¹ Ak kingo kagotarji ng'alekchi tugul itikab biko, kwo anyun Kapernaum. ² Kimi kiptayatab bogol ne kitinye otwogindet ne kichame komie , ak kimiani otwogindonoto ne ki legit kome. ³ Ak kingogas agobo Jeiso, koyokto boisiekab Yahudik kosaisai inendet kwo konya otwogindennyi. ⁴ Ak kingoiit icheget ole mi Jeiso, kosaisai inendet eng chokchinet , koleji nyoljini inendet iyachi kou nyoto, ⁵ amu kichame emenyi ago kitekweech kapkorosut. ⁶ Kwo anyun Jeiso ak icheget ak yo kima ko loo eng koyoto, kiptaiyandanoto koyokto choronokchi koba ole mi inendet ak koleji Kiptayandani ama ta iimchige amu ane ko mai chito ne muchini inyo gonyu. ⁷ Nyoto anyun mamuchino mbo anyo anyorun, mwa ngolyot kityo kosoobe otwogindenyu. ⁸ mbo ane aii chi ne kiboiywo , atinye murenikab luget che abou ngaleji ni wui kwo ak ngaleji age , nyo , konyo ak ngaleji otwogindenyu yai ni koyae. ⁹ Ak yo kingogas Jeiso ngalechoto, kokwong agobo inendet, kiweechge kotopen ak koleji tuiyet che kirube inendet amwawok ale tomo anyoru kayanet ne o ne teno ni, ololo mbo eng Israel. ¹⁰ Ak kingo weektage anyun che kig yook koba ga konyor otwokindenoto kagosoob. ¹¹ Ak yo kingo kagobata betunoto , kwo kokwet ne kiguure Nain, ak kiba kayotoik koboto inendet ak tuiyet ne o. ¹² ak yo kingo rikta kaborutab kokwonoto geer anyun kigisute musyo ne ki bo werit ne kibo kamet inege ak ki mosok chepyosonoto ak kimi inendet koboto biko che chang chebo kokwet. ¹³ Ak kingegeer Kiptayat inendet , korire ak koleji amatirir. ¹⁴ Ak kirikta ye legit ak kotwa kita ne kigisute inendet , ak kitononyo anyun che kisute , ak kileji Jeiso inendet , kiptoiyondani kamwaun ale ng'eet. ¹⁵ Ak king'eet anyun ne kia kome ak kotoi kong'alal , ak kimutyi Jeiso kamenyi. ¹⁶ Ak kiiyweis , ak kolos Jehovah , kole kangongeet eng kwenenyo maotiot ne o ak kagorutochi Jehovah bikchi. ¹⁷ ak kiltage ngalyondonoto agoboinendet koem Judea komugul ak korotinwek tugul che imuti oloto. ¹⁸ Ak kiborji koyoktoikab Johana ng'alechu tugul. ¹⁹ Ak kiguurjige Johana aeng che bo kayoktoikchi ak koyokto koba ole mi Jeiso kotebe kole tos inendet ne nyoni , nda kigonye age? ²⁰ Ak yo kia iit biko ole mi inendet koleji kago yakweech Johana , kabatisanindet kebwa ole imite, kale, tos inendet ne nyoni , nda kigone age? ²¹ Eng kasarata kosobcho che chang che kitinye mianwokik ak korotwek ak tamirmirik che yaachen,ak kigochi kipkoratinik che chang kogerto. ²² Kowolji koleji, oba omwachi Johana tuguk che kaoger ak che kaogas, kigo chini kipkoratinik kogerto ak bendoti che kaing'waldos , kitilili che tinye konjoriosiek ak kostoi che ming'otin , king'eti che kigobek , kiamdajini kibananok logoiywek che kororon. ²³ Ak iberurot age tugul ne tese tai koyani eng anee agobo tuguk che ayae. ²⁴ Kingo kagoba kayoktaoikab Johana, kotoi komwachi tuiyosiek agobo Johana , kole , kinge mande tumoo kwen ogeer nee? Sosiat ne tumtumi koristo? ²⁵ ago kiomande ogeer nee akwe? chito ne ilaachi ngoroik che tabululen ? ogeer icheget che ilachi