¹ OGAS ni, ee, tisiik ak oeb it okwek che o bo gotab Israel, ak oeb it, che o bo gotab laitoriat, amu neng'wong' kiruoget; amu kioegu mestet eng' Mispa, ak musochet ne kigiito eng' Tabor. ² Amu mi eng' barisiet bistoik; ago kiaegu ne ageregong' tugul. ³ Angen Epraim, amaung'at Israel eng' ane: amu nguno, ee Epraim, iyae ku-goinatet, kiging'wanit Israel. ⁴ Mame-toi boisionikwak si koweekyigei Kamuktaindenywa: amu mi tamirmi-rietab kugoinatet kwenunwa, ago tom konai Jehovah. ⁵ Baoriani menotetab Israel eng' tainnyi: ibutos Israel ak Epraim eng' tengektanywa amu noto; ibuti Juda agine koboto icheget. ⁶ Bendi kocheng'ei Jehovah kokweriei akwotisiekwak che bo kechirek ak tuga; ago manyoru inendet: kigoisto-egei ichek. ⁷ Kiyachi ng'alset Jehovah; amu kigosich lagok che torobek, amei ichek igorwek che bo arawenwa ne kaleel koboto mbarenikwak. ⁸ Oguut igondit eng' Gibea, ak iriaget eng' Rama: owaach kogasak eng' Bet-aben; ripge ee Benjamin. ⁹ Egu karatia Epraim eng' betutab kergong'iet: Ayae eng' bororiosiekab Israel noto ne biitu iman. ¹⁰ Kiigei bounikab Juda ichek che inaaktoe kiwotet: arong'jini anyun ichek neregekyuk ko u beek. ¹¹ Kinyalili Epraim, ak kechiilei eng' kiruoget; amu kicham kosub ng'atutietab bik. ¹² Ko u noto anyun ko kaigei kiptorotiot anyun eng' Epraim, ak kaegu nunatet eng' gotab Juda. ¹³ Kingogeer Epraim miandanyi, ak kogeer Juda moennyi, kwo anyun Epraim Asuria, ak koyoo-kto koba oldab laitoriat Jareb: ago maimuchi kosoobok, anan konyai-ywok moet. ¹⁴ Amu aigeitu ng'etundo eng' Epraim, ak ko u ng'etundo ne neran eng' gotab Juda: agereri ane ichek ak awe; ak amut, amabiitu ne soru inendet. ¹⁵ Awendi ak aweekyige oldanyu, kot kote koyan chalwokta-nywa, ak kocheng'a: ak kocheng' toge-nnyu, eng' nyalildanywa kosib koche-ng'a eng' nyalilwogikwak.