¹ Kigiyok ng'atutiet kobun Kaisari Agusto eng betusiechoto kole, kesir kainaikab biko tugul. ² Kaitosionito ko kibo tai eng baunatetab Suria Kureno ko gobena nebo Asiria. ³ Kwo anyun chi tugul emenyi , kokwenyi asi kesir. ⁴ ak kiwo agine Josep kolany kong'etee Galili komandae kokwetab Nasaret agoi Judea, emetab Daudi , ne kiguure Betlehem amu akot agine ko kibo oretab Daudi. ⁵ Kimut inendet chamanennyi maria ne kia koborge komie kole managat, asi keiit. ⁶ Ak kigisich lekwet koto komi oloto. ⁷ Ak kisich werinnyi ne bo tai ak kolokchi ngoroikab leguk ak komogonchi ng'erebtab tuga, amu kima komi korik che kerutos eng gotab toek. ⁸ Ak kimi kora mestowek kokwonoto che kiribe kiyakikwai kemoi. ⁹ Ak kitonon malaikaiyatab kiptaiyat eng ole legite icheget ak kikweny lilindab Kiptaiyat komoswekwai tugul , konyogoritu anyun mising . ¹⁰ ak kileji malaikaiyat icheget moiyweisie, ogeer anyun ami aibwok logoiwek che kororon chebo boiboiyet ne o che ityini biko tugul. ¹¹ Amu kagesikwok rani yetindet eng emetab Daudi , noto ko Kristo Kiptaiyat! ¹² Ago nyito ko kaborunet eng akwe , onyoruu lekwet ko kagitaachi ngoroikab lekwandit , kagi mogonji ng'erebto ne amisie tuga. ¹³ Ak kimi eng kasarta koboto malaikayandonoto che chang che bo kipsengwet kolosu Jehovah kobere, ¹⁴ bo tororindo Jehovah eng ole toror mising ak kalyet eng ngeny eng biko che chamotin eng inendet. ¹⁵ kingab kagobechigee malaikainik ko ba kipsengwet kong'alaljigei mestewechoto , ongebe agoi Betlehem si kobiit kegeer ng'olyondonito kakoyaak , ne kagomwaiwech Kiptaiyat. ¹⁶ Ak kiba kochakta ak kinyor Maria ak Josep ak lekwet ne kagimogonchi ng'erebtab tuga. ¹⁷ Ak ye kingagoger komwaita eng emotinwek che loen kiito ne kiagemwochi agobo lekwanoto. ¹⁸ Ak kikwong'io icheget tugul che kigas ng'alek che kimwachi mestewek. ¹⁹ Ago kigas Maria ng'alechoto k kobwati eng mugulelndonnyi. ²⁰ Ak kiweektage anyun mestewek kolosu Jehovah , korori eng tuguk tugul che kagogas che kagogeer, ko u yo kaga kemwachi. ²¹ Ak kinggosirto betusiek sisitu kemuratan inendet ak keguure kainennyi Jeiso, kainet ne kia komunchi malaikaiyat kotomo kemanach. ²² ak kingoitita betusiekab katililet kosubge ak ng'atutikab Musa komut inendet kwo Jerusalem si kigochi ak kiptaiyat. ²³ Ko u ye kigisiir eng ng'atutikab Kiptaiyat kole , kigure werit age tugul ne kipyator ne tilil agobo Kiptaiyat. ²⁴ ak kigoito korosek korubge ak ng'atutikab Kiptayat che kia keng'at cheptugenik aeng anan arek aeng chebo cheptugenik. ²⁵ Ak ogeer anyun, kimi chi eng Jerusalem ne kigiguree simion ,ago ki chi ne kaminen ak kosigunot ko kanye tegisto ak sarunet ne bunu Israel ak kinyiitat Tamirmiriet ne Tilil. ²⁶ Ak Kiga kong'anji inendet Tamirmiriet ne Tilil kole , magere meet kotomo kogeer Kristo nebo Kiptaiyat. ²⁷ . Ak kinyo eng tamirmiriet ne tilil kapkorosut ak kingomut sigik lekwet Jeiso si koyachi inendet kou ateptab ng'atutiet, ²⁸ konam anyun inendet Lekwet eng eunekchi ak kolos Jehovah kole, ²⁹ wei Kiptaiyat , iyonjini ak nguno kiboitiondeng'ung kwo eng kalyet kosubge ak ng'olyondeng'ung. ³⁰ Amu kagogeer konyekchu soruneng'ung, ³¹ ne kichob eng taitab biko tugul. ³² Lapkeiyetab ne bo ng'ang'utiet ne kia iboji bororiosiek, ak toror natetab biguk Israel. ³³ Ak kikwong'io Josep ak kametab lekwet eng ng'alek tugul che kigimwa agobo inendet. ³⁴ kiberur simion icheket ak koleji Maria kamennyi, keer anyun , kigigoon lekwani si kebutyo che chang ak kong'eetyo che chang eng Israel asi koek kaborunet ne tun kitoee- ³⁵ (wei nito inendet ko tun torin rotwetab chok muguleldong'ung) si kotok kabwotutikab mugulelwekab biko che hang. ³⁶ Ak kimito ana agine, cheptab Panue ne kimaotio, ne kibo oretab Asha. kigago osit mising , kimeng'is ak boyonyi kenyisiek tisap kong'ete ngitun, ³⁷ ak ki mosok ne kia ko rikta kenyisiek tamonwogik sisit ak ang'wan , ak kimomondoi eng kapkorosut , kolosu ak koboto karugutetabgei ak samuti bet ak kemoi. ³⁸ Ak kinyo eng kasarta noto ak kogochi Jehovah kongoi ak king'alalji tugul che kignaye sarunet eng Jerusalem agobo inendet. ³⁹ Ak kinga koyai tuguchuto tugul korubge ak ng'atutikab kiptaiyat koweektage kobun Galili agoi tun koit emeng'wai Nasaret. ⁴⁰ Ak kieet lekwet ak kotesak kimnatet, ak kinyi ng'omnatet : ak kimi mieindab Jehovah koboto inendet. ⁴¹ Kicham kobendi sigikchi Jerusalem kenyiit age tugul eng igortab pasaka. ⁴² Ak king koit kenyisiek taman ak aeng, koba agoi Jerusalem kou ateptab igorwek. ⁴³ Ak kingotar betusiek ak kowektagee , konget lekwet Jeiso eng Jerusalem ak kima nai sigikchi. ⁴⁴ Kibwat icheget kole mii tugul , kiba banda nebo betut agenge ak kicheng inendet eng kwenutab kikab oret ak che kingengee. ⁴⁵ Ak kingo manyor inendet , kotil kwektage jerusalem kocheng'aat. ⁴⁶ Ak yo kingobeek betusiek somogu konyorji inendet kapkorosut kotebche eng kwenutab kanetik koepchin it ng'alekwai ak kotepsee icheget. ⁴⁷ Ak kikwong'io icheget tugul che kigase3 ng'alekchi amu naenyi ak ole kiwaundoi. ⁴⁸ ak kingogeer kikwong'io ak koteebe kamenyi inendet koleji lekwani amunee asi iyaywech kou nito, keer anyun ane ak kwaning'ung ko kagecheng'in ak keimigei. ⁴⁹ . Ak kileji icheget amunee asi ocheng'a ? ma onai ole kanyoljo ayai boisietab kwandannyu? ⁵⁰ Ak meguiyo icheket ng'olyondonoto kimwochi. ⁵¹ Kiba koregto ak icheget agoi tun Nasaret ak kigase iit icheget ak kinde kamet ng'alechoto tugul eng muguleldannyi. ⁵² kitesak ng'omnatetab Jeiso ak etunet ak mieindo eng Jehova ak biko.