¹ Ak kiriikyi inendet taagikab koti tugul ak kiptengekinik asi kogas inendet. ² Ak kiing'ung'ungyo parisaik ak siriik kele taachei chichi kiptengekinik ak kaamisiei tugul. ³ Ak kimwoji icheket kalewenoni koleji, ⁴ ngo chi eng akwe ne ngo tinyei kechirek bogol ak ngobet agenge eng choto ke tos mabagakta choto tamanwogik sogol ak sogol eng tumoo kwen ak kwo kocheng'aat noto kobet agoi kenyor? ⁵ Ak kingonyor konde tigikyennyi ak kobaibait. ⁶ Ak kingoit gaa , koguur chorondokyi ak bikab kokwet kururuch, ak koleji ongebaibaitu ak ane amu kanyoru kechennyu ni kya kobet. ⁷ U nyoto anyun amwowok ale , egu nyoto tun boiboiyet eng kipsengwet eng kiptengekyot agenge ne kasiik, sirei bik che bo iman tamanwogik sogol ak sogol chemamage kiy sigunet. ⁸ Ngo chepyoso ne tinye tongiloisiek taman,ak ngobet tongiliot agenge , ko tos mailal matap romoriot ak kobuch got ak kocheng missing agoi konyor? ⁹ Ak kingonyor koguur chorondokyi ak bikab kokwet koruruch ak koleji ongebaibaitu ak ane , amu kaanyoru tongilyonnyu ne kia kobet. ¹⁰ U nyoto anyun amwowok ale mitei baiboiyet eng malaikaisiekab kiptaiyat eng kiptengekyot agenge ne kasik. ¹¹ Ak kile , kimi chii anyun ne kitinye werikyi aeng, ¹² ak kileji werit ne mining konunyi, aboo, kona tuguk ce tun ipchewo, ak kipchechi icheket tugukchi. ¹³ Ak kingobata betusiek che ng'ering , korach weroto tugukchi tugul, ak kwo emet ne loo, kwo konyernyere eng oloto tukukchi eng atepto ne ya. ¹⁴ Ak kingo kagotar tugul konyo rubet ne o emonoto, kotoi anyun kobanan. ¹⁵ Ak kiwo inendet kotisyike chi ne bo emonoto ak kwo koyokto koyaga torok eng mbaret. ¹⁶ Ak kimache missing kole kobiyony metetek che kiame torok amu kimegochi chi kiy age tugul. ¹⁷ 7Ak kibwat komwa kole, tia otwogikab aboonyu che tinye amitwogik che eme koto nget, ago ami ko kabara ruba eng yu! ¹⁸ Angeete ak awe ole mi konunyuak aleji, aboo kiacholwogenji kipsengwet ak eng taing'ung. ¹⁹ Ma ko nyaljino kie kegureno wering'ung, ingaeku agenge eng otwogiguk. ²⁰ King'eet anyun kw ole mi konunyi. Ago kingo to komi ole loo, kogeer inendet konunyi ak korire inendet, ak kilabat kwo ak koleji aasak ak kong'utut. ²¹ Ak kileji weri, Aboo kiacholwogenji kipsengwet , ak eng taingun'ung, ak ma ko nyoljino koto keguureno wering'ung. ²² Ago kileji konut otwogikyi oibu ochogune ngoriet ne kararan ne sirei tugul ak ondenochi muguriot mornenyi ak olookyi kweinik. ²³ Ak ogetu moita ne nerat ak oeny si keamak keboiboitu! ²⁴ Amu werinnyu ne kia kome, ago kagosob kogeny, kia kobet ak kwanyoru, kitoi anyun koboiboitu. ²⁵ Ak kimi werinyi ne o mbar ak kingorik olelegit got kogas cheetab tiendo ak ureriet. ²⁶ Ak kiguur agenge eng otwogik, ak kotebe kole nee tuguchu. ²⁷ Ak kileji kagoit kesendang'ung ak kagoenji aboong'ung moita ne nerat amu kagotaach inendet kotakosabei. ²⁸ Ak kinerech ak kitai kwo go ak komong knunyi sang kosaisai. ²⁹ Ago kiwolji konunyi koleji, keero kiaotin eng kenyisiek che chang ama but ng'atutieng'ung ak kima igonoo arua asi keboiboitu ak choronokchu, ³⁰ ago ki ngakonyo wering'ung ne kibogoam tugukuk ak chepkugonik iengji anyun moita ne nerat. ³¹ Ak kilji weri, imi uwai betusiek tugul ak tugukchuu tugul kocheguk. ³² Ak kanyolu keboiboitu ak kegaasge amu kesendang'ung nyi ko kia kome , ago kagosob kogeny, kia kobet ago kakenyoru.