¹ Ng'oitech chi kole ki kiboitinikab Kristo ak ribikab ung'otikab jehovah. ² Noto anyun makat ribindet age tugul koek ne kiyoni. ³ Eng' ane ko kiy kitikin ng'o kina akwe, nda koruokwo chi, ee makinege anege. ⁴ Amu mongen ke ane, ako mo ii ne ikesunotge ago inendet ne ing'eno ko Jehovah. ⁵ Ara anyun ameruokchi kiy kotom koit kasarta, kot konyo kiptaiyat ne ibu kobwa lapkeiyet tuguk che ung'otin che bo tuindo, ak koboor ng'alekab muguleido asi konyor chi tugul kolosunetab Jehovah. ⁶ Eng' noto anyun che kitupche, kaayai tuguchu koek kayaniet eng' ane ak Apolo agobo akwe, si kobiit onetge eng' ache si masiir tuguk che sirotin, si mamenege chi agobo chi age, kotil let chito age. ⁷ Kayain ng'o iteritu eng' age? ak nee ne itinye inye ne kima iitach, ago ng'o kiitache ko amu nee si ilosuge, ko u ye kima itaache? ⁸ Ng'uno anyun onyitotin, ng'uno ko kiomokornon kiobounisie ko u laitorinik koma, kamacha anyun obou si kebounisie kobotok eng' Jehovah. ⁹ Abwati ale kiteb Jehovah keegu ache che kiyoktoi che bo let, ko u biko che kigiruogyi kobek amu keerech ng'weny, malaikaisiek ak biko. ¹⁰ Ki che berber amu Kristo, kinyoluilyotin, ookimen, okonyitotin ko motekisech. ¹¹ Agoi ng'uno koamech rubet ak melelda, kimi ach ngor ak ketortatech ama kitinye menyotet. ¹² Ao kibirtoige keboisie eunekcho, ng'echosech keberur, ng'eusech kemuitoi. ¹³ Ye kimwoitoenech yoito, kigoigoi, kiyaech ko u che muruonindab ng'weny che kibuktoi ak kelakte agoi nguno. ¹⁴ Mosire tuguchi asi olilanse ago si kou werkchu che achame ateechin . ¹⁵ Agot ndotinye ribik elfu taman eng' Kristo, ko motinye kwanisiek che chang'. Amu kiosichok eng' Kristo Jeiso kobun lokoiywek che kororon. ¹⁶ Noto anyun osomok oeku kosubikichu. ¹⁷ Noto amu nee asi oyokun Timoteo, ne werinyu ne achame ne kiyoni eng' Kristo, ne nyoni kobwatwok ortinwekchu eng' Kristo, ye onetisioti eng' ui tugul eng' kanisosiek tugul. ¹⁸ Mendos alak ayun kolin abere manyonjinok. ¹⁹ Lekit anyonjok,ngo cham Kiptaiyat;ak aguiye,ma ng'olyotabiche che menotin,ago kamugengwai. ²⁰ Amu bounatetab Jehovah ko ma eng' ng'olyot ago kimnatet. ²¹ Nee ne omache anyun? anyonchok ak Kirogto ,nda eng' chamnyet,ak tamirmirietab talasiet?.