¹ Ako kiwo Jeiso tulwetab emitik. ² Ak kimus karon konyo hekalut ak kibwa biko tugul ole mi inendet, kitebi ng'weny ak konet ichek. ³ Kiimut sirik ak Parisaik kobogoriot ne kiginamji kesesnatet. Ak kinde inendet kwenut. ⁴ Kolenji inendet, "Konetindoni, kaginam kabogoriondoni koyae kesesnatet. ⁵ Kingatech musa eng ng'atutiet kole, kilage koik neu nito, ara tos ilen ne inye?" ⁶ Kimwae ng'olyoni si kosich kito ne itame, Ago kinguruk Jeiso kosir ng'weny eng mornenyi. ⁷ Ago kingo tesei tai kotepe inendet, kotonon Jeiso ak koleji ichek, "ingotoi nematinye tengek eng akwe kowir eng koita." ⁸ Ak king'uruk kogeny kosir ng'weny eng mornenyi. ⁹ Ak ye kingogas ngolyondonito, kotoi komanda ak koba agenge agenge kongete ne o. Ak kinget Jeiso inegei ak kobogoriondonoto kotononi eng kwen. ¹⁰ Kotonon anyun Jeiso ak koleji, "kwonyi, mi ano ichek che kaigikyin? Maigikyin chi?" ¹¹ Ak kile "maikigyo chi Kamuktaindoni." Ak kilechi Jeiso, "makigchinin agine. Ui amatiteiyai tengek kogeny." ¹² Kimwachi Jeiso anyun icheket koleji, " A lapkeiyet nebo ngweny, inendet ne isuba ko ma wendoti eng mesundeito ago nyoru lapkeiyetab sobondo." ¹³ koleji parisaik inendet "ibaoryiajinige ama bo iman baornatengung." ¹⁴ Kowolji Jeiso koleji, "agot ngabaoryanjinige ko bo iman baornatenyu amu anget ole abunu ak ole awendi, ago monget ole abunu anan ole awendi. ¹⁵ Oruochi kou magetab borto; Maruokyini chi ane. ¹⁶ Ee agot ngaruoch, kobo iman kiruogenyu amu mami anege, ago kimi ak Kwanda ne kiyokwo. ¹⁷ Ee, ak kigisir eng ng'atutiengwong kele bo iman baornatetab biik aeng. ¹⁸ A inendet ne baorianjinige ak baoryanjina Kwanda ne kiiyokwa." ¹⁹ Kolenji anyun ichek inendet, "mi ano Kwandangung?" Kowolji Jeiso koleji, "mongena amonget Baba; Ndakigonaa nda kionai Baba agine." ²⁰ Kiwaei inendet ng'alechu eng ole kigonore silingisiek ye kinetisyei eng hekalut ak ma nam chi inendet amu kitom koit sainyi. ²¹ Kimwachi anyun icheget kogeny koleji, " awendi ak tun ochengo ak obegu eng tengektanwong, ole awendi ko momuji obwa." ²² Kile anyun Yahudik, "tos barege, amu mwaei kole ole awendi ko momuji obwa?" ²³ Ak kileji ichek "obo oli bo ngweny abo barak, o bo ng'wonduni ma bo ane ngwonduni. ²⁴ Noto kamwowok ale obegu eng tengekwogikwok. amu ngomoyani ole a inendet obegu eng tengekwokikwok." ²⁵ Kileji anyun ichek inendet, "i ngo?" Koleji Jeiso, "noto kiamwowok koboch taunet. ²⁶ Atinye tuguk che chang che amwae ak che aruochi agobo akwe ago bo iman inendet ne kiiyokwao ak amwochini ngweny tuguk che kiagas eng inendet." ²⁷ Ago ma iguiyo kole mwachini agobo Kwanda. ²⁸ Kileji Jeio ichek anyun, "ye kaouite weritab chi, onai anyun eng betunoto ole a inendet ama yae kiy anege ago amwae tuguchu kou ye kineta Kwanda. ²⁹ Inendet ne kiiyokwa kemi tuwai, ma bagakta anege amu ayae kotugul tuguchuto chamaksei eng inendet." ³⁰ Ak kingo takomwae tuguchu, koyan inendet chechang. ³¹ Kilechi