¹ OGAS ng'olyotab Jehovah, ee okwek lagokab Israel: amu tinyei Jehovah kaiimutiet agobo che menyei emonoto, amu mamitei imanda, anan rirenet, anan naetab Kamuktaindet eng' emet. ² Mi kayosiet, ak lembeita, ak rumisiet, chorset, ak ibetab gei; tesaksei, ak koistoi kirindaet tugul, isubi rumisiet age rumisiet. ³ Arogeni anyun emet amu noto ak konyerat age tugul ne menyei oloto, koboto tio-ng'ikab timin ak taritikab kipsengwet, ee, kiistoi njirenik. ⁴ Ago amat kotiiyo chi, anan kogergong' age; amu u biguk che inyolegei ak tisiindet. ⁵ Ago ibuti bet, ak kobut maotiot koboten ke-mboi; ak abar komet. ⁶ King'emei bikyuk amu matinyei naet, aesioin aginye, amu kiiesie naet, amaiegu tisiindennyu: amu kiiutie ng'atutietab Kamuktaindeng'ung', au-tie lagoguk agichek. ⁷ Ko u ye kitesak ichek; ko kiyaiywo chalwok: ko u noto awale anyun torornatenwa koek tewe-rnatet. ⁸ Kiam chalwogikab bikyuk, ak kochopchi muguleldanywa tengekto. ⁹ Egu ko u noto, ko u bik, ko u tisiindet; ak abir ichek amu ortinwekwak, ak agochi melekto ko u boisionikwak. ¹⁰ Amu amei, amabiyong'dos; yaei kugoinatet, amatesaksei: amu kigo-meto kogas it Jehovah. ¹¹ Istoi kaguiyet kugoinatet ak divaik ak divaik che leelach. ¹² Teebe bikyuk kotigonet kana-monikwak, che ketik, ak kogochin sia-rinwa ng'alek che eechen ichek, amu kigoyai tamirmirietab kugoinatet ko-maasta, ak kigoyachi kugoinatet Ka-muktaindenwa. ¹³ Igoitoi kagochinet eng' tulondok barak, ak kobeelei nya-mdutik eng' tulondok che mengechen, eng' kelutab ketik che teerotin, amu kororon urondokwak: ko u noto ko yaei tibikwok kugoinatet ak koyai osotikwok ibetab gei. ¹⁴ Ago mabire tibikwok ye kayai kugoinatet, anan osotikwok; amu maastoi ye kayai ibe-tab gei murenik icheget koboto che-pkugonik ak koyaei kagochinet koboto chepkugonik: amu noto kobutos bik che maiguitos. ¹⁵ Agot ngiyae inye Israel kugoinatet, ko mat kolel Juda; amobwa Gilgal, anan otogoste Bet-aben, anan oyosie ole, Ko u ye sobei Jehovah. ¹⁶ Ingeleli Israel ko u roriat ne korom; baei Jehovah anyun ichek ko u ye kigui aruetab kechir eng' kewet ne kiyagisie. ¹⁷ Kiituiyogei Epraim ak kanamonik; mete inegei. ¹⁸ Mindililen che eei: kigoyai kugoinatet kotugul; chamei bounikyik tewernatet kosiir torornatet. ¹⁹ Katuge usonet inendet kebebaikyik; ak konyoru tewernatet amu kagochi-noikwak.