¹ Tas Mei ne kiyoktoi? Tos matyakat? tos tomo aro kiptaiyandenyo Jeso Kristo?: Tos mo i akwe boisienyu eng' kiptaiyat? ² Ngot ko mo i ne kiyoktoi eng' ala,ko ne kiyoktoi eng' akwe: amu ng'oksetab kayoktoinatenyu ko akwe eng' Kiptaiyat. ³ Osorunege nito eng' icheget che kina. ⁴ Tos makitinye kimnatet kee ak keam? ⁵ Tos katinye kimnatet kemutate osotiot ne iyanat, ko u alak che kiyoktoi, ak tupchosiek che bo kiptayat ak kepa? ⁶ Nda anege kityo ak barnaba che makitinye kimnatet kebakakte boisiet? ⁷ Ng'o ne wendi luget ak koboisie tugugchi?ng'o ne kole kabunguit ama ame logoek? nda ng'o ne iyoki akwet ama lue chekab kiayagichoto? ⁸ Tos amwoe tukuchu ko u biteetab biko?nda mamwoei agine ng'atutiet choto? ⁹ Amu sirat eng' ng'atutietab Musa kole, mat irat kutitab eito ye tiechei beko koborei. Tos ibwoti Jehovah mising' agobo eik? ¹⁰ nda mwoei kityo amu ache? Ee kigisir amu ache : amu inendet ne ibatisie,ko nyolu kobatis eng' kamang'unet , ak inendet ne bore kobore komang'u kole sigd kiy. . ¹¹ Ngot ko kigigolchok tukukab tamirmiriet, ko tos kiy ne o ngot keges tugukwok che bo borto? ¹² Ngot konyor alak yamdaet eng' kimnotoni kosiirok kesire ache, ago makiboisie ache kimnotonoto ak kimuitoi eng' tuguk tugul si makigerte letaetab lokoiywek che kororon che bo Kristo. ¹³ Mongen ole icheket che boisiechini tuguk che tililen koame tuguk che bo hekalut , ak icheget che ribe kaptisisiet kotinye kebebertang'wai koboto kaptisisiet? ¹⁴ Kou noto ole king'atita Jehovah kole icheket che amdoi lokoiywek che kororon. ¹⁵ Momi kiy eng' chuto che kioboisie. Amelin kasere ole si keyaiywa. Kaigai ame kosiir koyai chi torornatenyu koek buch. ¹⁶ Agot ngaamdoi lokoiywek che kororon ko momi kiy natororege. Amu makat mising' nito eng' ane, ago bwa eng' ane ng'ot ko maainde lokoiywek che kororon. ¹⁷ Amu ye ayai eng' makenyu anege atinye malekto, ago ngo ma bo magenyu anege atinye ripest ne kigiyanwo. ¹⁸ Nee melektanyu? Noto ko ni, ye omdoi lokoiywechoto kororon ayae koek che motinye melekto si moboisie kimnatenyu mising' eng' lokoiywek che kororon. ¹⁹ Agot kiatiagat eng' biko tugul, ko kiaegu otwogintetab tugul, asi anyor ilajinet kosiir. ²⁰ Eng' yahudik, ko kioegu yahutiot, si kobiit anyor yahudik, eng' iche che mi eng' Ng'atutiet ko kiaige agane ne mi eng' Ng'atutiet ama kele ami anendet eng' Ng'atutiet ,ago si kobiit anyor icheget che mi eng' Ng'atutiet . ²¹ Eng' icheket che momi eng' ng'atutiet ko kiotebi ko u yo momi eng' ng'atutiet(ma kue ami eng' ng'atutik eng'Jehovah ago ami eng' ng'atutik eng' Kristo. Si anyor iche che momi eng' ng'atutik. ²² Kotebi kou ne nyalulat eng' che nyaluliotin asi anyor che, nyolulyotin, kiaegu tuguk tugul eng' biko tugul asi amuch osor alak eng' oret age tugul. ²³ Ayae nito anyun amu amdaetab lokoiywek che kororon asi anyor yamdaet eng' chuto ak akwe. ²⁴ Tos mongen ole icheket che rwaei eng' labatet ko chang', ago nyoru melekto akenge? Ara orwai asi onyoru. ²⁵ Ak chi age tugul ne ikilige eng' ureriosiek koribege eng' tuguk tugul, yaei anyun ko u noto asi konyor kutwet ne ng'emogse ago ache ko ne mon’gemogse. ²⁶ Aloboti anyun ma ko u chi ne tinyei saket. Ak abarsoti ma ko u chi ne bire. olo buch. ²⁷ Ago obire bortanyu ak obou, asi matikin ko ye kaamechi alak koma kimeto