¹ Ye kingonai Kiptaiyat kole kigogas Parisaik kole kiyai Jeiso biko koek alamaliyiet ak kobatisani chisiire che kibatisan Joana, ² (Ngaanda ma Jeiso inendet ne kibatisanisiei ago alamalienyi). ³ Kon'geet eng' Judea kwo kogeny Galili. ⁴ Ak ki kanyol kobun samaria. ⁵ Kiit anyun nganaset ne bo Samaria, ne kiguure Sukar, ne legite koret ne kiigochi Jakobo werinyi Josep. ⁶ Ak kimi oloto keringetab beek chebo Jakobo. Kitebyei anyun Jeiso eng' ole legite oinetab beko, amu ng'etatetab bandanyi, ki olobo sait lo. ⁷ Kinyo kobogoriot ne bo Samaria kosiil beko, koleji Jeiso "kono beko aee". ⁸ Amu kigaba alamalyenyi nganaset koal amitwogik. ⁹ Kileji anyun chepyoset ne bo Samaria inendet, "katebto ano si isoma beko iee, ago inye ko i Yahudiot, ak ane ko a i chepyosetab Samaria? "Amu manamege Yahudik ak Samarik". ¹⁰ Kowolji Jeiso koleji, "nda keng'en konunetab Jehovah, ak inendet ne kalejin, kono beko aee,' nda kesome inendet si kogonin bekab sobon." ¹¹ Koleji, chepyoset"Kiptayandani, metinye kiit ne isiile beko ago loo oinet, inyorjini ano anyun bechoto bo sobon? ¹² Tos i o inye eng' Kwandanyo Jakobo ne kigonech oinet, ne kiee inendet ak lagokyi ak tukyi?" ¹³ Kowolji Jeiso koleji, "age tugul ne eei beechu kota koamei melelda kogeny, ¹⁴ ago age tugul ne eei beko che agochini, ko ma koame melel agoi, ago egu beko che agochini kondab beko eng' inendet che kutu agoi sobondab koigeny." ¹⁵ KolejiJeiso chepyosanoto, ''Kiptayandani, kono bechoto si ma koamo melel si ma a nyoni asile bechu." ¹⁶ Koleji Jeisochepyosanoto, ''ui, ak iguur boiyondeng'ung' ak obwa yuto." ¹⁷ Kowolji chepysanoto koleji, ''matinye boiyot'', koleji Jeiso, "kaimwa komie, ile metinye boiyot ¹⁸ Amu ki otebi ak boisiek mut, ak inendet ne omi tuwai raa ko ma boiyondeng'ung', kaimwa iman. eng' nyito." ¹⁹ Koleji chepyosanoto, "Kiptaiyandani, kaageer ale i maotio. ²⁰ Kisae kwanisiekyo eng' tulwoni ak olen akwe, Jerusalem ole kanyol kosae biko". ²¹ Koleji Jeiso, chepyosani, iyana, choni sait ne ma osae Kwanda eng' tulwoni, nda ko eng' Jerusalem. ²² Osae ne mong'et. Kisae ache ne king'et, amu bunu yetunet Yahudik. ²³ Ago choni sait, ago kagoit raa ye saei Kwanda saei che bo iman, eng' Tamirmiriet ak imanit, amu chenge Kwanda che u choto koek che sae inendet. ²⁴ Jehovah ko Tamirmiriet, ak kanyol kosa inendet eng' Tamirmiriet ak iman che saei inendet. ²⁵ Koleji chepyoset, "anget ale nyoni Mesia (ne keguure Kristo), ng'o nyo inendet, komwawech tuguk tugul." ²⁶ Koleji Jeiso inendet, ane ni, angalalun." ²⁷ Kibwa anyun alamalyenyi ak kigwong'io amu king'ololi ak chepyosanoto ago mamwochi chi koleji "ichenge nee,?"nda "kalya