¹ Ak kingwo kotab bounintet agenge ne o nebo parisaek koamis eng betutab sabato, keribot inendet. ² Ak keero , kimi chi eng taitanyi ne kitinye kanuket ne ya. ³ Ak kitebe Jeiso kongololjini kirwogikab ng'atutik ak parisaek, koleji tos chamtaat kiinya chi eng betutab saet? ⁴ Ak kisisyo, ak kimuut inendet ak konya ak kotiakta kowejikee. ⁵ ak kimwoji icheket koleji, ng'o eng akwee ne ngochut sikiryenyi nda ko eitonyi keben komosoru amu betutab sabato? ⁶ Ak kisiisyo icheket eng ngalek tugul, mawolji kiy. ⁷ Ak kimwoji kalewenet eng icheket che kikakikurji tumdo, koker icheget koleweni ngecherok chebo tai, kowolji icheket koleji, ⁸ Ngoto kakiguurjin tumdab katunisiet, ngot koitebee ngecherok chebo taai , ngotocho chi neo ne kekonyiti ako kakikuur inendet. ⁹ Ak si konyo agenge eng akwek tugul che kakiguurok ak kolejin ikochi chichi ng'echeret nebo tai , itou anyun iwe ng'echerokab let ak ing'ortoti. ¹⁰ Ago ngekuurin iwe itebe ng'echerok chebo let, asi ngo cho chito ne kaguurin komuchi kolejin , chorwenyu imuchi itebe ng'echerok che mi tai, ak inyoru anyun tegiis eng kwenutab che oamisiei tugul. ¹¹ Amu age tugul ne itororige , kemining'iti, ago ne imining'itigee ketorori. ¹² Ak kileji anyun chichoto kigataach inendet, kole tos ngichob amitwokikab bet nda ko che bo koskoleny, ko matiguur choronokuk che otupche, nda ko tilionutikuk, nda ko magorekab kokwet, ak ile si tun koguuro icheket ak kowegun chekuget. ^{14 13} Ago ngichob amiwokikab tumdo, iguur che bonondos, ak chebo mugungonik, ak che ingwoldos ak che koriotin, si keberurin, amu matinye icheket cheweegun amu tuun kewegun eng ng'etietab chebo iman. ¹⁵ Ak kingogas tuguchuto chito age ne kiamistos tugul , kowolji koleji, iberurot inendet ne tun koamisie eng bounatetab Jehovah. ¹⁶ Ago kileji, kimi chito ne kichob amitwogikab koskoleny ak kotaach che chang. ¹⁷ Ak kiyokto otwogindenyi eng saitab amitwogik koguur che kiga kemwoji keleji kobwa, amu kagocobokis tuguk tugul. ¹⁸ Ak Kiwool tugul eng kibagenge amu nee si memuchi kobwa. Nebo tai kowolji, kiaal mbaret ara awendi bo ageere, ara asome itiaktaa. ¹⁹ Ak kiwol age kole, kiaal eikchu c chokisiek mut, awendi atieme ara asomi iitiaktaa. ²⁰ Ak kole age koatun kwandannyu ara mamuchi acho. ²¹ Ak kwechke otwogindenyi ak ng'alek tugul che kiwol bichoto. Koepchi iit mokoryonyi ak kinerech mokoryotab koot, koleji otwogindenyi, wui ichakte iwe ortinwek che eechen ak che mengechen eng emet ak imutu kibananok, chebo mgungonik, che ingwaldos ak che koriotin. ²² Ak kile otwogindonoto, kiptayandani, kigoyaak amu kou ye keng'aat, ako manyi biko. ²³ Koleji anyun kiptaiyat otwogindennyi, ui ortinwek che eechen ak rotiosiekab marenik ak isaisai kobwa go , si konyi konyu. ²⁴ Amu amwoun ale bicho tugul ki kagur ko makoi chamcham amitwokikchu. ²⁵ Ak kiba inendet ak sikom neo ak kiwechke inendet kogeer let ak kole, ²⁶ ngo wekchoke chi ak mata saas konunyi ak kamet ak kwondonyi, ak legukchi ak che tupcho ak tibikwai, wei ak sobondanyi, ko makoi oegu kayoktoikchu. ²⁷ Ak chi age tugul ne makeseni kimurtoiyonyi ak korupkaa ko makoi koegu kayoktoindenyu. ²⁸ Amu ngo eng akwe ne mache kotech got ne koi ko mateb ngweny korok ak kotet ak koit , ngoto tinye tuguk che imei kotar tekset? ²⁹ Si ma ngakotononio tiik koitita ko maimuch kotar , keero ketou kechotachot inendet ne keerei, ³⁰ kole kitoi chichi koteekso ago ma imuch kotar. ³¹ Nda ngo laitoriat ne wendi boriet ak laitoriat age korok ko tomo kotebi ng'weny korok ak kotebee bikchi ngoto imuuchi elubusiek tamanu koborio ak chito ne tinye elubusiek tiptem? ³² Nda ngoto tokomi age ole loo koyokto ng'olio ak komach inendet koyai kalyet. ³³ Ara anyun chi age tugul eng akwe ne mabogoktoi tugukchi tugul ko maimuchi koek kayoktoindenyu. ³⁴ Munyek ko kororon, ako ngo ne teese anyinyindonnyi ko kakobek, anan kianyinyindoi ano kokeny? ³⁵ Ma ko bo kiy eng emet agot eng eng kapng'ataat. Kiwirtoi kityo. Inendet ne tinye itiik che kikostoe, koep iit.