¹ KETIT ne iwaaktoi kot Israel, ne iiyei logoekyik: kigotes ka-ptisisiosiekyik ko u chang'indab logo-ekyik; kigoyai tolochik che kororon ko u kororonindab emennyi. ² Pcheat muguleldanyi; ratotin ichek: butei inendet kaptisisiosiekwak, ng'emei inendet tolochikwak. ³ Mwoei anyun ichek kole, "Ma kitinye laitoria: amu kima koiywei Jehovah; ara nee anyun ne kiimuchi koyaiywech laitoriat?" ⁴ Ng'alali ng'alek che bo buch, yaei kaarortaosiek eng' lembechek: noto anyun, siegu kiruogutik ko u tuguk che murmure bich che biitye mbarenik. ⁵ Iyweisiei meng'ikab Samaria amu kanamonik che bo Bet-aben: amu ri-rjin bikyik inendet, ak korirji tisiikyik inendet, che kiboiboitune katorore-nnyi, amu kigeistoe. ⁶ Kiibei kwo Asuria koek kagochinet eng' laitoriat Jareb: nyoru Epraim tewernatet, ak kolilan Israel eng' kiruogutikyik. ⁷ Kiwong'u Samaria ak laitoriannyi, ko u ye iwong'ugei bugat eng' beek. ⁸ King'emei agichek ole sutotin che bo Aben, ne chalwoktab Israel: biitos katok ak katabutik eng' kaptisisi-osiekwak; ak kolenji tulondok che eechen, Otuchech; ak tulondok che mengechen, oluljech. ⁹ Ee Israel, kii-chalwogen kong'eete betusiekab Gi-bea: ole kitonone ichek; si kobiit ma-nyor ichek eng' oloto bo Gibea luget ne nyonjin yaikab yaityo? ¹⁰ Abire, ati-goni ichek eng' magennyu; ak koumgei bororiosiek koborie inendet, ye kirat inendet eng' bistautikyik aeng'. ¹¹ Epraim ko roriat ne kiginet, ne cha-mei kotiech bek koborei; ago akwerjini katinnyi ne kararan: ayae Epraim ko-chuut mogombetab eik; kanyol koba-tis Juda, ak kobir Jakobo mogoro-nikyik. ¹² Ogoljige eng' imanda, oges eng' rirenet; obalu mbareng'wong'; amu kagoit ye kicheng'ei Jehovah, konyo kobisenok imanda. ¹³ Kiogol ya-itiet, kioges tengekto; kioam logo-iyatab lembechek: amu kiimang'u oreng'ung' eng' chang'indab mureni-guk che kimen. ¹⁴ Noto anyun, ng'eetei wasetab ge eng' kwenutab biguk, ak keng'em irimoiguk tugul, ko u ye king'em Salman Bet-arbel eng' betutab boriet: kigitonaton kamet ak lagokyik. ¹⁵ Yaiywok ko u noto Betel amu yai-tieng'wong' ne o: kitilei laitoriatab Israel iman kogerir emet.