¹ YE kiamache asoob Israel, ko-ng'ang'ak anyun tengektab Epraim, ak yaitietab Samaria; amu boisie le-mbeita, ak komong'u chorindet go, ko rebisiei kweanetab rebik eng' sang'. ² Ameiiti eng' mugulelwekwak kole abwati yaitienwa tugul: nguno koi-yiemei ichek boisionikwak; mi ichek tainnyu. ³ Iboiboe yaitienwa laitoriat, koboiboe bounikwak lembeita. ⁴ Yaei ichek tugul ibetab ge; u oldab mat ne ilaali kwong'indet; ne ma wasei ma-nnyi kwong'indet, kong'eete kekwa-nykwanyi agoi kindoi mermerek. ⁵ Kiinyalilegei bounik eng' eisetab divaik che ng'wonen, eng' betutab laitoriannyo; kichuul inendet eunnyi koboto churik. ⁶ U mugulelwekwak mat, ye ribistos ichek: ng'eteteni magenwa kembout komugul; lalei karon ko u mat ne liplibeni. ⁷ Beelebich tugul ko u ole kilaali, koamei kiruogi-kwak; kigobutyo laitorinikwak tugul: mami agot agenge eng' ichek ne kuura. ⁸ Buruchegei Epraim koboto boro-riosiek; makatiat Epraim ne ma kiweech. ⁹ Kigoam kimnatennyi toek, amengen inendet: ee, kogobis sumeekyik kalwalek tutugin, matia, amengen inendet. ¹⁰ Baoriani menotetab Israel eng' tainnyi: ago tomo koweekyigei Jehovah Kamu-ktaindenwa, anan kocheng' inendet agobo chuto tugul. ¹¹ U Epraim che-ptuget ne berber, ne matinyei naet: kuurei Misri, wendi Asuria. ¹² Ye bendi ichek, aiitochini musochet baragunwa; ang'usu ichek kobwa ing'ony ko u ta-ritikab soet: abire atigoni, ko u ye kigas tuiyenwa. ¹³ Bwa ichek! amu kigoistoe-nagei; ng'emisiet eng' ichek! Amache asor ichek, ago ng'alali lembechek agobo ane. ¹⁴ Tom korirja ichek eng' mugulelwekwak, ye iteitos eng' ito-gusiekwak: iumegei ichek agobo bek ak divaik, ak kongeleljina. ¹⁵ Agot nga kianet ak ande kimnatet eunekwak, ago chobei yaitiet agobo ane. ¹⁶ Weeksei ichek, ago maweekyingei Inendet Ne Toror; u ichek kwanget ne matilei kiy: ibutos bounikwak eng' rotwetab chok amu koromnatetab ng'elyebwekwak: amu egu nito cho-tisienwa eng' emetab Misri.