¹ Eng kenyitab taman ak mut ko ki laitoriat Taiberia Kaisari , ye ki gabena nebo Judea Pontio pilato ak Herod ko ki kiruogindet nebo Galili, ak ki kiruogindtab Iturea ak Trachoniti , pilipu werit ne tucho ak Herod , ak Lusania ko Kiruogindet nebo abilene, ² eng betusiek che bo tisisiet ne o nebo Anas ak Kaiapa koityi ng'olyotab Jehovah Johana Johana weritab Sakaria eng tumoo. ³ Ak kinyo komoswek tugul eng tabanutab Jordan koamdoti kabatisanetab sigunet agobo nyoetab kaat ne bo tengkwogik . ⁴ ko u kigisir eng bukuitab ng'alekab maotiot Isaiah kole tugetab nyoto agenge ne rire eng tumoo kole, ochopchige nyonunetab kiptaiyat ak okararan ortinwekchi. ⁵ Tun kenyiti kererut age tugul , ak tun kiribribi tulwet age tugul ne o ak ne mining ak che kunuren kechule, ak che ortinwek che sing'oren ketabululi, ⁶ ak chi age tugul konyoru sarunatetab Jehovah. ⁷ Kimwochi Johana anyun tuyosiek che kibendi ole mi inendet asi kebatisan koleji, oii akwee legukab erenokab ng'wonet ngo ne kagoteiwok omweunee nerekekab ne tun nyonii? ⁸ Oii anyun logoek che muchini sigunet ama taomwa eng mugulelwekwok ole kiboe kwandannyo Abram amu amwawok ale imuchi Jehovah koboisie koichu kochopchi Abram leguk. ⁹ Mbo nguno ko kaginde aiywet tigitikab ketik , nyoto anyun ketit age tugul ne maie logoek che kororon ketile ak kewirji ma. ¹⁰ Ak kitebe inendet tuiyet kole, ara tos kiyai nee anyun? ¹¹ Ak kiwolji inendet icheket kole chi age tugul ne tinye ngoroik kogochi ne matinye ak agine ne tinye amitwogik koyai ko u noto. ¹² Kibwa akiche taagikab aisurut si kibatisan ak kotebe inendet , kanetindoni kiyai nee? ¹³ Kowolji koleji matoyach aisurut che chang kosir che mache bounatet. ¹⁴ Ak kiteebe askarik agichek kole kiyae nee anyun ache? Amomu chi age tugul, amotaam chi eng lembech ak koyamak chepkondok che onyoru. ¹⁵ Ak kingota koganye biko kolen itu Kristo, koleptos eng mugulelwekwai biko tugul agobo Johana, kobeere ng'o tos kristo inendet. ¹⁶ Kowolji Johana icheget tugul koleji iman abatisonok eng beko ago nyoni inendet ne o kosiiro ne maumuchi mbo atiach anokab kweonikchi, ibotisonok inendet eng Tamirmiriet ne tilil ak maat. ¹⁷ Tinye kebet eng eunnyi ak kotilili komie kiyeng'ut ak koyumji nganuk chogennyi ago beele metetek eng mat ne ma rese. ¹⁸ Kiamji anyun biko logoiywek che kororon ak kotigonutik che chang. ¹⁹ Ago ye kingo kagoger kong Johana kiruogindet Herod agobo Herodia , chepyosetab wering'wai Pilip ak tugul che yachen che kia koyai Herod, ²⁰ kotesyi chuto anyun ak chun tugul , kowir korgoret. ²¹ Ak yo kingo kagibatisan biko tugul, ak kagibatisan Jaiso agine ak yo kitesetai kosae koyatak kipsengwet, ²² ak kichorjige inendet tamirmiryet ne tilil ne kerge ak cheptugetak komong'une tuget kipsengwet kole inyendet ko ii werinnyu chamanennyu abaibai mising eng inye. ²³ Ak kingotau Jeiso konetisiennyi , ko ki legit kenyisiek sosom (kobere bik ) weritab Josep weritab Heli, ²⁴ ne ki weritab matat, weritab Lawi, weritab Melki, weritab Janna, weritab Josep. ²⁵ Weritab Matias weritab Amos, weritab Naum, weritab Esli, weritab Nagai, ²⁶ weritab Maat , weritab Matias, weritab semei, weritab, Josep, weritab JudahJuda. ²⁷ Weritab Joanan , weritab Resa, Weritab Saobabel, weritab solatiel, weritab Neri, ²⁸ weritab Melki, weritab Adi, weritab Kosam, weritab Elmadam, weritab Er, ²⁹ weritab Jose, weritab Elieza, weritab, Jorim, weritab Matat, weritab Lawi. ³⁰ Weritab Simion, weritab Juda, weritab Josep, weritab Jonan, weritab, Eliakim, ³¹ weritab Melea , weritab Menam, weritab Matata, weritab Nathan , weritab Daudi, ³² weritab Jesse ,weritab Obed, weritab Boaz , weritab salmon , weritab Nasion. ³³ Nasion weritab Aminadab , weritab Admin, weritab Arom, weritab Pres, weritab juda, ³⁴ weritab Jakobo, weritab Isaak, weritab Abram, weritab Tera, weritab Nhor, ³⁵ weritab sarug , weritab Reu, weritab Palak, weritab Eber, weritab Sela. ³⁶ Weritab kainan , weritab Arpaksad , weritab sem , weritab Noa, weritab Lamek, ³⁷ weritab mMetusela, weritab Enok, werritab Jared , weritab Mahalel , weritab Kainan, ³⁸ weritab enos, weritab Set, weritab Adam, weritab Jehovah.