koleji nebo tai,'itinye inye besenwogik che tia che bo kiptayandenyu?' ⁶ Ak kileji, 'terenik bogol che bo mwanik,' ak kileji, 'nam belelieng'ung' ak isir konom.' ⁷ Koleji age, 'kibesen inye ata? ' Kole, 'terenik bogol chebo nganuk,' ak koleji, 'nam belelieng'ung' ak isir tamanwogik sisiit.' ⁸ Ak kiloos Kiptaiyat otwogindonoto ki ma ko bo iman, amu kiyai eng' ng'omnatet amu ng'omen werikab ng'wenyuni eng' ibindang'wai kosiir werikab lapkeiyet. ⁹ Ak amwawok ale ocheng'chige chorondok eng' oretab magornandi si tun ngobut, ndama tun kotaachak eng' gorikab koigeny. ¹⁰ Inendet ne kiyani eng' che ng'ering', kiyani agine eng' che chang', ak inendet ni makiyani eng che ng'ering' ko makiyani eng' ole mi che chang'. ¹¹ Ngot ko ki maiegu ne bo iman eng' magornatet ne ma bo imanda, ko ngo ne imuchi koyanin eng magornatosiekuk che bo iman? ¹² Ak ngot ko kimata iegu ne kiyani eng' tugukab chito age ko tos ng'o anyun ne konok tuguk chekwok? ¹³ Mami otwogindet ne imuchi koboisiechi kiptainik aeng', amu agoi konyernyere age, ak kocham age, nda konamgei ak age ak kosas age. Momuchi oboisiechi Kiptaiyat ak magornatet." ¹⁴ Ak anyun Parisaik che kichame silingisiek ko kigas tuguchoto tugul ak kororichi inendet. ¹⁵ Ak kileji, "akweget che okararanige eng' taitab biko, ago inget kiptaiyat mugulelwogikwok, amu age tugul ne iloosu biko ko machamdaat eng' taitab Kiptaiyat. ¹⁶ Kitebi ng'atutik ak maotik agoi koit Johana . Kong'ete betunoto keamdoi logoiywek che tililen che bo bounatetab kiptaiyat, ak mang'jini chi age tugul eng' kimnatet. ¹⁷ Ago wisis kosirto kipsengwet ak ng'weny, kosiir kebut sirutiet agenge ne bo ng'atutik. ¹⁸ Ak kitonon tagindetab aisuru eng ole loo ago macham kochil kipsengwet, kobir tegenyi kolen , Jehovah nyoiwo kaat lelutikchu. ¹⁹ Kimi chi anyun ne ki mokoria ak kiloji ngoroik che kiga kimarmare che arusen ne birir ago ki nyikisen, ago ki kiptaguria ne kiamisie komie betut age tugul. ²⁰ Ak kimi kibanania ne kisome ne kigigure Lasaru, ne ki ka kimogon eng' gurgenyi, ago kitinye mook eng' bortanyi tugul, ²¹ ak kimache inendet kebae tuguk che irarau eng' mesetab mogoriandeni ago kibwa seseni ak komel mookab chichoto. ²² Ak kisiirto kibananianoto betut age, ak kimutyi malaikaisiek inendet konde tegetab Abram. Ak kime agine magoriondonoto ak kigitub, ²³ ak kingo mi oritab che kigobek konyal barak komi nyalida neo, koger abram komi ole loo komi Lasaru tegenyi. ²⁴ Ak kirir ak kole , 'Aboo abram, rirena ak ikoji Lasaru koting'e beko eng' walitab mornenyi, si kotiswo ng'elieptanyu amu ami ngw'onindo eng' mai lalei mising'. ²⁵ Ago kile Abram, weri inaan ile kingo isobe ko kiinyoru tuguguk che kororon, ko u noto Lasaru kinyor agine tuguk che yaachen, ago ra kibaibai inendet eng' yu, ago inye imi ng'wanindo ne o. ²⁶ Ak tabanutab tuguchu tugul, ak eng' kwenunyo komi kererut ne o ne ibesiech ache ak akwe asi che mache kolong' oloo omi ko maimuchi, ak che mache kolong' oli kimi ko maimuchi. ²⁷ Ak kile, 'asaisain anyun baba ale iyokte inendt kwo gotab kwandanyu Abram ²⁸ amu atinye tupchosiekchu mut, kwo koteechi icheget asi mabka ole mi nyalilda ne o. ²⁹ Ak kileji Abram, 'tinye Musa ak maotik, ngogas icheget.' ³⁰ Ak kileji, 'ololo Aboo abram, ago ngot ko wo chi ole mi icheget che bunu oritab che kikomeiyo ko sigu. ³¹ Ak kileji inendet, ngot ko magas che bo Musa ak maotik, kotoe koyan mbo chito ne ng'ete eng' che kikomeiyo.