¹ Tos mi chi kwenung'wong' ne ng'otinye ke ng'olyo ak chitab kokwet komuti kapgiruok eng' taitab che mo bo imanda? Ama eng' taitab che tililen. ² Tos monget ole iruokyini che tililen ng'weny ? Ako ngot oruokyini anyun ng'weny ko tos manyoljinok oruokyi tuguk che mengechen? ³ Tos mongen ole tun keruokyini malaikaisiek? Siirei anyun ne tia tuguk che bo soboni? ⁴ Ng'ot omuchi oruokyi tuguk che tinyeke ak soboni, ko to oiiti ole kiruogik iche che ma kiiti kele kiy eng' kaniset. ⁵ Amwoe anyun ale si kobiit olilonse .Momi chi ne ng'om kwenung'wong' agot agenge ne imichi kotil ngalek eng' kwenutab tupchosiek? ⁶ Ago imuti tupchet age tupchennyi kwo kapkiruok,akne siire ko eng' taitab che moiyonotin! ⁷ Achicha, Kagoek nguno lelut eng' akwe, amu oruokyinige akwege.Amu nee si mochamtege kinyalilak? Kaine si mochamtege kesarenak tuguk? ⁸ Achicha akweget che oyae ne ya ak orebisiei agot eng' tupchosiek! ⁹ Tos mongen ole mochutei che mo bo iman bounotetab Jehovah? Amata kigenaak; momi eng' che yae sokset nda soikab kanamonik nds che yae ibetabge nda chemulkwonyik, nda chemogorgoinik. ¹⁰ Nda choric nda kipkeinik nda kibogitinik nda chubik nda rebik che nyoru bounatetab Jehovah. ¹¹ Ago ki u choto alak eng' akwe ago kigeunok ak ketililok ak keityok imanda eng' kainetab kiptaiyat Jeiso ak eng' tamirmiretab Jehovah. ¹² Chomtootin tuguk tugul eng' ane, ama tuguk tugul che nyolu, chomtootin tuguk tugul eng' ane ama boiywo age tugul eng' choto ¹³ Bo omitwokik moet, ak bo moet omitwogik ago ngeme Jehovah choto tugul. Ng'uno anyun mobo borto sokset ago bo kiptaiyat; ago bo kiptaiyat borto. ¹⁴ King'eet Jehovah kiptaiyat ak tun ing'eetech ak ache eng' kimnatenyi. ¹⁵ Tos mongen ole borwekwok ko kebebertab Kristo? ara anyun aiste kabeberwekab Kristo, ak ayai koek kebeberwekab chepkugoniot? Olo mo u noto! ¹⁶ Nda tos mongen ole indendet ne namege ak chepkugoniot ko borto agenge. Amu mwaat kele eku tuwai borto agenge. ¹⁷ Ako indendet ne kituisot ak kiptaiyat koegu tamirmiriet agenge. ¹⁸ Omwee anyun sokset,tenkegwogik alak komi sang'utab borto, ago inendet ne yae sokset koyachin bortanyi tengekto. ¹⁹ Nda tos mongen ole borwekwok ko hekalutab tamirmiriet ne tilil ne otinye eng' akwe ne otinye eng' Jehovah? amobo ge akwege; ²⁰ Amu kigialenak kamanutiet, ara otoror Jehovah eng' borwekwok.