¹ Kosunot Komie kele mi kwenung'wony ibetabge mising' kosiir ogot ole u eng' bororiosiek, kot koit koibge ohi ak osotiotab Kwanit. ² Ak omendosi amoarokenye kele inendet ne kayai kioto keisto eng' kwenunyo. ³ Eng' iman ko momi eng' borto, ago omi eng' tamirmiriet, ko kaaruokyi inendet ne koyai youtionoto kou yo kwomite. ⁴ Eng' kainetab kiptayandenyo Jeiso Kristo, yo kotuiye kibagenge ak tamimirienyu eng' kamuketab kiptayandenyo Jeiso Kristo. ⁵ Okochi Oindet Chito ne u noto si keng'em borto, asi kesor tamirmiriet eng' betutab kiptaiyat Jeiso. ⁶ Ma kararan kolosuneng'wong'. Tos Mongen ole Mermerek tukitin kogutu kererutiet komugul. ⁷ Oiste anyun mermerek che osen asi oegu kererutiet ne leel, amu momi mermerek eng' akwe, amu Kristo ne Pasaka ko korosiotnyo. ⁸ Noto anyun, ongerib ikoorto, ma eng' mermerek che bo keny nda ko che bo yaitiet ak teng'ekto, ago eng' makatiat ne momi mermerek ne motinyei kenisiet ak bo iman. ⁹ Kioserwok eng' baruenyu ale amonamge ak che soksei. ¹⁰ Mamwoe ale otabange mising' che sokse che bo ng'wenyuni, nda kipkeninik,nda che soe kanamonik: amu nda u notonta kanyoljok omandeeng' ng'weny. ^{13 11} Ago kasirwak anyun ale amonamge ak chi age tugul ne kiguure tupchet ago yae sokset nda kipng'etkong'ia nda kosoe kanamonik nda ko ne chubisie nda ko kibogityot nda rebindet. Amoamisie ak chito ne u noto. ¹² Amage nee aruokyi iche che mi sang'? Tos moruokyini akwe iche che mito go?Ago iche che mito sang' koruokyini Jehovah choto. Oiste anyun chichoto sigoran eng' kwenung'wong'.