ngoroik che bo lelesta , ak che meng'isie eng tagurnat komito gorikab laitorinik. ²⁶ ago kiomande ogeer nee? maotiot? wei amwawok ale , siire maotiot. ²⁷ Nyito ne kigisir agobo inendet kele , ogeero ayoktoi kiboitiondenyu kondoenen, ne chobe oreng'ung eng taing'ung. ²⁸ Amwowok ale , eng che kisich chepyosokomami neo ne sire Johana kabatisanindet kobate inendet ne mining eng bounatetab Jehovah ko o kosiir inendet. ²⁹ Ak yo kingogas biko tugul koboto taagikab aisurut koiityi imanda Jehovah , amu kiga kibatisan eng kabatisanetab Johana. ³⁰ Ago macham Parisaik , ak ngamotikab ng'atutik, kiruogutikab Jehovah, ma makchige amu kima ibatisan inendet icheget. ³¹ Ak kile Kiptaiyat, akergeiti ak nee bikab ibini, ak kerge ak nee? ³² Kerge ak legoi che tepsot eng sirosiek ak kuregee kolen ,kigekutwak iriambusiek ak ma oureren, kikitien nebo rirek ama oririe. ³³ Amu kinyo Johana kabatisanindet ama am makatia anan divai, ak omwa ole tinye chesawilyet. ³⁴ Kinyo weritab chi koamis ak koeeiso, ak omwae ole , ogeer anyun chemoetyo chichi ak eeindetab divaik , choruetab taagigab aisurut ak kiptengeginik! ³⁵ Ak naat ng'omnatet kele bo iman eng lagokchi tugul. ³⁶ Ak kimach age eng parisaik kole koamis ak inendet. Ak kiwo gotab parisaindonoto ak kotebi ng'weny koamis. ³⁷ Ak geer anyun , chepyoso age ne kimi kokwet ne o ne ki kiptengekcho, yo kingonai kole tebche ngweny Jeiso koamisie eng gotab parisaindenoto koib sotet ne mi mwaita ne nyamdut ak ko ng'uu. ³⁸ Ak kitonon eng let ole legite kelyekchi korire ak kitoi kosochi rerekab kong ak kobuche sumeekchi, ak kong'utut kelyekchi koile mwaita. ³⁹ Ak yo kingogeer nyoto parisaindenoto ne kiguure inendet komwa eng muguleldanyi kole , nda ka maotio chichi , nda kagonai kole ng'o chepyosoni katiny inendet, ako chi ne u nee, kele kiptengekcho. ⁴⁰ Ak kiwolji Jeiso inendet koleji, simion, atinye ng'olyo ne amache amwaun. Ak kile, kanetindet mwa anyun! ⁴¹ kole kimi besendindet anyun ne kitinye besenichi aeng, kibesen age rabisiek bogol mut ak kibesen age konom. ⁴² Ak yo kima kotinye kiy ne yaakchin, konyochi kaat icheket tuwai. Ng'o anyun eng icheket tuwai ne chame inendet kosir? ⁴³ Kowol Simion kole, abeere inendet kiginyochi kaat che chang , ak kileji kairuoch komie. ⁴⁴ Kiweechke kogeer chepyosonoto, ak kileji simion ichile chepyosoni ? Kaanyo gong'ung ama ikonoo beko aune kelyekchu, ago kagosachi kelyekchu beekchi bo kong chepyosoni, ak kobuche sumeekchi. ⁴⁵ Ma ing'ututa ago inendet kongeete kaitu kotomo kobagakta kong'ututi kelyekchu. ⁴⁶ Ma iile metinyu mwaita, ago kogoiile kelyekchu mwaita ne nyamdut. ⁴⁷ Nyoto anyun ne kamwaun ale , kagenyochi kaat tengekwokikchi che ka chang , amu chame mising, ago inendet ne kinyochini kaat kitigin kochame agine kitigin. ⁴⁸ Koleji chepyosonoto , kagenyoun kaat tengekwogikuk. ⁴⁹ Ak kitoi icheget che kimie amisiet ak inendet koamchinige kole ng'o ni imuchi konyochi kaat biko tengekwogik? ⁵⁰ Ak kileji chepyosonoto, kago sorun kayaneng'ung wui eng kalyet.