si ong'alal ak inendet?" ²⁸ Kibagakta anyun chepyosanoto terenyi bo bei, ak kwo nganaset, ak komwachi biko koleji, ²⁹ "Obwa ogeer chito ne kagomwowo tuguk tugul che kiayai atkinye kora, tos Kristo nito?" ³⁰ Kimong' anyun nganaset kobwa ole mi inendet. ³¹ Kingota kobwoni, kosom alamalyenyi inendet kole, "Rabbi, amisie". ³² Ago kileji iche, "atinye amitwogik che aame che mongen.'' ³³ Kolejige anyun alamalyenyi, "Tos kagoipchi chi kiy ne ame?" ³⁴ Koleji Jeiso,amitwogikyu ko ayai magetab inendet ne kiyokwo ak agesu boisyenyi. ³⁵ Momwae akwe ole ta komi aroek ang'wanu si koit kesisiet? Ogeero, amwawok ale, ong'et met, ak ogeer mbarenik, ole kagolelagitu, kagoem keges. ³⁶ Inendet ne kese kotaache melekto, ak koumi logoek che bo sobondab koigeny, si koboiboitu tuwai ne kole ak ne kese. ³⁷ Amu bo iman mwaoni, kole age ko kese age. ³⁸ Kiayoktok oges che kima nyalilji, kigonyalilji alage ak kaonam akwe uuindab boisyengwai." ³⁹ Kiiyan anyun inendet Samarik che chang' che bo ng'anasanato amu ng'olyotab chepyoset, ne kibaorian kole "kamwawa tuguk tugul che kiayai atkinye kora." ⁴⁰ Noto anyun ye kingobwanji inendet Samarik, kosom kole kotebi koboto iche, ak kibeni oloto betusiek aeng'. ⁴¹ Ak kiiyan che chang' amu ng'olyondenyi. ⁴² Koleji chepyoset, "kiiyani raa, ma amu nga'laleng'ung', ago amu kagegasyige ak kingen kele nito ko Yetindetab ng'weny." ⁴³ Ak king'obata betusiechoto aengu, kong'eet eng' oloto kwo Galili. ⁴⁴ Amu kibaorian Jeiso inendet kole, matinye maotiondo tegisto eng' emenyi. ⁴⁵ Ak kingonyo anyun Galili, kotaach inendet Galilik, ko kagogeer tuguk tugul che kiyai eng' igorta ne kimi Jerusalem, amu kigaba agiche igorta. ⁴⁶ Kinyo anyun Jeiso kogeny Kana ne bo Galili ole kigayae beko koek divaik, ak kimi kiboitiot age ne bo kaplaitoriat ne kimiani werinnyi eng' Kapernaum. ⁴⁷ Ye kingogas kole kagomong' Jeiso eng' Judea konyo Galili, kwo ole mi inendet, ak kosom kochorge kosob werinyi amu ki legit kome. ⁴⁸ Koleji anyun Jeiso inendet, "ngot ko mogeer kabarunoik ak kwong'utik ko magoi oyan matiny." ⁴⁹ Koleji kiboityondonoto, "Kiptaiyandani, wolu kotomo kome lekwenyu." ⁵⁰ Koleji Jeiso ui inye, sobe wering'ung', koyan anyun chichoto ng'olyot ne kimwachi Jeiso ak kwo. ⁵¹ Ak ye kita kowolu kotuiyo ak otwogikyi ak komwochi koleji sobe wering'ung'. ⁵² Kotebe anyun kole, "kogaigaitu kotia?" koleji anyun bichoto inendet, "kobagakta eset inendet amut eng' sait tisab." ⁵³ Konai any'un Kwanda kole ko sainoto ne komwachini Jeiso koleji "sobe wering'ung'." Ak kiiyan inendet ak konyi komugul. ⁵⁴ Nito kaborunet ne bo aeng' ne kiyai Jeiso kong'eete ng'omong' eng' Judea konyo Galili.