¹ "KINGONG'ALAL Epraim, ko-biit botanet; kochoigei inendet eng' Israel: ago kingolel inendet eng' Baal, kome. ² Nguno anyun kotesei ko-yaei chalwok, yachingei kanamonik che kitanyi eng' fedaisiekwak, kana-monik ko u ng'omnatenwa, tugul ko boisietab musogik: mwoei kolen, Ingong'utut murenik che igoitoi kago-chinet moek.' ³ Noto anyun igeitu ichek boldetab karon, ko u rewot ne isib kobetei, ko u metetek che arureni eng' ole kiborse, ko u iyeto ne mandae konda. ⁴ Ago a Jehovah Kamuktai- ndendeng'ung' koboch emetab Misri; amagoi inai Kamuktaindet age koba-tena, amu mami yetindet age koba-tena. ⁵ Kiangenin eng' ong'atet, eng' emetab kemeut ne o. ⁶ Kibiyong'so ichek mising' ye kingo kaabai: kibiyo-ng'so ichek, ak kimenio ichek: yeityo koutiena. ⁷ Noto anyun, aigeitu eng' ichek ng'etundo: asapchini ko u che-planget: ⁸ abokyini ko u keerit ne kagirebe lagokyik, ak agerer bendo ne kerei mugulelwekwak: ak agerer eng' yoto ichek ko u ng'etundo; kereri ichek tiondo ne korom. ⁹ Ee Israel, nito ng'emisieng'ung', amu kiitila let, ago kiinyorunena toretet. ¹⁰ Mi ano laitoriandeng'ung', mi ano bouniguk eng' nganasoguk? che kilen, Ogona laitoriat ak bounik? ¹¹ Kiagonin laitoriat eng' neregekyuk, ak kiaiste inendet eng' nereknatennyu. ¹² Kigerat keuch yaitietab Epraim, kigegonor cha-lwoktanyi. ¹³ Bwanjin inendet ng'wo-ninwekab kwondo ne negit kosigis: inendet ko werit ne matinyei ng'o-mnatet; amu kagoit ye manyolu kota kogagei eng' kurgetab kapsigisio. ¹⁴ Asoru ichek eng' kimnatetab kererit; atiachi ichek komong'une meet: Ee meet, mi ano korotweguk? Ee kererit, mi ano ng'emisieng'ung'? kiung'e ko-nyekyuk rirenet. ¹⁵ Agot nga iiyei ine-ndet mising' eng' kwenutab tupcho-siekyik, ko nyonei usonetab kong'asis, usonetab Jehovah ne bunu ong'atet, ak koteeny kondanyi ne bo beek, teenyei kungunnyi: uurei inendet konoraik tugul che bo kiy age tugul ne bo kamanutiet. ¹⁶ Keseni kiruogenwa bi-kab Samaria; amu kigongelelji Ka-muktaindenwa: ibutos ichek eng' rotwetab chok; kitiekyin ing'ony ketuei lagokwak, kigereri kobogorisiekwak che chio.