¹ Kirik anyun tumdo nebo makatinik che ma kinde bitek ne kiguure pasaka. ² Ak kicheng tisiik che eechen ole imuch kobarta inendet amu kiiywei icheket biko. ³ Ak kichut ceswilyet Judas ne kigiguure Isacriot, ne ki age eng taman ak aeng. ⁴ Ak kiwo kong'alal ak tisiik che eechen ak kiptainik ole ng'wektochindoi Jeiso inendet. ⁵ Ak kiboiboitu anyun bichoto ak kichomyechi kogochi inendet robiisiek. ⁶ Kochaam anyun inendet ak kocheng boroindo kongwekchi inendet icheket eng ole mami biko che chang. ⁷ Ak kiit anyun betut ne bo makatinik che makindeno bitek, betut ne kikanyol koeny arutab pasaka. ⁸ Ak kiyokto Petero ak Johana kole oba ochabwech Pasaka asi kobiit keam . ⁹ Ak kileji , imache kebe kechobe eng ano? ¹⁰ Ak kileji icheket ogeero , ngomande eg kokwet ne o kotuyenok chito ne ibei teretab beeko, orub inendet ago i got orit ole wendi. ¹¹ Ak omwachi chirtab kobo kot oleji katebenen kanetindet kole , mi ano gotab toek ,ole achoni aame pasaka koboto kayoktoikchu. ¹² Koborok anyun got ne o ne mi barak. Ochob anyun tetutik tugul eng oloto. ¹³ Ak kiba anyun ak konyor ko u yo kaga kemwachi ak kichob pasaka. ¹⁴ Ak kingoit sait koteb ngweny koboto che kiyoktoi. ¹⁵ Ak kileji icheget, eng aget ko koamach aam pasaka ak akwe kotomo anyalil. ¹⁶ Amu amwawok ale, kong'ete nguni ko maaame agoi kosulda eng bounatetab Jehovah. ¹⁷ Ak kitaach kikombet , ak kingo kagogoito kongoikole,onam ni ak opchechige akwegee. ¹⁸ Amu amwawok ale kong'etee nguni ko ma aee che bo logoekab sabibuk agoi koit bounatetab Jehovah. ¹⁹ Ak kinam makatiat ak kingo kagomwa kongoi kobutul ak kogochi icheget ak kole ni ko bortnnyu ne kigoitoi agobo akwek , oyai ko u ni eng kabwatet ne obwateno. ²⁰ Ko u nyoto kikombet agine , kingobata amitwogik che bo kosgoleny, kole arorutiet ne leel kikombani eng korotikchu che kitumdoi agobo akwe. ²¹ Ago ogeero ni eutab inendet ne ng'wektaa koboto eng mesani. ²² Amu wendi weritab chi iman ko u ole kiging'at, ago ayoo eng chichoto ng'wektoi inendet! ²³ Ak kitoi anyun kotebegei ichegei kole ng'o eng icheket ne yae kii. ²⁴ King'eet anyun tiiyet eng kwenung'wai kole ngo ne keiti kele ne o eng icheket. ²⁵ Ak kileji icheket, laitorinik eng bororriosiek ak icheket che tinye bounatet eng icheket keguure toretik. ²⁶ Ago ma u nyoto eng akwe ago ingokerkeitge ne o eng akwe ne mining, ak inendet neo koigei ne ootisie. ²⁷ Ng'o ne o anyun, inendet ne tebche eng omisiet nda inendet ne ootisie? tos ma inendet netebche eng amisiet? Ago ami kwenung'wongko u chito ne ootisie. ²⁸ Ago akwe ko u che kiotebi koboto eng kanyalilet. ²⁹ Ak kaagonok bounatet ko u yo kigogona kwandannyu, ³⁰ asi kobiit oamisie ak oeeise mesenyu eng bounatennyu, ak tun otebe ngecherok che bo laitornatet oruokchini ortinwek taman che bo Israel. ³¹ Simion, Simion, keero kagosom chesawilyet kole konamak asi kosesak ko u nganuk. ³² Ago kiasa agobo inye asi maibut kayaneng'ung ak yo kaiwalage, igimit che otupche. ³³ Ak kileji inendet, kiptaiyandani , kaachobge kebetuwai korgooret, mbo meet. ³⁴ Ak kimwa kole amwaun Petero kotomo kochei kipsiywet rani, iitoe konyil somok ile mengeno. ³⁵ Ak kileji icheket kinga yoktok ko motinye mbo lolet nda ko ngoroik che iwale ak kweonik , ko tos kirarwok kiy eng akwe. Ak kile mararweh kiy. ³⁶ Ak kileji ago inendetne tinye lolet koibot nguni, ak u nyoto ngoroik che iwale agine , ak inendet ne