¹ Osub chamyet, ak omach mising' konunotoikab tamirmiriet, ago ne siirei ko amdaet. ² Amu inendet ne ng'ololi kutuswek che terotin komong'ololchini biko ago Jehovah, amu magase chi, amu mwoei ung'otik eng' tamirmiriet. ³ Amu inendet ne amdoi kong'ololnchini biko ng'alekab teekset, ak kagimitet ak kagaikaet. ⁴ Inendet ne ng'ololi kutuswek che terotin kotechege, ago inendet ne amdoi koteeche kaniset. ⁵ Ngotomache ole ong'alal tugul eng' kutuswek che terotin, ago ne siire ko oamde ago inendet ne amdoi kosiir ne ng'ololi kutuswek che terootin,nda koweech asi kobiit koteech kaniset. ⁶ Nguno anyun, ngot anyonchok ong'ololi eng' kutuswek che terotin, ko koeg u kelchin nee eng' akwe? ngot ko mong'ololwok eng' ng'ang'utiet nda eng' naet, nda eng' amdaet nda eng' konetisiet? ⁷ Ago agot tuguk che tinye tuuget chi mo sobtos, ngo ndurerut nda kibugandet, kenooitoi ano nyi kiguute nda nyi kibute. ⁸ Amu ngo chei iriaket eng' tuuget nyi mo kiguitos ko ng'o anyun nyi chobchinge boriet. ⁹ Ko ou nyoto anyun , ngot komong'alale ng'alek chi kimuchi keguiyo eng' nyumnyumindo , kenoitoi ano tukuk che kagemwa? amu ing'ololchini oldo buch. ¹⁰ Imuchi komi tukosiek chi terotin eng' ng'weny amu momi nyi tinye komonut age tugul eng' chuto. ¹¹ Ara ngot ko mongen anyun komonutietab tuuget, aegu too eng' inendet nyi ng'ololi ak inendet nyi ng'ololi koegu too eng' ane. ¹² Ou nyoto ak akwe ko u ye omache mising' konunotiatab tamirmiriet ocheng' eng' kagiiletab ge tuguk chi ikochini kaniset koteekat. ¹³ Ara ngot anyun ngosa ine nyi ng'olole kutuswek che terotin asi komuch kowalda . ¹⁴ Amu ngot asae kutit nyi makikuitos ' kosae tamirmriennyu ago eng' ng'omnotet ko momi logoek. ¹⁵ Ara kile nee? Asae eng' tamirmiriet , ak asae eng ng'omnotet agine, atieni eng' tamirmiriet , ak atieni eng' ng'omnotet agine. ¹⁶ Amu ngo mau nyoto ,ko ngiberuri eng' tamirmiriet ,ak komwoitoi ano *Amen ye igoitoi kongoi, inendet nyi tebe ole mi che ma inetge amu manoe kit nyi imwoe. ¹⁷ Amu igoitoi iman kongoi komie ago manyor age tugul kit nyi imuchi koteech . ¹⁸ Olosu Jehovah ong'alale kutuswek chi terotin kosiirok okwe tugul. ¹⁹ Ago eng' kanisa agoigoi ang'alal ng'alek mut che ikuitos, asi eng' tugenyu, amuch aneet alak akiche kosiir ng'alek elfusiek taman eng' kutuswek chi maiguitos. ²⁰ Tupchosiek amoegu lekuk eng' kaguiyeng'wong' ago oeku lekuk chi nyerotin eng' yaityo oeku leguk chi kaoekitu eng' ng'omnotet. ²¹ Kigisir eng' sirutik kele ong'ololchini bichu eng' biko chi bo kutuswek alak, ak eng' kutuswek ab toek , ak agot ngo u nyoto ko maakasa , magasa kiptaiyat. ²² Ara anyun kutuswek ko bo koborunoik ma eng' iche che iyoni ago eng' iche che meyoni , ako amdaet ko bo kabarunet ma eng' che maiyoni ako eng' iche che iyoni. ²³ Nyoto anyun ngotuiyo kaniset tukul ak kong'alal eng' kutuswek che makigose , ak ngo maiyonotin , ak kobga ku bich che ma inetige nda ko che maiyonotin ko tos ma mwoe kole oi chebion? ²⁴ Ago ngot koamda tugul ak kochut chi nyi maiyanat nda ko ne mainetge , komuchi anyun tugul . ²⁵ Ak keng'any ung'otikab muguleldannyi , ak kobutyi ng'weny anyun .kong'uruk kolos Jehovah komng'oe kolin mi Jehovah kwenung'wong' iman. ²⁶ Nee anyun ,che kitupche? ye oumge ,kotinye age tugul tiendab kalosunet,ak konetisiet,ak ng'ang'utiet ,ak kutit ne magigase, ak kaweegetab ng'alek.ngoyaogis tuguk tugul koteegogis . ²⁷ Ngot ko ng'alal chi kutuswek che makiguitos , kong'alal aeng' nda ko somok, korupge ago ngobiit age ne imuchi kowalda ²⁸ Ngot ko momi weekindetab ng'alek , ko siis anyun eng' kaniset ak ngo ng'alalchike ak koong'alalchi Jehovah. ²⁹ Ak ngong'alalyo maotik aeng' nda ko somok ak ngokuiyo chito. ³⁰ Ago ngeng'angchi ng'olyo age nyi tebye eng' yoto ko ingosis nyi bo tai. ³¹ Ago omuchi oamde agenge agenge asi konetge tugul ak kegaigai tugul. ³² Ak kas iit tamirmirikab maotik. ³³ Amu Jehovah ko ma Jehovah nyi bo bolatet ago bo kalyet. Ko u eng' kanisosiek tugul che bo che tililen. ³⁴ Ngososio chepyosok eng' kanisosiek amu machamat kong'alalyo ago ngogas it ,ko u ye mwoe ng'atutik. ³⁵ Ak ngomache iche konetge kiy, kotebe maning'otoikwai eng' korigwai. Amu kaalilanet ngo ngalal chepyosok eng' kaniset ³⁶ Nee anyun? tos akwe che kimongunenok ngolyotab Jehovah? Anan kibwanjok akwe? ³⁷ Ngot kobwati chi kole tuguk che osirwok ko ngotutikab Jehovah ³⁸ Ago ngo maingen chi age tugul kiy ko ng'oek komoingen. ³⁹ Noto anyun che kitupche ocheng' mising' oamde amat oesie ken'galele kutoswek che terotin ⁴⁰ Ago ng'oyaagis tuguk tugul ko u ye nyolu ak eng' chobet ne kararan.