Jeiso anyun Yahudichoto kiga koyan inendet, "ngot otebi akwe eng ngolyondenyu ko o alamalyenyu iman; ³² Ak onai imanda ak kotiachak imanda." ³³ Kowolji ichek inendet koleji, ki keswek ab Abraham ak tomo keegu otwogikab chi age tugul; Ara imuktoi ano ile, 'Kitiachok'?" ³⁴ Kowolji Jeiso koleji, "amwowok komie iman ale, age tugul ne yae tengek ko otwokindetab tengek. ³⁵ Ak matebyei otwokindet eng got koigeny, tebyei werit koigeny. ³⁶ Ngotiachak anyun werit, ko otiogotin iman. ³⁷ Anget ale oi keswekab Abraham ago ochenge obara amu matinye ngolyondenyu oletebe eng akwe. ³⁸ Amwae tuguk che kiageer eng Baba ak oyae tuguchoto kiogas eng kwandangwong." ³⁹ Kowolji kolechi, "Kwandanyo ko Abraham." koleji Jeiso, "nda kioi lagokab Amraham nda kioyae boisionikab Abraham. ⁴⁰ Ago nguno ochenge obara, chito ne kamwowok ngalek che bo iman che kiagas eng Jehovah. Kima yai kounoto Abraham. ⁴¹ Oyae boisionik che bo kwandangwong." Kilechi anyun icheket inendet, "kimagisichech eng sokset; kitinye Kwanda agenge noto ko Jehovah." ⁴² Komwochi Jeiso icheget koleji, "nda ka Kwandangwong Jehovah, nda kochama amu kianyo abunuu Jehovah, kima nyo anege ago kiiyokwo inendet. ⁴³ Amu nee si monai choto amwoe? Amu momuchi ogas ngolyondenyu. ⁴⁴ O bo kwandangwong oindet ak ochame oyai magutigab kwandangwong. Ki rumindet kongete taunet ama tononi eng imanda amu mami imanda eng inendet. Ye mwae lembech komwae agobo tugukyi amu kiplembechwa inendet ak kwanda ne bo lembech. ⁴⁵ Ago moyana amu amwae imanda. ⁴⁶ Ng'o eng akwe ne igikyina kole atinye tengek? ngot amwae imanda ko amu nee anyun si moyana? ⁴⁷ Inendet ne bo Jehovah kogasei ng'alekab Jehovah; noto anyun mogase akwe amu mo bo Jehovah." ⁴⁸ Kowolji anyun Yahudik koleji, "Tos makimwae ache iman kele i samarindet ak itinye oindet?" ⁴⁹ Kowol Jeiso kole, "Matinye oindet ogo agonyiti Baba, ak otewero. ⁵⁰ Ago machenge torornatenyu; Mito agenge ne chenge ak koruochi. ⁵¹ Amwowok iman komie ale, ng'orib chi ngolyondenyu ko mageere meet agoi." ⁵² Koleji anyun Yahudik inendet, "kinget nguno kele itinye oindet. Kigome Abraham ako kigobek maotik ak imwae ile 'ngorib chi ngolyondenyu ko machamchami meet agoi'. ⁵³ Tos i o isiir kwandanyo Abraham ne kigome? Ak kigobek maotik. Iyaege inye iegu ng'o? ⁵⁴ Kowol Jeiso kole, "ngot atororige ko buch torornatenyu; Kwandanyu ne itorora- ne omwae ole inendet ko Jehovah nengwong. ⁵⁵ Ak tomo onai inendet, ago anget ane inendet. Ak ngot amwa ale manget inendet, aegu kiplembechwa ko u akwe, ago anget ane inendet ak aribe ngolyondenyi. ⁵⁶ Kibabai kwandangwong Abraham kogeer betunyu; ak kigeer ak kogasge." ⁵⁷ Koleji anyun Yahudik inendet, "tomo iit kenyisiek konom ako kiigeer Abraham?" ⁵⁸ Koleji Jeiso, "amwowok iman iman komie ale, kingo tomo kobiit Abraham ami. "Kiinem anyun bichoto koik komache kowire inendet ago kiunyge Jeiso ak komanda eng hekalut kobun kwenungai kosirtoe ichek.