¹ Ak king'eet metit ak ak kogeer mogorek kodenoi konunoikwai ole kirurukchini. ² Ak kigeer mosoget age ne ki kibanania kondoi ndururusiek aeng che u kebebertab robiisiek. ³ Ak kile amwawok iman ale, kagokoon mosogoni banan che siirei chi tugul. ⁴ Amu kagonde chi tugul eng chang'indang'wai ole kindoi kagochinoik, ago kagonde inendet eng banandannyi tugul che tinye mbo che kosobee. ⁵ Ak kingo ta kong'alali alak agobo kapkorosut ole kikararanda eng koik che kororon ak kagochinoik kole, ⁶ Eng tuguchu ogeere, ko tun bwani betusiek che mang'etune koita mbo agenge , eng baragutab age , ne ma tun kiwirjini ngweny. ⁷ Kiteebe kole kanetindoni egu anyun tuguchuto auyo? Ak unee kaborunet ne tun mache korik kosulda tuguchuto? ⁸ Ak kile oripge asi ma kibeetok , amu tun bwani biko che chang eng kainennyu kolen aiinendet , ak kagorik betusiek , amorub icheket. ⁹ Ak nda tun ogas agobao lugosiek ak chemarget ko mato cholye, amu nyalunot kosub kosulda tuguchoto korok, ago tomo korik kagesunet. ¹⁰ Koleji anyun icheket, tun setyini bororiet age bororiet age , ak setyini bounatet age bounatet age. ¹¹ Ak kobiit botanet che eechen chebo ng'weny ak kemeito eng orisiek alak ak mianwokik ak kobiit kamuisiet ak kaborunoik che eechen che bunu kipsengwet. ¹² Ago ngo tomo kobiit chuto konamok eng eunekwai ak konyalilak ak komutak obe kapkorosusiek ak korgorosiek komutak taitab laitorinik ak bounik agobo kainennyu. ¹³ Egu kasartab baornatet eng akwe. ¹⁴ Oegu che otile eng mugulelwekwok asi mosib oimchige agobo ole owoldi, ¹⁵ amu agonok ngalekab ng'omnatet ne maimuchi bunikwok tugul kowolkiy nda kogirindaak. ¹⁶ Ak kong'wektak sigikwok ak che otupche ak chhe bo oreng'wong ak choronok ak kobar alak eng akwe. ¹⁷ Ak kosasaak biko tugul agobo kainennyu. ¹⁸ Ak mabete sumeiyot agenge ne bo metigoikwok. ¹⁹ Ak eng muitaeng'wong onyoru sobonwekwok. ²⁰ Ak tun ngoger lugosiek komuuti Jerusalem, onai anyun ole kagorik ngemisienyi. ²¹ Ingo mwechi anyun che mi Judea tulonok ak ingomanda che mi kwenutab kokwet ak mata koba orit icheket che mi emonoto. ²² Amu chuto ko betusiekab mugetut asi kobiit kosulda tuguk tugul che kigisir. ²³ Aya wee akwe che tinye che chuchunieng betusiechoto! amu bitu bichiindo ne o eng ngweny ak nerekek eng bichuto. ²⁴ Ak kobutyo icheket eng ngatibindab rotwetab chok , kimut che kaluulyo koba bororiosiek tugul, ak kotiechatiech bororiosiek Jerusalem agoi kosuldabetusiekab bororiosiek. ²⁵ Ak kobiit kabarunet eng asista ak eng arawet ak eng kogelik , ak kobiiteng ng'weny bichiindab bororiosiek, ak kwonget amu kamuutetab ainet ne o ak beko che mildogei. ²⁶ Ak kobek mugulelwekab biko amu cholatet ak eng kanyisietab tuguk che bwanjini ngweny amu kitumdumi kimnatosiekab kipsengwet. ²⁷ Ak eng betunoto kogeer anyun weritab chi konyoni eng boldet koboto kimnatet ak torornatet ne o. ²⁸ Ak ngotoi kosulda tuguchuto ogeer barak ak ongeet metigoikwok, amu karik katiageng'wong. ²⁹ Ak kimwachi icheket kalewenet kole, ogeero mogoiwet ak ketik tugul. ³⁰ Ne ngorut ogeere ak onae akwe ole karik kesisiet. ³¹ U nyoto anyun ak akwe ngo geer koyaagis tuguchuto onai ole karik bounatetab Jehovah. ³² Amwawok iman ale, masirtoi ibini agoi kosulda tuguk tugul. ³³ Kipsengwet ak nweny kosiirtoi ak magoi siirto ngalekchu. ³⁴ Ago oripge anyun akwe asi manyi mugulelwekwok eeiset akbogitet ak kaimutikab sobetab betusiechu asi matun konyachak betunoto, ³⁵ konamak ko u mestet , amu u nyoto tun nyonjini biko tugul che menyei ngweny komugul. ³⁶ Ago oripge eng betut age tugul ak osaeasi onyoru oterterisie, ochilile tuguchoto tugul bwani ak otononye eng taitab weritab chi. ³⁷ Ak kiinetisie ebg kapkorosut ak betut age tugul ak kimondoi kembout age tugul kowendi kotepche eng tulwe ne kigiguure tulwetab emitik. ³⁸ Ak kimuschini biko tugul inendet eng kapkorosut asi komuch kogas inendet.