¹ Kimwa Jeiso ngalechu ak konyal Kipsengwet, ak kole, "Baba, kago nyo sait itoror weringung so kotororin Werit ² kou ye kiigochi sobondab koigeny tugul che kiigochi inendet. ³ Ak ni sobondab koigeny: Ale konain, Jehovah ne inyendet inyege ne bo iman, ak Jeiso Kristo ne kiiyoku. ⁴ Kiatororin eng ngweny amu kaagesu boisiet ne kiigona ayai. ⁵ Ak nguno ee Baba, itorora eng inyendet inyege eng torornatet ne kiatinye kemi tuwai kotomo kobiit ngweny. ⁶ Kiaborji kainengung biko che kiigona eng ngweny. Ki chechu ak kiigona ak kigorib ngolyondengung. ⁷ Kagonai nguno kole bunun tuguk tugul che kiigona. ⁸ Amu kiigochi icheket ngalek che kiigona ak kigotaach ak konai iman kole kiabunu ole imi ak koyan kole kiiyokwa. ⁹ Asae akobo icheget. Masae agobo ngweny ago agobo icheget che kiigona, amu cheguk. ¹⁰ Ak tuguk tugul cheguk ko chechu, ak chechu ko cheguk, ak kiitorora eng icheket. ¹¹ Ak ma amite ngweny, ako mito ngweny chu, ak anyoni ole imi. Baba ne Tilil, rib eng kainengung icheget che kiigona si kobiit koek agenge ko u ache. ¹² Kiarib eng kainengung icheget che kiigona ye kota ami ak icheget. Kiarib icheget ama bet agot agenge eng icheket, kobate weritab luset si kobiit kosulda sirutiet. ¹³ Ak kanyonjin nguno ak amwae tuguchu eng ngweny si kobiit konyor icheget kasuldaet ab boiboiyenyu eng icheket. ¹⁴ Kiagochi ngolyondengung, ak kawech ngweny icheget amu ma bo ngweny ko u ye ma bo ngweny ane. ¹⁵ Masae ale imut icheget eng ngweny, ago ale irib icheget eng inendet ne ya. ¹⁶ Ma bo ngweny icheget, ko u ye ma bo ngweny ane. ¹⁷ Itilil icheget eng imanda. imanda ngolyondengung. ¹⁸ Ko u ye kiiyokwa anyo ngweny, ko u noto anyun, kokaayokte icheket koba ngweny. ¹⁹ Ak atabanige agobo icheget si kobiit kotaban icheget eng imanda. ²⁰ Amasae agobo chu kityo, ago asae agobo icheget che tun iyano amu ngolyongenwai ²¹ Si kobiit koek icheget tugul agenge ko u ye imi inye Baba eng ane ak ane eng inye. si kobiit kotebi icheket eng ache si kobiit koyan ngweny kole kiiyokwa. ²² Ak kaagochi icheget torornatet ne kiigona si kobiit koek agenge ko u ye kii agenge ache: ²³ Ane eng icheket ak inye eng ane, si kobiit koek icheket che igesunotinge eng agenge, si kobiit konai ngweny kole, kiiyokwa ak ichame icheget ko u ye ichama. ²⁴ Baba, amache kotebi kobota eng ole ami icheget che kiigona si kobiit kogeer torornatenyu ne kiigona amu kiichama kotomo kelumda ngweny. ²⁵ Ee baba ne bo Tililindo, ki ma ingenin ago kiangenin ak kigonai chu kole kiiyokwa. ²⁶ Kiangangji icheket kainengung ako ta angangjini, si kobiit kotebe icheket chamnyet ne kiichamena ak ane eng icheket."