¹ OBWA, ak ogany keweekyige Je-hovah: amu kigogererech, ago inyo-ech; kigobirech, ago ratwech. ² Ing'ee-tech ye kebata betusiek aeng'u: ak kotononech eng' betut ne bo somok, ak kesopche eng' tainnyi. ³ Ongenai, ongigiilge kenai Jehovah; mong'une-nnyi ko u ye kaech: ak ko nyonjinech ko u ropta, ko u ropta ne bo iwot ne ibisi emet. ⁴ Ee, Epraim, ayaun nee? Ee, Juda, ayaun nee? Amu u mieindang'wong' boldet ne bo karon, ak koistogei ko u rewotab karon. ⁵ Kaatem ichek eng' maotik amu noto; kiabare ichek ng'a-lekab kutinnyu: ak ko u kiruogutiguk lapkeiyet ne yestoi. ⁶ Amu amache rirenet, ma kagochinet: ak naetab Ka-muktaindet kosiir kagochinoik che kibeelei. ⁷ Ago, ko u Adam ko kigobut arorutiet: maek ichek che kiyani eng' ane eng' oloto. ⁸ Gilead ko nganasetab icheget che yaei yaityo, ak kigimuruone korotik. ⁹ Ko u ye ribistos rebik agobo chi, kogulegei ko u noto tisiik si kobaris eng' oret ne tokyingei Sekem; ee, kigo-yai che yaachen mising'. ¹⁰ Kiageer kit ne ya mising' eng' gotab Israel: mitei kugoinatetab Epraim: kigimuruon Israel. ¹¹ Kigeng'atyin kesisiet, ee, inye Juda, ye aweech luulenikab bikyuk.