¹ BAEGEI usonet Epraim, isubi usonetab kong'asis: tesei ine-ndet lembechek kotugul ak ng'emisi- et; yachingei kayosiet ak Asuria, ak keibei mwanik koba Misri. ² Tinyei Jehovah ng'usetab ge ak Juda, ak kobirei Jakobo ko u ortinwekyik; igeerjin ko u boisionikyik. ³ Kinam kwariatab ng'etab kamet ye kimi mo; ak kikwetgei kobelgei ak Kamu-ktaindet ye kingo kagoeet. ⁴ Ee, kiibe-lgei ak malaikaiyat, ak koterteris: kirir, ak kogaigai inendet eng' somet: kinyo-rji inendet Betel, ak king'alalwech eng' oloto. ⁵ Agot Jehovah Kamuktaindet ne bo lugosiek; Jehovah ko kabwatennyi. ⁶ Noto anyun iweekyige Kamukta- indeng'ung'; rib rirenet ak kiruoget, ak igen Kamuktaindeng'ung' kotugul. ⁷ Inendet ko chemung'araindet; mi eunnyi karogendoutikab ng'alset: chamei koyai sastaet. ⁸ Kile Epraim, "Kiaegu magorio iman, kianyoru magornatisiek che chang': manyorjin ichek boisionikyuk tugul yaitiet anan tengek." ⁹ "Ago a Jehovah Kamu-ktaindeng'ung' koboch emetab Misri; ta ayain imeny emaisiek kogeny, ko u eng' betusiekab igorwek che kiging'at. ¹⁰ Kiang'alal kora eng' maotik, kiagochi ng'ang'utik che chang'; ak kiaboisie karagutik eng' otwoknatetab maotik." ¹¹ Tos Gilead ko yaitiet? Iman, buch ichek; igoitoi kirugik koek tiseiywek eng' Gilgal: ee, u karurugutik kaptisi-siosiekwak eng' mbarenik che ibatotin. ¹² Kimwechi Jakobo emetab Aram, kio-tis Israel si kosich osotiot, kiiyaga kechirek agobo osotiot. ¹³ Ak eng' maotiot, ko kiimong' Jehovah Israel eng' Misri, ak eng' maotiot, ko kirib ichek. ¹⁴ Ago kigotach inendet Epraim, kot konerekyi eng' ng'wanindo: noto anyun bagakyin inendet korotikyik baragunnyi, ak koweekyi Jehovah nenyi inendet chotisiennyi.