¹ Kiwechge Jeiso konyiitat tamirmiriet ne tilil kobunu Jordan, kondochini tamirmiriet kowendote eng tumoo kwen, ² amu ki betusiek artam ko kitiem chesawilyet. Ak ng betusiechoto ko kiru kut agoi tun kobeek betusiek , kogas kole ame rubet. ³ Ak kileji chesawilyet, ngot ii weritab Jehovah ityem iwaal koichu koek amitwogik. ⁴ Ak kiwolji jeiso inendet koleji kigisir kele masabe chi eng makatiat inege ama ng'olyotab Jehovah kotugul. ⁵ Ak kimut chesawilyet kwo tulwet barak ak kobarji ematinwek tugul chebo ngweny eng kasarta ne nwaach. ⁶ Ak kileji anyun chesawilyet inendet , agonin kimnatoni tugul ,ak bounatet komugul, amu kigegona ak amuchi agochi chi age tugul ne kachaam. ⁷ ak anyun ngitikutungjo ak iloswa akonin tugul. ⁸ ak kiwolji Jeiso koleji , istoenoge chesawilyeni kigisiir kele, ilosu Kiptaiyat Jehovah neng'ung ak iboisiechi inege ⁹ Ak kimut kwo Jesrusalem , kwo kotonone kimonjokutab got ne tilil ak koleji , ngoto ii weritab Jehovah isogorte iwe ngweny eng yu. ¹⁰ Amu kigisiir kele kiyogu malaikaisiek agobo inye asi koribin . ¹¹ Ak konamatin eng eunekwai koto matui koi keldong'ung. ¹² Ak kiwolji Jeiso , kigimwa kele, metiem Kiptaiyandeng'ung Jehovah. ¹³ Ak kingotar inendet tiemisiet , kobagakta eng kasarta ne nwaach. ¹⁴ kiwektage Jeiso Galili eng kimanatetab tamirmiryet ak kiletage logoiwekchi eng emeet tugul ak che legite oloto agobo inendet. ¹⁵ kinetis eng kapkorosusiekwai ak kilos inendet biko tugul. ¹⁶ Ak kinyo anyun Nasaret , emt ne kietune ak eng ateptonyi kwo kapkorosut betutab sabato kou ye kicham kowendi. ¹⁷ ak kigikochi inendet bukuitab maotiot Isaia. ak kisiach bukuit, konyor ole kigakisir kele, ¹⁸ mi tamirmirietab kiptaiyat ak ane amu kigiila asi aamdoji kibananok logoiywek che kororo, kiyokwao asi amuch aamdoji che iimige katiaget, asi komuch kogeerto kipkoratinik , ak atiach icheget che kigigoten, ¹⁹ si amuch aamda kenyit ne chamat eng Kiptaiyat. ²⁰ Ak kiger bukuit ak kowekchi kogeny kiboitiot ak kotebi ngweny. ak kichilji kong inendet bik o tugul che kimi kapkorosut. ²¹ ak kiytou koleji icheget , kagosulda rani sirutieni eng itikwok. ²² ak kigeercgige tugul inendet ak kokwong'io eng ng'alek che bo kororindo che kimong'une kutinyi, ak kile icheket , tos ma weritab Josep nyito? ²³ Ak kiwolji icheget kole iman , ara ngamwowok kalewenet , tos imuch konyage chepkericho, ko u yo kigegas kito ne kiyaak eng Kapenaum , tos yaak kora eng emaning'ung. ²⁴ Ak kileji amwowok iman ale mami maotio ne chamakse eng emenyi. ²⁵ Ago amwowok imanda ale , kimi mosokik che chang israel eng betusiekab Elija yo kingkegeer kurkotikab kipsengwet kenyisiek somok ak arawek lo, yo kimi rubet ne o emet komugul. ²⁶ Ago kimakiyokto Elija kwo gotab age tugul eng icheket kobate serepta eng kokwetab Sidon , ago koityi chepyoso ne ki mosok. ²⁷ Ak kimi che chang che kitinye konjorio eng Israel eng betusiekab maotiot Elisha ago kima kisoobbage tugul eng icheget kobate Naaman nebo siria. ^{30 28} Ak kinerekcho tugul eng kapkorosut kingogas ng'alechoto. ²⁹ Ak king'eetio ak kookta inendet komanda eng kokwet ak kimut kwo chepngesutab tulwet barak ole kigateech korik asi korta inendet kobun met. 30 Ak kibun kwenung'wai ak kwechige. ³¹ Ak kireektoe anyun Kapernaum kokwet ne o ne bo Galili ak konet agobo betusiekab sabato. ³² ak kikwong'io agobo ng'atutikchi , amu kitinye ng'olyondenyi kimnatet. ³³ Ak kimi chi kapkorosut ne kitinye tamirmiryetab chesawil, ak kiwaach eng tuget ne o mising, ³⁴ kole bagaktech kitinge ge nee ak inye , ii inye Jeiso nebo Nasaret , kenyo icheitarech angenin ale ii inye ne tilil ne bo Jehovah. ³⁵ Ak kiger kong Jeiso inendet ak koleji, sis ak imong'u eng inendet .ak kinga kowirji chesawilyet kwenung'wai komong'une inendet anyun komaita kiy. ³⁶ Ak kikwong'io bicoto ak kingalaljige ichegee kole nee ng'olyondoni ! amu kang'at eng kimnatet ak kamuktaet tamirmirik che matililen komong. ³⁷ . Ak kiletage logoiywek koba oloo tugul eng emet komugul ak che legite olotto agobo inendet. ³⁸ Ak kimanda eng kapkorosut kwo kap simion ak kiame chepyosetab igoi nebo simion eset ne kolgol ak kichngat ak kosaisai biko Jeiso agobo inendet. ³⁹ Ak kitonon eng ole legit ak koger kong eset komanda , kiistoge anyun eset eng inendet ak eng kasarata kongeet ak koboisiechi icheget. ⁴⁰ ak kingo legit kongir asista , komutyi biko tugul bikwai che kimiands eng korotwek che magerge ak kigonor eunekchi agenge eng agenge eng icheget ak kisobcho. ⁴¹ . Kimongune anyun chesailok biko che chang korortos kobeeree ii inye Kristo weritab Jehovah, koger kong Jeiso icheget machamchi kong'ala, amu kingen icheget kole inendet ko Kristo. ⁴² Ak kingo ka koech koweechige kwo tumoo kwen ak kichengaat tuiyosiek inendet ak kingo nyor inendet kosaisai asi mabagakta icheget. ⁴³ Ak kiwolji , amache aamdoji kokwetunwek alak ng'olyotab Jehovah amu kigiyokwo ayai boisionito. ⁴⁴ . ak kiamdaat anyun eng kapkorosusiekab Galili.