¹ Eng kasarata, yo kingoruruchge biko ngisiat che bo ntuiyet, koto kotiech ge ichege, kosib kotoi koleji kayoktoik, oistoegee bitekab parisaik, nyoto chombilisiet. ² Ago mami kiy ne tuchot ne matun kesule nda ne ung'at ne matun naakse. ³ Amu kiy age tugul ne omwae eng tuindo kotun kegase eng ole lakei, ak che kiochamji itit eng got orit kotun kemwoitoi eng got barak (kipkesieb). ⁴ Ak amwawok choronkchu ale , amoiywei che bare borto, ng'otyo ko mata komuch koyai kiy age. ⁵ Ago ateiwok si onai inendet , ne nyolu keiwei. Oywei inendet ne ngo kagobar komuchi kowirji maatab kipchulio. Wei amwawok ale , oywei inendet. ⁶ Tos makialdae taritik mut che mengechen kebebertab mut, ne bo tongiloisiek ? ama metoo Jehovah mbo agenge. ⁷ Ago iitotin sumeek tugul che bo metigoikwok. Amoiywe anyun, osiire akwe taitik che chang che mengechen. ⁸ Ak amwawok ale, age tugul ne iborto eng taitab biko kotun ibortoi agine weritab chi chichoto eng taitab malaikaisiek che bo Jehovah, ⁹ ago inendet ne taya eng taitab biko kotun ketoe agine eng taitab malaikaisiek che bo Jehovah. ¹⁰ Ak age tugul ne mwae ng'olyo ne ya agobo weritab chi, kenyochini kaat, ago inendet ne chube tamirmiriet ne Tilil ko maginyochini kaat inendet. ¹¹ Ak yo ka kimutak oritab kapkorosusiek ak bounik , ko mata olebche agobo kito ne owolu nda ko ne omwae, ¹² amu inetok Tamirmiriet ne Tilil eng kasarata kito ne muchini omwa. ¹³ Kileji anyun chito age eng tuiyet kanetindoni, mwachinowo werit ne kitupche kopcheiwo kebebertanyu nebo tugukab gaa. ¹⁴ Ago kileji inendet, chichi, ngo ne kindeno aek kiruogindet ana ko pcheindet eng akwe? ¹⁵ Ak kileji icheget, ogeer, ak oribge eng magetab tugun, amu metebche sobondab chi eng chang'utikab tuguk che tinye ¹⁶ Ak kimwach kalewenet koleji kimi magoiot age ne kiga rur mbarenyi mising, ¹⁷ ak kibwati eng muguleldanyi kole, ayae nee amu matinye ole agonore bekchu? ¹⁸ Ak kile, ayae ko u ni abute chogenikchu si ateech che eechen kosiir chu, si agonore bekchu, ak tugukchu tugul che kororon. ¹⁹ si aleji sobondannyu, sobondannyu, itinye tuguk che chang che kororon che konorotin che ime kenyisiek che chang, imuny, amisie, eise, ak ibaibaitu. ²⁰ Ago kileji Jehovah, ii berber inye kimache sobondang'ung kembouni bo rani, tos bunjini ng'o anyun tuguchoto kiinyorchige? ²¹ Uu nyoto anyun chito ne konorjinige magornatet inege, ne ma magorio eng Jehovah. ²² Kileji anyun kayoktoikchi,nyoto anyun , amwawok ale, amogerer met agobo sobeng'wong , eng tuguk che oame, nda agobo borwekwok eng tuguk che olaachi. ²³ Amu siire sobet amitwogik, ak sire borto ngoroik. ²⁴ Obwat chepkuginik, amu makole, ama kese, ama tinye ole konore nda choget , ago Jehovah ne bae. Osiire taritik konyil ata! ²⁵ Ak ngo eng akwe ne imuchi ko kogerer met si kotes koindanyi eng koindab kekwa agenge ne bo eut? ²⁶ Ngo momuchi anyun oyai mbo kiy kitigin , ko amu ne anyun si ogerer met agobo tuguk alak? ²⁷ Obwat taptok, ole bitito, maboisie, nda koletis, ago amwowok ale , mbo solomon eng tagurtanyi tugul, ko kima kolochige ko u agenge eng chuto. ²⁸ Ago ngolakchi Jehovah ko u nyoto suswek che bo kewet che mi rani ak karon kowirji ma, ko tos siire ne tia anyun kolaakwok, akwe che otinye kayanet ne mining! ²⁹ Amo cheng che oame, nda che oee, ama namak kaimutik. ³⁰ Amu chenge tuguchuto tugul bororiosiekab