¹ Agot ng'ang'agalale kutuswekab biko ak malaikaisiek ama tinye chamnyet ko koegu sukunwet ne chee nda sanitab sukunwet ne chee. ² Agot ngotinye konunotiotab maoinotet ak okuisoti un'gotik tugul ak naet tugul, ak agot ng'otinye kayanet tugul, ne amuchi oiste tulontok, ama tinye chamnyet ko a i buch. ³ Agot ngo goite tukuchu kebae bononik, agot ngo goite bortanyu kebeel, ama tinye chamyet komokelwo kiy. ⁴ Chamyet ko muitoi, ago tala, ama mene. ⁵ Ama yaei ne ma nyolu, mochengchinge chechi, ama iiti tokisiet ama iiti yoitio. ⁶ Moboibochini ne mo bo iman, ago baibai eng' imanda. ⁷ Sise eng' tuguk tugul, iyoni tuguk tugul, imon'gu tuguk tugul, muitoi eng' tuguk tugul. ⁸ Mororu chamnyet agoi, ago ngot ko mi maoinatet koite let, ngo mi kutuswek che terotin ko ite kosisio, ngo mi naet koite kogesge. ⁹ Amu kingen eng' kebeberta ak keamdoi eng' kebeberta. ¹⁰ Amu Tun nanyo anyun indenet ne ikesunotge koit let ne bo kebeberta. ¹¹ Ki ngo i lekwa ko kiang'ololi ko u lekwa ak akuiye ko u lekwa,kiabwat ko u lekwa,ago king'aeku muren alakte tukukab lekwandit. ¹² Amu nguno kegere eng' kioit eng' tamirmiron ago tun kegere tokoch eng' tokoch, nguno ongen eng' kebeberta, ago tun onae ko ye kigenaa. ¹³ Ago tebyei nguno kayanet, kamang'unet,ak chomyet chuto somok, ago ne o eng' chuto ko chamyet.