¹ Oboruok anyun tupchosiek ale, lokoiwek che kororon che kiamwowok, choto kotaach ko choto chotonone ² Kisorunenok choto korar eng ng'alek che kiaamwok , ngot onam komie, ngot ko kima oyan kityo. ³ Amu kiagonok eng' tai noto kiataach agane, ale kime kristo agobo tengekwogikyok, kou ye sirat ⁴ ak kigitub ak kon'geet eng' betutab somok ko u ye sirat . ⁵ ak kimong'ich kepa , ye ibata komong'chi taman ak aeng'. ⁶ yeibata komong'chi tupchosiek che siirei bokol mut komi tugul, che ta komi alak eng' iche rani, ko kigoruiyo alak ⁷ yeibata komong'chi Jakobo yeityo komong'chi che kiyoktoi tugul. ⁸ Ak eng' let komong'och anendet ko u ye kogas. ⁹ Amu a mining' eng' che kiyoktoi,monyolu agot aek ne kiyoktoi ama kiaus kanisetab Jehovah. ¹⁰ Amu kororindab Jehovah a u ki ne au: ak kororindanyi ne kigigono ko maek buch; ago kiaboisie mising' asiir iche tugul. Ago ma ane, ago kororindab Jehovah ne kimito. ¹¹ Ngo ane anyun nda ngo iche, keamdoi ui tugul ak u noto kioyan ak akwe. ¹² ara anyun, ngeamdoi Kristo kele kigin'geet eng' che kibeg, ko teptoi ano si komwaei alak eng' akwe kele momi n'geetyet? ¹³ Ago ngot ko momi ng'eetyet ko kaga ma king'eet Kristo agine. ¹⁴ Ak ngo kima king'eet kristo, ko buch anyun amdaenyo, ko buch agine kayaneng'wong' ¹⁵ Ee ak kagenyoruech kei baorinikab lembch chebo Jehovah, amu kigebaorian agobo Jehovah kele king'eet Kristo ne kaga making'eet ngot ko ka making'eeti che beku. ¹⁶ Amu ngo ko making'eeti che beku, ko kimaging'eet Kristo agine. ¹⁷ Ago ngo kima n'geet Kristo ko buch kayaneng'wong' , kotomi eng' tengekwogikwok. ¹⁸ Nyoto anyun icheget che kigoruiyo eng' Kristo ko kigolusyo ¹⁹ Ngot ko eng' soboni kemong' Kristo kityo, kei che orokenyotin eng' biko tugul. ²⁰ Ago kiging'eet anyun Kristo komong' eng' chekibek , tangoaniat ne bo icheget che ruitos. ²¹ Amu kibunu chi meet, ko u noto bunu chi agine ng'etyeetab che beku. ²² Amu ko u ye begu tugl eng' Adam, kou noto tun kisoobi tugul eng' Kristo. ²³ Ago chi tugul eng' komostanyi, Kristo ko tangoaniat yeityo ko iche che bo Kristo eng' nyonunennyi ²⁴ Ye ibata koit let ak kogochi Jehovah bounatet inendet kwanda ye tun kagowong' bounatet tugul ak kimnatet tugul ak kamuktaet, ²⁵ Amu kanyol kolaitoran inendet ne motiny, agoi konde bunikyi tugul keldebesikab kelyekyi. ²⁶ Bunyot ne bo let ne tun king'eme ko meet. ²⁷ Amu, kigonde tuguk tugul kureretab kelyekyi kogas it inendet. Ago ye mwoei kole kondoi tuguk tugul kogas it inendet, kotoogu kele maboto inendet ne kiinde tuguk tugul kogas it. ²⁸ Ak ye tun kaginde tuguk tugul kogas it inendet si koeg Jehovah tugul eng' tugul. ²⁹ Tos yai nee anyun che kigebotisonchi che kigobek?ng'ot ko kaga making'eeti iman che beku? ko amu nee si kebatisan choto agobo iche. ³⁰ Amu nee si kemi ng'weynduni sait age tugul anyun? ³¹ abaoriani eng' kolosunonoto mi eng' akwe, che kitupche, ne atinye eng' Kristo Jeiso