ngweny , ago inget Kwandang'wong kole omakchinige tuguchuto. ³¹ Ago ocheng akwe bounatetab Jehova, si ketewok tuguchuto tugul. ³² Amoiywei akwe amu ong'ering, amu baibai kwandang'wong kogonok bounatet. ³³ Oalde che otinye, si ogoite kagochinoik. Onapchige lolonik che maosegitu, konorutik eng kipsengwetisiek ne mabegu, ole marikchini chorik ama ng'eme talamik. ³⁴ amu ole mi konorweng'ung, ko oloto ole mi muguleldong'ung agine. ³⁵ Ongegimit suwetikcho ak ingololyo taisiekwok, ³⁶ ak ogerggeitu ak biko che kanye kiptaiyandengwai kowechgei kobunu tumtab katunisiet si ngo nyo ak kogonykony koatyi kasarata. ³⁷ Iberurotin , otwogichoto, che nyoru kiptayandanoto koribse ye nyo amwowok iman ale ratege ak inendet ak chobe bichoto koteb ngweny eng ole amisie ak kwo kobai icheget. ³⁸ Ak ngo nyo eng ripset ne bo aeng, nda ne bo somok , ak konyor ko u nyoto, ko iberurotin anyun otwogichoto. ³⁹ Ago onai ni ole nda kinget kiptaiyatab go kasarta ne nyoni chorindet ta kiripse ko to kima kobagaktoi gonyi kobut chorindet. ⁴⁰ Ochopge ak akwe amu nyoni weritab chi eng kasarta ne mobwati. ⁴¹ Koleji anyun Petero, kiptayandani, imwawech ache kalewenoni nda imwachini biko tugul? ⁴² kole anyun kiptayat ngo anyun ribindet ne kiyoni ak ko ngom, ne indoi kiptayandenyi kotononji gonyi, ak kogochi amitwogikwai che ame eng kasarta ne makaat? ⁴³ Baibai otwogindonoto, ne nyoru kiptaiyandenyi koyae ko u nyoto. ⁴⁴ Amwowok iman ale, indeno chichoto kotononji tugukchi tugul. ⁴⁵ Ago ngo mwa otwogindonoto eng muguleldanyi kole, igeigei kiptayandennyu masib koit, ak kotoi kobar otwogik che murenik ak che tibik , ak koamis ak koeeiso ak kobogit, ⁴⁶ weechege anyun kiptaiyat ne bo otwogindonoto eng betut ne kama kiganye ak eng kasrata ne mane, ak kobir mising , ak kopchechi kebebertanyi koboto che matinye kayanet. ⁴⁷ Ak otwogindonoto ne kiinget ole magdo kiptaiyandennyi, ama kochopge nda koyai ko u magenyi, kebire birutik che chang. ⁴⁸ Ago inendet ne kima konget ak koyai tuguk che muchini biret , kebire birutik che ng'ering. Ak age tugul ne kigigochi che chang kotun kemage che chang; ak indet ne kigochi korib tuguk che chang kotun kimage inendet che sire choto. ⁴⁹ Kianyo awirji maat ngweny, ne anyun amache nda kokagolal kasarita! ⁵⁰ Ago atinye kabatisanet ne tatuun kibatisanena, kamarigityo ne tia agoi koitita. ⁵¹ tos obere kiacho agonu kalyet konyo ngweny? amwawok ale , ololo ago besiet. ⁵² Amu kong'etee rani kopcheegee biko mut che mi got agenge, taitos somogu, aeng ak kotoiyo aeng somok. ⁵³ Pcheegee kwanda ak werit, ak werit ak wanda, kamet ak cheptannyi, ak chepto ak kamet, ak chepyosetab werit ak kametab werit. ⁵⁴ Kimwachi anyun tuiyet koleji, yo ogeer kotogosu boldet eng cherongo ole mache korobon ak koaak ko u nyoto. ⁵⁵ ak yo ogeer chepchurchuryet ne churchureni murot ne bo tai , ole mache koit kemeut ne ng'wan, ak koyaak ko u nyoto. ⁵⁶ Kipchabairumisiek onget obesie ole teptoi ngweny ak kipsengwet, kainee anyun si monai ole teptoi betusiechu? ⁵⁷ Kaine si moruoch akwege agobo tuguk chebo imanda? ⁵⁸ Amu yoto obendi ak bunyondeng'ung taitab kiruogindet, igiilge obendi eng oret si koundin, si mata ngomutin taitab kiruogindet, ak komutyin kiruogindet ribindet ak kotoorjin riibindet korkoret. ⁵⁹ Amwaun ale magoi imong'une oloto agoi iyaakte tongiloyot ne bo let.