¹ Ye kingo kagomwa Jeiso ngalechu, koba ak alamalyenyi kolanda eng kererut ne kiguure Kedron, ole kimi mbaret ole kiwa koboto alamalyenyi. ² Ak kiinget koronoto Judas agine, ne kingwektoi inendet amu kicham kowendi Jeiso yoto koboto alamalyenyi. ³ Ak kingo kagonyor Judas lugetab askarik, ak kiptainik che bunu tisiik che eechen ak Parisaik, kobwa kotinye taisiek ak kegenganik, ak Karik ab luget. ⁴ Kwo anyun Jeiso, ko ganai tuguk tugul che bwanchini inendet ak koleji, "ochenge ngo?" ⁵ Kowolji koleji, "Jeiso ne bo Nasaret." Kowolji Jeiso koleji, "A inendet." Ak kitononi Judas ne kingwektoi inendet, koboto icheget. ⁶ Ye kingomwachi anyun icheket koleji, " A inendet," kobee batai ak kobutyo. ⁷ Kiteebe anyun inendet icheget koigeny koleji, " ochenge ngo?" Ak kole, Jeiso nebo Nasaret." ⁸ Kowol Jeiso kole, "kaamwowok ale, 'A inendet'. No to anyun ngot ochengo, ounde chu koba." ⁹ Si kosulda ngolyot ne kimwa kole: Mabeteno mbo agenge eng choto kiigona." ¹⁰ Kingus anyun Simon Petero rotwetab chok ne kitinye, ak koeb otwogindetab tisindet ne o, koeb itinyi ne bo tai. Kigigure otwokindenoto Milko. ¹¹ Koleji Jeiso Petero, "Weekyi rotwet choget, 'tos maee kikombet ne kigona Kwanda?" ¹² Konam anyun luget ak kiptaiyat ne o koboto kiptainikab Yahudik Jeiso ak korat inendet. ¹³ Ak komutyi Annas korok, amu ki boiyotab igoi ne bo Kaiaba, ne ki tisiindet ne o eng kenyinoto. ¹⁴ Ki Kaiapa inito ne kiga iiborji Yahudik eng tai kole, nyolu komechi chito agenge biiko. ¹⁵ Kiirub anyun Simon Petero Jeiso ak age ne bo alamalyet ne kiingetge ak tisiindet ne o, ak koba got orit koboto Jeiso agoi kapkiruogetab tisiindet ne o, ¹⁶ Ago kitononi Petero eng sang. Kimanda anyun chichoto age ne bo alamalyet he kiingetge ak tisiindet ne o, ak kongalalji chepto ne kiribe kurget ak kiimut Petero Kongo got. ¹⁷ Koleji anyun Chepto ne kiribe kurget, "tos ma i age eng alamalyet ab chichi?" Kole, "ma ane." ¹⁸ Ak kitononsot eng yoto otwogik ak kiptainik che kiga kolaal mat ne bo nesenik, amu ki kaitit, kotononi Petero agine, koue mat koboto icheget. ¹⁹ Kiteebe anyun tisiindet ne o Jeiso agobo a alamalyenyi ak konetisienyi. ²⁰ Kowolji Jeiso koleji, "kiangalalji ngweny, amauny ngolyo, kianetisiei kotugul eng sunagogisiek ak eng hekalut ole tuiyechin Yahudik tugul. Amamwa kiy eng ungot. ²¹ Amu new si iteebena? Teebe iche che kigas kito ne kiamwaji, keero, inget chu tuguk che kia mwa." ²² Ak ye kingo kagomwa ko u noto, korabach Jeiso age, eng kiptainik che kitononsot eng yoto, ak kole, "iwoljini tisindet neo ko u noto?" ²³ Kowolji Jeiso koleji, "ngot ko kaamwa ne ya, ibaorian agobo noto ya, ago ngot ko mie, ko amu nee si irabacha?" ²⁴ Kiiyokto anyun Annas inendet ko ratat kwo oldab Kaiapa tisindet ne o. ²⁵ Ak kitononi Simon Petero koue mat. Koleji anyun icheget inendet, "ma i age aginye ne bo alamalyenyi?" kotiiyo kole "ma a inendet." ²⁶ kole otwokindet age ne bo tisindet ne o ne tupcho ak chichoto kigaeb Petero itinyi, " koma ageerin eng mbar omi ak inendet?" ²⁷ Kotiiyo anyun Petero kogeny ak eng, ak eng sainoto; kote kipsoiwet. ²⁸ Kiimut Jeiso anyun kengeete gap Kaiaba, kwo Praitoriam, ak kita kogaron mixing ak maba icheget Praitoriam orit si ma ngwonegitu ago si kobiit koam Paska. ²⁹ Kimanda Plato anyun kwo ole mi icheget , ak kole, "nee ngolyo ne oruokyine chichi?" ³⁰ Kowolji koleji, "Nda ka ma ko chalwogin chichi, nda ka ma kimutu inendet konyo taingung." ³¹ Koleji Plato icheget anyun, "onam inendet akwe ak oruokyi ko u ngatutiengwong." Koleji anyun Yahudik inendet, "ma chamdaat eng ache kebar chi age tugul." ³² Si kobiit kosulda ngolyotab Jeiso ne kimwa koboru meet ole meitoi inendet. ³³ Kiwa anyun kogeny Plato Praitorium orit ak kogur Jeiso koleji, "tos I Laitoriatab Yahudik?" ³⁴ Kowolji Jeiso koleji, "imwae ngolyondoni inyege, nda komwaun alak, agobo ane?" ³⁵ Kowolji Plato koleji, "Ma a Yahudiot, tos ai?" kagomutun tainyu bororyengung ak tisiik che eechen, kiiyai nee?" ³⁶ Kowolji Jeiso kole, "ma bo ngonyuni Laitornatenyu. Nda ka bo ngonyuni Laitornatenyu, ko nda ka yae boriet kiboitinikyu si ma kindea eunekab Yahudik, ago nguno, ko ma bo Laitornatenyu oli." ³⁷ Koleji anyun Plato inendet, "ara I Laitoriat so?" Kowolji Jeiso kole, "imwae ile, a Laitoriat. Kigisicha amu nito, si kobiit abaorianji imanda. Kasei kutinyu chi age tugul ne bo iman." ³⁸ Koleji Plato, "nee imanda?" Ak ye Kongo kagomwa, ko u ni, komanda kogeny ole mi Yahudik ak koleji, "ma anyorji ane lelut inendet." ³⁹ Ago amu otinye biteet ole atiakwok agenge eng Paska, ara omeje atiokwok Laitoriatab Yahudik?" ⁴⁰ Ago kibolyo icheget kole, "ma chichi, ago Baraba." nga nda Baraba ko ki rebindet.