¹ EE Israel, iweekyige Jehovah Kamuktaindeng'ung'; amu ki-ibut eng' tengektang'ung'. ² Ib ng'alek koboten, ak iweekyige Jehovah: ilenji inendet, Iste tengekwogik tugul, ak ita-achech eng' mieindo: si kigoite logoi-yatab kutuswekyok. ³ Ma soruech Asuria; ma kilanye mbartanyisiek: ama kelenjini kogeny boisietab eunekyok, O cheptalelisiekyok: amu nyoru eng' inye rirenet che matinyei kwanwak. ⁴ Asoobi katuituenwa, achame ichek mising': amu kigoistoegei inendet ne-reknatennyu. ⁵ Aigeitu rewot eng' Isra-el: biitei inendet ko u taptet, ak kowaakta tigitikyik ko u Lebanon. ⁶ Uuitogei morikyik, ak koigei ka-raranindanyi ketitab emdit, igeitu ng'uunennyi ne bo Lebanon. ⁷ Wee-chegei ichek che uure uruennyi; ng'ee-tos ko u nganok, yestos taptok ko u ketitab sabibuk: igeitu ng'uunenwa divaik che bo Lebanon. ⁸ Tun len Epra-im, Ta aitoi nee kanamonik? Kiagas inendet, ak ageer: au tarakwet ne nya-lil; mong'unena logoeguk. ⁹ Ng'o ne ng'om, si kobiit konai tuguchuto? Ng'o ne iguitos, si konai choto? Amu bo iman ortinwekab Jehovah, ak kobendate choto che bo imanda; ago kinachi bistoik eng' choto.