¹ INDE igondit kuting'ung'. Amu mi Jehovah baragutab kipsichit: amu kigobut arorutiennyu, kobistoe ng'a-tutiennyu. ² Rirjina Israel, Ee, Ka-muktaindennyo, kingenin achek. ³ Ki-meto Israel noto mie: onei bunyot inendet. ⁴ Ieeti ichek laitorinik, ama-ngen; leweni ichek bounik amatee-bena, yachinegei ichek kanamonik fedaisiekwak ak tahabusiekwak, ak keng'em ichek. ⁵ Ee Samaria, wirte komanda kanamweng'ung' ne bo moita; laldos neregekyuk agobo ichek; Tianitu eng' ichek ko memuchi ti-lilindo? ⁶ Bunu ichek Israel; kiyaei mu-sogindet moita, ama Kamuktaindet: kitonatoni moata bo Samaria. ⁷ Kolei ichek usonet, ak koges kipchurjuriet: matinyei metowek bek che tonondos; maiyei noto busiek; agot nda rurtos bek, koamei toek kowong'u. ⁸ Kige-lugui Israel: mi inendet nguno kwe-nutab bororiosiek ko u kiy ne matilei kiy. ⁹ Amu kigotogosta koba Asuria, ko uoloitiget ne ombenoti inegei: Kigo-aldochigei Epraim che chaamik. ¹⁰ Ee, agot nga nda kigoaldagei eng' boro-riosiek, aumi nguno ichek; tau ichek kobetyoti eng' usisietab laitoriat ne kim. ¹¹ Agot nda teechei Epraim kapti-sisiosiek che chang' che bo kagochi-noikab chalwok, ko kigoek chuto ka-ptisisiosiek che kichalwogene. ¹² Kia-sirji ichek tuguchoto chang' che bo ng'atutikyuk; ago kiit choto koek kiy ne too. ¹³ Igoitoi ichek kagoitaosiek che kigona ak koam ichek bendo, ago ma baibai Jehovah eng' ichek: Ibwati ine-ndet nguno anyun yaitienwa, ak koge-rkong' chalwogikwak; ak koweek ichek Misri. ¹⁴ Kigoutie Israel Yaindennyi, ak koteech gorikab laitornatet; kigong'o-ot Juda nganasok che chang': ago ayo-okyini mat nganasokwak, si kobeel kowong' gorikwak che kimen.