¹ Noto anyun agobo tuguk ale kaginem koek korosekab kanmonik kingen tugul kele kitinye naet, mene naet ago teegse chamnyet. ² Ngot kobwatyi chi kole ingen kiy, ko mengen ko u ye makat kongen. ³ Ago ngo chame chi age tugul Jehovah ko naat chichoto eng' inendet. ⁴ Agobo ametab tuguk che kagieng'ji kanamonik koek korosek , kingen kele ma kiy konomuet eng' ng'weny, ama mi komuktoindet age kobate agenge. ⁵ Agot ndo mi che keguure cheptailelisiek, ngo kipseng'wet nda ng'weny (kou ye mi ) cheptailelisiek che chang' ak kiptainik che chang'. ⁶ Ago eng' ache ko kamugtaindet ko agenge. Inendet kwanda ne bunu tuguk tukul, ak kemi eng' inendet, ak kiptaiyat aenge, Jesu Kristo, ne mi tuguk tugul amu inendet, ak ache eng' inendet. ⁷ Ago momi naonata eng' biko tugul, amu kigonaita agoi nguno eng' kabwatutigwai koame tuguk che kagibelchi koek korosek konomuet ak muruonitu kabwatengwai ne nyalulat. ⁸ Ago amitwogik ko ma kit ne imutech kerikechi Jehovah nda ngo magiamisie, ko mararuech kiy nda ngeamisie ko matesak kiy. ⁹ Ago oribge asi monach che to ko nyolulotin eng' kimnatoning'wong'. ¹⁰ Ak ngot keerin chi inye ne tinye naet iamisiei eng' hekalutab kanamonik, ko tos manyikanit inendet ne nyalulat koam tuguk che kagienchini kanamonik: ¹¹ Ak luse inendet ne nyalulat amu naeng'ung' ago kimechi Kristo. ¹² Ak ng'oyachi tengek topchosiek ak oguoteni kabwatutigwai ne nyalulat, ko koyachi Kristo tengek. ¹³ Noto anyun ,ngot konachi amitwogik ne kitupche, ko ma aame banyek agoi, si manach ne kitupche.