Kiptaiyatndennyo ale, amee betut age tugul ³² Ngo kigiborgei ak tiong'ik eng' Epeso ko u biteetab biko ,atinye borot nee anyun? Ngo kaga maging'eeti che begu ,ongeamisie ak kee ,amu kibegu mutai. ³³ Amata kiberberak: Ng'eme choronok che yaachen atepto ne kararan. ³⁴ Ogosu eng' imanda, amat oyai teng'ek; amu maingen alak Jehovah: amwoe ni si agonok olilan. ³⁵ Ago mi che lin king'eetitoi ano che kigobek? ak bwondoi ano eng' borto? ³⁶ Inye ne berber noto ni ikole, ko mosobe ngo mame. ³⁷ Ak noto ne igole , ko megole borto ne tun biitu,ago keswot buch, abere biitune nganok nda tuguk alak; ³⁸ ago igochini Jehovah borto ko u iboiboi inendet, ak kogochini kesuwot age tugul bortanyi inegei ³⁹ Banyek tugul ko ma agenge: ago mi alak chebo biko ak alak che bo tiong'ik ak alak chebo taritik, ak alak chebo njirenik. ⁴⁰ Mi borwek che bo kipseng'wet ak che bo ng'weny ago terchin terunatet ne bo choto bo ng'weny ⁴¹ mi lilindab asista ago mi ne bo arawet, ak lilindo ne bo kogelik amu terchin kogeliet age ak age eng' lilindo. ⁴² U noto anyun ng'etyeet kigole eng' ngemisiet, king'eeti ko ma komi ng'emisiet, ⁴³ ko kigole kimomi teegisto ak tun king'eeti eng' telunatet: kigolei eng' nyalulet; ak tun king'eeti eng' kamuktaet ⁴⁴ Kigole borto ne kigisiktoi; kig'eeti borto ne bo tamirmiriet .Ngo mi borto ne kigisiktoi,komi agine ne bo tamirmiriet . ⁴⁵ Ko u noto agine, kigisir kele,, kieg chito ne bo tai ,Adam, chito ne sobei .Kieg Adam ne bo let tamirmiriet ne igoitoi sobondo ⁴⁶ Ago maindoi noto bo tamirmiriet ,ago noto bo borto ye ibata ko noto bo tamirmiriet . ⁴⁷ Chito ne bo tai ko bo ng'weny bo nyung'unyek: chito ne bo aeng' ko bo kipseng'wet, ⁴⁸ Ko u ole teptoi ne bo nyung'unyek u choto agiche che bo nyung'unyek; ak ko u ole teptoi ne bo kipseng'wet, u choto agiche che bo kipseng'wet. ⁴⁹ Ak ko u ye kigiib itondab chitab nyung'unyek , keibe ko u itondab kipseng'wet agine ⁵⁰ Amwoe ni anyun tupchosiechu , ale maimuchi banyek ak korotik konyor bounatetab Jehovah; amaimuchi ne nune konyor ne manune , ⁵¹ Ogeero, amwowok ung'otiet , magiruitosi ache tugul , ago kiwalech ache tugul. ⁵² Eng' ne matia eng' kamismisetab konda, eng' iriaget ne bo let; amu cheei iriaget, si king'eet che kigobek ko ma kotinyei nunet, a kewalech. ⁵³ Amu kanyol kolaach ne nune ne manune , ak kanyol kolaach nito mee ne mamee ⁵⁴ Amu tun kagolaach nito nune, ne manune ak kolaach nito mee ne mamee ne mo mee, kosulda anyun mwaet ne kisir kele, kagelugui meet eng' kabelisiet, ⁵⁵ ee, meet, mi ano kabelisieng'ung? Ee, meet mi ano ng'wanindang'ung'? ⁵⁶ Ng'wonindab meet ko tengek ; ak kimnatet ko ng'atutik: ⁵⁷ ago kigochin Jehovah kongoi, ni konech kabelisiet eng' kiptaiyandennyo Jeiso Kristo ⁵⁸ Nyoto anyun, chi kitupche che achame ogimegitu, ama tigiwechak oae otese kotugul boisietab kiptaiyat, amu ong'et ole mabo buch boisieng'wok ni uui eng' Kiptaiyat.