matinye rotwetab chok koalda ngorienyi asi koale. ³⁷ Amu amwawok ale kiito ne kigisir ko konyol kosulda eng ane kele kigitesta inendet koboto kiptengeginik, amu tinye kagesunet ng'al;ek che kigisir agobo ane. ³⁸ akkile kiptayandani, keero mi yu rotonikab chok aengu. Akkileji icheket kagoem. ³⁹ Komong sang anyun ak kwo agoi tulwetab Emitik , ak kirub kayoktoikchi inendet. ⁴⁰ Ak yo kingo kagoit oloto,koleji icheket, osa asi mochut tiemutik. ⁴¹ ak kiistoege icheket yo itei koita ngewirta, ak kokutuny kosa, ⁴² kole Baba , ngicham iistoeno kikombani. ago a ko u magenyu, ago ingoyaak ko u mageng'ung. ⁴³ Ak kimongji inendet malikaiyat ne kibunu kipsengwet kogimit inendet. ⁴⁴ Ak yo kimi nyalilda inendet ne ngwan koteshi kosa mising ak kigergeitu aotikchi ak korotik che sachini ngweny. ⁴⁵ Ak kingoit eng saennyi konyo ole mi kayoktokchi, ak konyor korutos amu kaimutik ⁴⁶ ak kitebe icheket , kaine asi oruiye? ong'eetye osa asi mochut tiemutik. ⁴⁷ Ak kingota ko ngalali , ogeero tuiyet koboto inendet ne kiguure Judas age eng taman ak aeng, kindoune icheket ak korikchi inendet Jeiso asi kong'utut, ⁴⁸ ak kileji Jeiso Judas ing'wektooi weritab chi eng ng'ututet? ⁴⁹ Ak kingogeer che kimi koboto inendet kito ne mache koyaak kole kiptaiyandani ieb eng rotwetab chok? ⁵⁰ Ak kinget age eng icheket che otwogindetab tisiindet neo , ketil itinyi ne bo tai. ⁵¹ Ak kiwolji Jeiso koleji obagakte, kagoem! Ak kitiny itinnyi ak kosoob inendet. ⁵² Ak kileji Jeiso tisiik che eechen, ak kiptainikab kapkorosut ak boisiek che kigabwa kogiringda inendet, kobwa ak rotonikab chok ak siarissiek, kou yo bwanjini chorindet? ⁵³ Yo koami kobotok betut age tugul eng kapkorosut, ko ma onyonama eng eunekwok, ago kasartang'wong nito ak kimnatet ne bo tuindo. ⁵⁴ Kinam anyun inendet ak komut kwo gotab tisiindet ne o. Ak kirub Petero eg ole loo. ⁵⁵ Kingo kakolal mat eng kok kotebe ngweny tugul, ak kitebe Petero kwenung'wai. ⁵⁶ Ak kingo geer chepto age inendet kotebche eng ole mi lapkeiyetab mat kochilji kong inendet kole , kimi chichi agine koboto inendet. ⁵⁷ Ago kitai kole, chepyosoni, mangen inendet. ⁵⁸ Ak ne matia kogeer chito age ak kole ii agenge aginye eng icheket. Ak kile Petero, chichi ma ii agenge eng icheket. ⁵⁹ Ak kingo bek olo bo sait agenge, kokimkim chito age eng kimnatet kole, iman kimi chichi agine koboto inendet, amu Galilindet inendet. ⁶⁰ Ak kile Petero, chichi mangen cho imwaei. Ak ngota komwae kochei kipsoiywet kasarata. ⁶¹ Ak kiguskong anyun kiptaiyat ak kotopen Petero, ak kinan Petero ng'olyotab Kiptaiyat ko u yo kiga komwachi kole kotom kochei kipsoiywet rani, itayo konyil somok. ⁶² Akkimanda sang kwo koriir eng ng'wonindo. ⁶³ Ak kichwess biko Jeiso che kiname inendet ak kobir. ⁶⁴ bak kitich knyekchi ak koteebe kole, ng'orse , ngo ne kamasin? ⁶⁵ Ak kimwa ng'alek alak che chang che yaachen agobo inendet kochweschwesi. ⁶⁶ Ak kingoeech koruruchge boisiekab bichoto, tisiick che eechen ak sirik. Ak kimut inendet kwo kapkirwogengwai kole, ⁶⁷ ngoto ii Kristo imwawech. ago kileji icheket mbo ndamwawok ko moyani, ⁶⁸ ak ngoto atebenak ko mowolu. ⁶⁹ Ago kongeete nguni kotebee weritab chi eutab tai ne bo kamuktaet ne bo Jehovah. ⁷⁰ ak kile icheket tugul, tos ii weritab Jehovah anyun? koleji omwae ole aii inendet. ⁷¹ Ak kile icheket, ta kemage nee baornatet age? Ako kagegas acheget kobun eng kutinyi.