¹ Nguno anyun agobo tuguk che kioserwo ko kararan ko motiny mureno kwony. ² Agot kora, si keistoege sokset ko ng'otebi age tugul ak osotiondenyi ak kotebi kotebi kwony age tugul ak maning'otiondenyi. ³ ng'okochi maning'otiot osotiondenyi ko u ye nyoljini ak ko u noto agine osotiot eng' maning'otiot. ⁴ Matinye kamuket osotiot eng' bortonyi ng'ot ko ma maning'otiot, ko u noto agine maning'otiot kele motinye kamuget eng' bortanyi ng'ot ko ma osotiot. ⁵ Amotaege akwege, kobate yo kochamnyechi asi onyoru osa ak orukutge ak otuiyege kogeny si mayomak oindet amu motinye ribetabge. ⁶ Ago amwae ni amu chamjinet ma ng'atutiet. ⁷ Ago kata chome koige biko tugul ane.AGo tinye chi age tugul konunenyi ne bunu Jehovah,age ko uni, ak age ko u no. ⁸ Amwochini icheket che tomo kotunis ak musogik alechini, kararan eng' iche ng'otebi ko u ane. ⁹ Ago ng'o mosigchini kotebi, kotunis , amu kaigai kotunis kosiir maket ne lole. ¹⁰ Ang'ote che kigotung'e ma ane ago kiptaiyat ale mameto osotiot maning'otiondenyi. ¹¹ Ago ng'ot kometo, ko gotebi komagitun nda kowekchige manig'otiot osortiondenyi. ¹² Amwochini biko alak, ma kiptaiyat ale ng'o tinyei tupchet kwondo ne maiyanat ak koboibochi kotebi tuwai. Kotebi maon. ¹³ Ago kwondo ne tinyei maning'otiot ne meyanat ak koboibochi komeng'is tuwai ko mat kometo maning'otiondenyi. ¹⁴ Amu maning'otiot ne maiyanat ketilile ak osotiot ne meyanat eng' maning'otiot ketilile , nda ma u noto ta ma tililen legukwok: ago tililen iche nguno. ¹⁵ Ago ngwo ne meyanat, ko ngwo, momi tupchet ne muren nda kwony ne ratat eng' ng'alek che u choto- Ago kiguurchech Jehovah ache tugul eng' kalyet. ¹⁶ Ago inae nee anyun inye osotiondoni ngo tos isoru maning'otiot? Nda Inae nee inye maning’otiondoni ngo tos isoru osotiot. ¹⁷ Ago ko u ye kigopchechi kiptaiyat chi age tugul, ko u ye kigoguur Jehovah age tugul, ngotebi ko u noto. Ak ang'ote anyun ko u noto eng' kanisosiek tugul. ¹⁸ Tos kigiguur chi age tugul ko kagimuratan? Amat koige ne magimuratan, Tos. Kigiguur chi age tugul kotom kemuratan. ¹⁹ Ma kiy kamuratanet, ago ngo magimurtatan ko ma kiy, ago kerib ng’atutikab Jehovah. ²⁰ Ngo tebi chi age tugul ko u ye kiu ye kingekuure. ²¹ Tos kigiguurin i otwogin? Meimchike, ago ngot komugogse ketchachin iboisie. ²² Amu inendet ne kigiguur ko otwogin. Kotyaket eng' kiptaiyat, ko u noto, inendet ne kigiguur kotyakat ko otwokindetab Kristo. ²³ Kigealak eng' kamanutiet, ama toegu otwokikab biko. ²⁴ Tupchosiek ngotebi age tugul eng' Jehovah ko u ye kiteptoi ye king'ekuure. ²⁵ Nguno anyun ale,motinye ng'atut eng' kiptaiyat agobo bergeinik, ago agonu kereenyu ko u chi ne kigonyor rirenetab kiptaiyat aek ne kiyani. ²⁶ Abwati anyun ale, kararan nito amu kaimetabge ne mi nguno ale ngotebi chi tugul kou ole teptoi nguno. ²⁷ Tos kigeratyin osotiot mecheng' anyun ketyachin Tos itiagat eng' osotiot amecheng' anyun osotiot. ²⁸ Ago ngot itunisie ko maiyai tengek, ak ngitun berkeiya ko maiyai tengek, ago nyoru che u choto nyaliida eng' borwek amomoche soimge. ²⁹ Ago amwowok tupchosiek ale nwach kasarta ne ng'etunot, ngotebi che tinyei osotik ko u ye motinyei. ³⁰ Ak Icheket che rirsot kot kou ne morirsot, ak icheket che boiboen kot kou che moboiboen ak che alisie kot kou ne motinyei kiy. ³¹ Ak icheget che boisie ng'weny komoboisie mising', amu siirtoi itondab ng'weny. ³² Ago momoche oegu che iimotinge. Inendet ne moitunis kojirjirenjin tuguk che bo kiptaiyat, ole imuchi kobaibaita kiptaiyat. ³³ Ago inendet ne kigotunis kojircjirenjin tuguk che mi ng'weny ole imuchi kobaibait osotiondenyi. ³⁴ Mi teerchinet kokeny eng' osotiot ak berkeiyat, inendet ne moitunot kojirjirengini tuguk, che bo kiptaiyat, asi koeg ne tilil eng' borto ak eng' tamirmiriet: ko inendet ne itunot kojirjirenjini tuguk che mi ng'weny, ole imuuktoi kobaibai maning'otiondenyi. ³⁵ Amwowok nito agobo keluneng'wong', melin kele katorchok mestet, ago si oboisiechi kiptaiyat eng' oret ne chamat ma eng' kaimetabge. ³⁶ Ago ng'obwati chi age tugul kole mayachini berkeiyandenyi ne nyolu, ak ngo kagosiirto kororonindab mining'natenyi, ak ngo mi kiy ne nyoljini, koyai ko u ye mache. Mayai tengek ngotungei. ³⁷ Ago inendet ne lumdaat eng' moguleldanyi komuchi koboi mokutikji ago kagotil eng' muguleidonyi koriib berkeinatenyi ketun koyae ne kararan. ³⁸ Inendet ne igoitoi berkeiyandenyi ketun ko yaei ne kararan, ak inendet ne mekoito berkeiyandenyi ketun koyae ne kararan mising'. ³⁹ Ratat osotiot kote kotoko sobei maning'otiot, ago ye kagome kotiagat kotun chi ko u chamnyenyi eng' kiptaiyat kityo. ⁴⁰ Ago baibai kosiir ngo tebi ko u ye konye, ko u ye abwati: ak alin atinye agine tamirmirietab Jehovah.