¹ Ye kingo kagomwa Jeiso ng'alechu, koba ak alamalyennyi kolanda eng' kererut ne kiguure Kedron, ole kimi mbaret ole kiwo koboto alamalyennyi. ² Ak kiing'et koronoto Judas agine, ne king'wektoi inendet amu kicham kowendi Jeiso yoto koboto alamalyennyi. ³ Ak kingo kagonyor Judas lugetab askarik, ak kiptainik che bunu tisiik che eechen ak Parisaik, kobwa kotinye taisiek ak romoriek[torchinik], ak Karik ab luget. ⁴ Kwo anyun Jeiso, ko ganai tuguk tugul che bwonchini inendet ak koleji, "ocheng'e ng'o?" ⁵ Kowolji koleji, "Jeiso ne bo Nasaret." Kowolji Jeiso koleji, "A i inendet." Ak kitononi Judas ne king'wektoi inendet, koboto icheget. ⁶ Ye king'omwochi anyun icheket koleji, " A i inendet," kobun batai ak kobutyo. ⁷ Kiteebe anyun inendet icheget koigeny koleji, " ochenge ng'o?" Ak kole, Jeiso nebo Nasaret." ⁸ Kowol Jeiso kole, "kaamwowok ale, 'A i inendet'. Noto anyun ng'ot ocheng'o, okany chu koba." ⁹ Si kosulda ng'olyot ne kimwa kole: Mabeteno mbo agenge eng' choto kiigono." ¹⁰ Kingus anyun Simon Petero rotwetab chok ne kitinye, ak kotil otwogindetab tisindet ne o, kotil itinyi ne bo tai. Kigigure otwokindenoto Malko. ¹¹ Koleji Jeiso Petero, "Weekyi rotwet choget, 'tos maee kigombet ne kigono Kwanda?" ¹² Konam anyun luget ak kiptaiyat ne o koboto kiptainikab Yahudik Jeiso ak korat inendet. ¹³ Ak komutyi Annas korok, amu ki boiyotab igoi ne bo Kaiaba, ne ki tisiindet ne o eng' kenyinoto. ¹⁴ Ki Kaiapa nito ne kiga iiborji Yahudik eng' tai kole, nyolu komechi chito agenge biko. ¹⁵ Kiirub anyun Simon Petero Jeiso ak age ne bo alamalyet ne kiingetge ak tisiindet ne o, ak koba got orit koboto Jeiso agoi kapkiruogetab tisiindet ne o, ¹⁶ Ago kitononi Petero eng' kurget sang'. Kimanda anyun chichoto age ne bo alamalyet ne kiingetge ak tisiindet ne o, ak kong'ololji chito ne kiribe kurget, ak kiimut Petero kochut orit. ¹⁷ Koleji anyun Chepto ne kiribe kurget, "tos ma i age eng' alamalyet ab chichi?" Kole, "ma ane." ¹⁸ Ak kitononsot eng' yoto otwogik ak kiptainik che kiga kolaal mat ne bo nesenik, amu ki kaitit, kotononi Petero agine, koue mat koboto icheget. ¹⁹ Kiteebe anyun tisiindet ne o Jeiso agobo alamalyennyi ak konetisienyi. ²⁰ Kowolji Jeiso koleji, "kiangololji ng'weny, amauny ng'olyo, kianetisie kotugul eng' sunagogisiek ak eng' hekalut ole tuiyechini Yahudik tugul. Amamwa kiy eng' ungot. ²¹ Amu nee si iteebena? Teebe iche che kigas kito ne kiamwoji, keero, ing'et chu tuguk che kia mwa." ²² Ak ye kingo kagomwa ko u noto, korabach Jeiso age, eng' kiptainik che kitononsot eng' yoto, ak kole, "iwoljini tisindet neo ko u noto?" ²³ Kowolji Jeiso koleji, "ngot ko kaamwa ne ya, ibaorian agobo noto ya, ago ng'ot ko kararan, ko amu nee si irabacha?" ²⁴ Kiiyokto anyun Annas inendet ko ratat kwo oldab Kaiapa tisindet ne o. ²⁵ Ak kitononi Simon Petero koue mat. Koleji anyun icheget inendet, "ma i age aginye ne bo alamalyennyi?" kotai kole "ma i inendet." ²⁶ kole otwokindet age ne bo tisindet ne o ne tupcho ak chichoto kigatil Petero itinyi, " kima geerin eng' mbar omi ak inendet?" ²⁷ Kotiiyo anyun Petero kogeny, ak eng' sainoto; kochei kipsoiwet. ²⁸ Kiimut Jeiso anyun kengeete gap Kaiaba, kwo Praitoriam, ak kito kogaron mising' ak maba icheget Praitoriam orit si ma ng'wonegitu ago si kobiit koam Paska. ²⁹ Kimanda Plato anyun kwo ole mi icheget , ak kole, "nee ng'olyo ne oruokyine chichi?" ³⁰ Kowolji koleji, "Nda ka ma ko cholwogin chichi, nda ka ma kimutu inendet konyo taing'ung'." ³¹ Koleji Pilato icheget anyun, "onam inendet akwe ak oruokyi ko u ng'atutieng'wong'." Koleji anyun Yahudik inendet, "ma chamdaat eng' ache kebar chi age tugul." ³² Si kobiit kosulda ng'olyotab Jeiso ne kimwa koboru meet ole meitoi inendet. ³³ Kiwo anyun kogeny Pilato Praitorium orit ak kogur Jeiso koleji, "tos I Laitoriatab Yahudik?" ³⁴ Kowolji Jeiso koleji, "imwoe ng'olyondoni inyege, nda komwoun alak, agobo ane?" ³⁵ Kowolji Plato koleji, "Ma a i Yahudiot, tos a i?" kagomutun tainyu bororyeng'ung' ak tisiik che eechen, kiiyai nee?" ³⁶ Kowolji Jeiso kole, "ma bo ng'wenyuni Laitornatenyu. Nda ka bo ng'wenyuni Laitornatenyu, ko nda ka yae boriet kiboitinikyu si ma kindea eunekab Yahudik, ago nguno, ko ma bo Laitornatenyu oli." ³⁷ Koleji anyun Pilato inendet, "ara I Laitoriat so?" Kowolji Jeiso kole, "imwoe ile, a i Laitoriat. Kigisicho amu nito, si kobiit abaorianji imanda. Kose kutinyu chi age tugul ne bo iman." ³⁸ Koleji Pilato, "nee imanda?" Ak ye Kongo kagomwa, ko u ni, komanda kogeny ole mi Yahudik ak koleji, "ma anyorji ane lelut inendet." ³⁹ Ago amu otinye biteet ole atiakwok agenge eng' Paska, ara omeje atiokwok Laitoriatab Yahudik?" ⁴⁰ Ago kibolyo icheget kole, "ma chichi, ago Baraba." nga nda Baraba ko ki chorindet.