¹ Kinam anyun Plato Jeiso ak kobire kipcharitit. ² Ak kitaa askarik ngatiet ne bo katok ak konde metit ak kolaakyi inendet ngoriet ne arus ne birir. ³ Ak kobwa ole mi inendet kolen, "kigatin, Laitoriatab Yahudik!" Ak korabach inendet. ⁴ Ak kimanda Plato kogeny ak koleji icheket, "ogeero, kamutwak inendet konyo taingwong si onai ole manyorji ane lelut inendet." ⁵ Komong Jeiso anyun Konyo sang ko kerat metit eng ngatiet ab katok ak kolaagonu ngorionoto arus ne birir. Ak koleji Plato bichoto, "ogeero, chichi anyun o!" ⁶ Ye kingogeer anyun inendet tisiik che eechen ak kiptainik, kobolyo kole, "igartat, igartat," koleji Plato icheget, omut akwe inendet ak igartat amu ma anyorji lelut." ⁷ Kowolji Yahudik koleji, "kitinye ngatutiet ak kanyol kome amu ngatutionoto, amu kiyaige koek weritab Jehovah." ⁸ Ye Kongo gas anyun Plato mwaonoto, koiywei mising, ⁹ Ak kiwa Praitorium orit kogeny ak koleji Jeiso, "ibunu ano?" Ago ma wolji Jeiso inendet. ¹⁰ Koleji Plato anyun inendet, "metwekwo, menget ile atinye kimnatet ak atinye kimnatet agartatin?" ¹¹ Kowolji Jeiso koleji, "kama tetinye kimnatet iyaiwa kiy nda kama kigonin eng barak. Noto anyun, tinge inendet ne koindeno euneguk tengekto neo kosir." ¹² Kongetege yoto, kocheng Plato kotiach inended, ago kibolyo yahudik kole, "ngot itiach chichi, ko ma i choruet ne bo Kaisari. Renye Kaisari chi age tugul ne yaege koek laitoriat." ¹³ Kingogas anyun Plato ngalechuto, komut Jeiso komong sang ak kotebi ngweny eng ngecheretab kiruoget eng ole kiguure "Tetetab koik ," ago kiguure eng kutitab Hebranik "Gabata." ¹⁴ Ki chobetab Paska betunoto ak ki olo bo sait lo. Ak kileji Yahudik, "ogeero, Laitoriandengwong!" ¹⁵ Kobolyo anyun bichoto kole, "iste inendet, iste inendet; Igartat inendet!" Koleji Plato anyun icheget, "Agartat Laitoriantengwong? kowol tisiik che eechen kole, "makitinye laitoria kobate Kaisari." ¹⁶ Kogoito anyun Plato inendet kigartat, konam anyun Jeiso icheget ak komut. ¹⁷ Ak kimut anyun icheget Jeiso komanda, ako kiibei inegei kimurtoiyot agoi koit ole kiguure, "koretab Terta, ne kiguure Golgota eng kutitab Hebranik." ¹⁸ Ole kiigartate iche inendet koboto Alak aeng, age komosi, ak age komosi ak komi Jeiso Kwen ¹⁹ Ak kisir anyun Plato siret ak konde kimurtoiyot. Kosir kole: JEISO NE BO NASARET, LAITORIAT NE BO YAHUDIK. ²⁰ Kosoman anyun Yahudik che chang sironito amu kilegite nganaset ole kigigartate Jeiso, ako kigisir eng kutitab Hebranik, Romanik ak Yunanik. ²¹ Koleji anyun tisiik che eechen che bo Yahudik Plato, "Amesir ile, 'Laitoriat ne bo Yahudik, ago kimwa kole, 'A Laitoriat ne bo Yahudik." ²² Kowol Plato kole, "kito he kaasir ko kaasir." ²³ Ye kingo kagogartat anyun askarik Jeiso, konam ngoroikyi kopchei koek kebeberwek angwan, koib askarindet age tugul kebeberta agenge; ko u no to sumet agine. Ak kima tinye sumet ole kigituiyo amu kigaginab koek agenge kongeete barak agoi kapkelyen. ²⁴ Kolejige anyun ichegei, amatokany kegerer ago "ongeser barbarek, si kenai chito ne bunjini." Si kosulda sirutiet ne mwae kole, "Kipchejige ingoroikyu ak koltjige ngoryenyu." Kiyai anyun askarik tuguchuto. ²⁵ Ago kitononsot eng ole lekite kimurtoiyotab Jeiso' kamet ak chepto ne tupcho ak kamet, Maria ne bo Klopa ak Maria Magdalena. ²⁶ kingo kagogeer Jeiso anyun kamet, ak alamalyet noto kichamei, kotononsot eng yoto, koleji, koleji kamet, "keer weringung!" ²⁷ Ak koleji kora alamalyanoto, "keer, komet!" Ak kongetee sainoto, komut inendet chebiosonato kwo gonnyi. ²⁸ Kingobata choto, ko kagonai Jeiso kole kagogesgei tuguk tugul si kobiit kosulda sirutiet, komwa kole, "ama melel." ²⁹ Kiga kindeno yoto teret ne nyitat siki konyiit sibonjit anyun, an koyochine husop konde kutinyi. ³⁰ Ye kingo kagotaach Jeiso siki, komwa kole, "kagokesge." Ak koabuch metinyi ak kogoito tamirmiryenyi. ³¹ Amu ki chobet ako kimakimakjini muswek kotebe kimurtoiyot eng betutab Sabato, (amu ki o betunoto bo sabato), kosom Yahudik Plato kole keiri kelyekwai ak keisto. ³² Kobga anyun asikarik ak koiri kelyekab chito ne bo tai ak chebo chito nebo aeng ne kigagigartat koboto inendet. ³³ Ako kingobga ole mi Jeiso, ak kogeer kole kagome, komata koiri kelyekji. ³⁴ Kobate, kitor agenge eng asikarik choto karastanyi koboisye ngotit, ak ngunoto komong korotik ak beeko. ³⁵ Ak kibaorian inendet ne kigeer ak ko bo iman baornatenyi, akonget inendet kole mwaei iman so kobiit ayan ak akwe. ³⁶ Kiyaak tuguchu si kobiit kosulda sirutiet ne kile, "makiiriei kowenyi." ³⁷ Ak komwae kogeny sirutiet age kole, "tun keere iche inendet ne kitore." ³⁹ Kinyo agine Nikodemo, ne kiganyonji Jeiso kemoi atkinye tai, koibu tuguk che u igomoik che kigingolda nyamdutik che ki olo bo ratilisiek bogol. ⁴⁰ Kisut anyun mustab Jeiso ak kotae ngoroik che bo katanit koboto nyamdutik ko u biteetab Yahudik yo tubisiei. ⁴¹ Mimi mbaret ole kigagigartate inendet ako kimi mbaranoto, kererit ne leel ne kitomo ketupchi chi. ⁴² Kiinde anyun Jeiso oloto amu ki betutab chobetab Yahudik ako ki legit kererit.