¹ Nguno anyun agobo kayumanik agobo biko che tililen,ko u ye king'at kanisosiek che bo Galatia, oyai ak akwe ko u noto ² Ngogonor chi age tugul eng' akwe eng' betut ne bo tai ne bo wigit, ko u che te che kanyor, simabiit kayumisiet ye tun anyo. ³ Ak ye tun aitu, ayokte alak tugul che kiolewen koto baronok, koib tuguk che bo aiyebindang'wong' koba Jerusalem ⁴ Ak ngot ko nyolu awa agane, kebe tugul. ⁵ Ago anyonjinok , ye kaabunote Makedonia ; amu abunoti Makedonia. ⁶ ago abere anyone ketebi ak akwe eng' betusiekab kaititiet, si kobiit omonorseiwa akwe eng' bandanyu eng' komosta age tugul ole awendi. ⁷ Amu momache ageerok nguno asiirtoi eng' oret; amu amang'u ale atepche kobotok nematia, ngo cham Kiptaiyat ⁸ Ago to atebe Epeso agoi betutab Pentekost; ⁹ amu kogiyatwa kuret ne o ne nyoljini boisionik, ak mi bunik che chang' ¹⁰ Ngoto anyun kocho Timoteo, ko ngotebi kobotok ama eng' kaiyweisiet; amu boisie inendet eng' boisietab Kiptaiyat, ko u yo aei agane.. ¹¹ amatosas chi inendet anyun.Ago omonorsechi inendet eng' bandanyi eng' kalyet si konyo ole ami: amu ageni inendet koboto che kitupche ¹² Ago eng' ng'alekab Apolo ne kitupche, kiasom inendet mising' ale konyonchok koboto tupchosiek; ak kima ko magennyi mbo kitigin konyo nguno; ago ta konyoni yetun nyor boroindo ¹³ Oripse , olumdege mising' eng' kayanet,otebi ko u murenik, ogimegitu ¹⁴ Ngoyaak eng' chamnyet tugul che oyae ¹⁵ Asomok anyun mising' che kitupche (ongen che bo gotab Stepana, ole icheget tongoanik che bo Akaya, ak kichuljige koboisiechi che tililen), ¹⁶ ale ogas it akwe che u chu ak chi age tugul ne toreti eng' boisiet ak ne birtoegei bosiet. ¹⁷ Ak abaibai eng' nyonunetab Stepana ak Portunato ak Akaiko: amu kiinyiitwa iche nyoto ni rarunot eng' komostang'wong' ¹⁸ Amu kimuung'ji tamirmiriennyu ak neng'wong'.Onai anyun komie iche chi u choto. ¹⁹ Igotok kanisosiekab Asia.igotok Akula ak Priska mising' eng' kiptaiyat koboto kaniset ne mi gongwai. ²⁰ Igotok tupchosiek tugul ogatge eng' ng'ututet ne titil. ²¹ Kagatennyu nito ane Paulo ing' eunnyu. ²² Ngo tomachome chi age tugul Kiptaiyat ko ngoek ne chubot Maran-atha. ²³ Ngotebi kobotok kororindab Kiptaiya Jeiso Kristo! ²⁴ Ngoteb chamnyennyi kobotok tugul eng' Kristo Jeiso. Amen.