¹ Kimi biko alak eng betusiechoto che kimwoji inendet kole mii Galilik che kingol pilato korotikwai ak tiseiwekwai. ² Ak kiwolji kole tos ibwati ile Galilik chu ko ki kiptengekin kosir Galilik tugul amu kinyalilyo? ³ Amwowok akwe ale ngoto mosigu obeku ko u noto. ⁴ Nda kochoo taman ak sisit che kilulji kot eng Siloam ak kobar icheket kobwati ole kii kiptengekin kosir biko tugul ce kemeng'ikab Jerusalem? ⁵ Amwowok akwe , olo ngoto mosigu obeku ko u nyoto. ⁶ Ak kimwa kolewenoik kole kimi chi ne kikol mokoiywet eng mbarenyi , ako kiwechke kocheng logoek amanyor akot agenge. ⁷ Ak kimwoji kiboitiot nebo mbareni koleji kiawechkei eng kenyisiek somok kinyacheng logoek eng mogoiwoni amanyoru. til kolul amune si koamei nyungunyek buch ⁸ Ak kiwolji koleji kiptayandani ngotebi kenyini inege si asemberji ak andene ng'atatek. ⁹ Ak ngotomaii logoek nda koii kongete rani komie, ak ngotomaii atil anyun kolul. ¹⁰ Ak kinetisie eng kapkorosut egenge eng betutab sabatho. ¹¹ Ak keero kimi chepyoso ne kimongeete kenyisiek taman ak sisit ak kigeng'uruch ak kimemuchi kotonon. ¹² Ak kingogeer Jeiso inendet kokur ak koleji chepyosoni kaketiachin. ¹³ Ak kikonor eunegchi inendet ak kitonon ak kolos Jehovah. ¹⁴ Ak kinerech kandoindetab kapkorosunoto amu kinyoiso Jeiso eng betutab saet ak kimwoji biko kole , mi betusiek Lo chebo boisiet si kobwa keenya, ama eng betutab Sabato. ¹⁵ Ak kiwolji kiptaiyat kole kiptengekinichu tos eng akwe tugul otiachi tukwok nda ko sikiroikwok ak okweri koee beko? ¹⁶ Ak cheepyosoni ne cheptab Abraham ne kiraat chesawil kenyisiek taman ak sisit makimuchi ketiach eng betutab saet? ¹⁷ Ak kingoto komwae ng'alechu , konerekyo bunikyik ak kokass koya, ak kiboiboitu biko tugul ak koloos Kiptaiyat. ¹⁸ Kimwa kole kergei bounatetab kiptaiyat ak nee? tos keerge ak nee? ¹⁹ Tos keerge ak kesuiyotab logoiywet ne kisuut chi ake ak kowirchi mbarenyi ak korut ak koek ketit komie ne o ak kitekchi taritik korikwai barakutab sokeek. ²⁰ Ak kimwa kogeny kole tos kerge bounatetab kiptaiyat ak nee? ²¹ Tos kergei ak bitek che kiuny chepyoso ak kongol mang'ang'a somok ak busiek okoi tun koruryo tugul. ²² Ak kiwo inendet kubuunot kokwatunwek ak suktosiek konetisiote ak koruto kotokchigei Jerusalem. ²³ Ak kileji chito ake, kiptayandeni tos mii che ng'ering che tun kesoru? Ak kiwolji kole, ²⁴ ogiljigei ochut kaborut ne marich, amu amwowok ale iite kocheng kochut che chang orit amemuch konyor. ²⁵ Ak tun kang'eet chitab kobo kaita ak koger kurget ak otou otononse eng sang ak ogonygony kurget, ak ole kiptaiyandani yatwech ak kowolwok inendet kole mangenok ak ole obunu. ²⁶ Kitou icheket kole kikeamisie ak keere tugul ak kinetisie eng ortunwekcho. ²⁷ Ak tun mwae kole mangen ole obunu obechigee oistoenokee akwe yaikab cholwok. ²⁸ Ako tun anyun ko mi rirek ak nyeetab kelek nda tun ogeer Abram ak Isak ak Jacobo ak kiboitinikab kiptaiyat ak kewirchok akweket sang. ²⁹ Ak tun bunu kongasis ak cherongo ak chebunu murot tai ak chebunu murot kataam ak kotebi ingweny eng oltab kiptaiyat. ³⁰ Ak keero mi che bo let che tun egu chebo tai ak mi che bo tai che tun egu che bo let. ³¹ Kibwa parisaik eng betunoto ak koleji nget ak iwechike amu mache Herod si kobarin. ³² Ak kileji icheget oba omwachi cheleleinoto oleji keero aone oik ak anyaii biko rani ak mutai ak betut nebo somok ko kaatar boisiennyu. ³³ Ago awendi bandanyu rani ak karoon ak betut ne rube amu magoi keng'em kiboitiotab kiptaiyat eng sang ne bo Jerusalem. ³⁴ Ee Jerusalem, Jerusalem, inye ne ibare kiboitinikab kiptaiyat ak iwire ng koiik icheget che kakiok. Kiamach konyil ata aruruch legukuk ko u ingokiet ne iruruchi arekchi eng kebebaickchi ako mochaam. ³⁵ Keero kikebokokun kong'wong koek kiratia ak amwawok ale mokero agoi tun omwa ole iberurot ne kichoni eng kainetab kiptaiyat.