¹ EE Israel, amebaibaitu, amegasge, ko u ye igasegei bororiosiek alage; amu mata iegu ne kiyani eng' Kamu-ktaindeng'ung', amu kiicham mele-ktab kagoigoisiet eng' ruanyut age tugul. ² Mabaei ichek ruanyut ak ole kirurung'e divaik, rerjin ichek divaik che leelach. ³ Ma tebe ichek emetab Jehovah; ago weektogei Misri Epraim, ak koam amitwogik che muruonen eng' emetab Asuria. ⁴ Megochin ichek Jehovah kagochinoikab divaik, anan kobaibai ichek inendet: igeitu tisei-ywekwak makatiatab che arogendos; muruonitu ichek tugul che amei: nenywa kityo makatiandani; mama-ndoi gotab Jehovah. ⁵ Oyae nee eng' betutab igorwek che kiging'at, eng' betusiekab igorwekab Jehovah? ⁶ Oge-ero, kigomwee ichek ng'emisiet, iumi Misri ichek, tubei ichek Mempis: biiti-toe siwek tugukwak che bo kamanuti-et ne o che bo feda: ak kobiitye katok emaisiekwak. ⁷ Kagoit betusiekab biret, kagoit betusiekab kageerset; naei nito Israel: abusat maotiot, kibiywo chitab tamirmiriet, amu chang'indab cha-lwogiguk, ak bunyondit ne o. ⁸ Ki ribindet Epraim koboto Kamuktai-ndennyu: ago maotiot ko mestetab namindetab taritik eng' ortinwekyik tugul, ak bunyondit eng' gotab Kamuktaindenwa. ⁹ Kigong'emgei mi-sing', ko u eng' betusiekab Gibea: noto anyun ibwati tengektanywa, birei ichek amu chalwogikwak. ¹⁰ Kianyoru Israel ko u ye kinyoru logoekab divaik eng' ong'atet; kiageer kwanisiekwok ko u rurgutinikab logoekab mogoiywet eng' ruratennyi ne tai: ago kibwa ichek Baal-peor, ak kotabanjigei Baal, ak koek che wegotin ko u kit ne kichamei ichek. ¹¹ Tarireni komweei tororna-tetab Epraim ko u taritiet: mami sigisi-et, mami tomonoinatet anan managet. ¹² Agot nga igui lagokwak, aganye konyor arogenet ichek kot ko ma ng'et agot agenge: ye aistoege ichek! ¹³ Kigiminji Epraim komosta ne kararan ko u ye kiageer Turo: ago imu-tyin lagokyik Epraim barindet. ¹⁴ Igo-chi, ee Jehovah; nee ne igochini ichek? igochi moet ne rorogu ak kinaik che usiotin. ¹⁵ Mi yaitienwa tugul Gilgal; amu kiawech ichek eng' oloto: aone ichek komanda eng' gonnyu amu yai-twogikwak: ma achame kogeny; nge-lelik bounikwak tugul. ¹⁶ Kigebir Epra-im, kigoyaam tigitionwa, ma koiyiei logoek: ee, agot ingoiytos ichek, abare agot lagokwak che chamei. ¹⁷ Ondoi Kamuktaindennyu ichek kolooegitu, amu ma epchi it inendet: ak koek che ombenioti eng' kwenutab bororiosiek.