¹ Momoche oegu che mongen tupchosiek nguno agobo. ² konunotoikab tamirmiriet ongen ole kigii bororiosiek che kigitorchech cheptailelisiek che matwegu kou ye kigindoiywok. ³ Noto anyun amache oguiye ole momi chi ne ngololi eng' kandoisetab tamirmiriet ne mwoe kole chubot Jeiso amami chi ne lin Jeiso ko kiptaiyat kobate eng' tamirmiriet ne tilil. ⁴ Ng'uno komi teerchinet eng' konunotoik ago tamirmiriet ko agenge. ⁵ Ago mi ribsosiek che terotin ago kiptaiyat ko agenge. ⁶ Ago mito boisionik che terotin ago Jehovah ko agenge ne boisie eng' tugul. ⁷ Ago kaborunetab tamirmiriet ko kigigochi chi tugul si kotoretege. ⁸ Age ko kigigochi tamirmiriet ng'olyotab ng'omnoted eng' age kigigochi tamirmirietab ngolyotab kokuiyet. ⁹ Age ko kayanet eng' tamirmirionoto eng' age ko konunotiotab kanyoiset eng' tamirmirionoto. ¹⁰ Eng' age koyaei kwong'utik ko eng' age maionotet, eng' age koguitos tamirmirik, eng' kutuswek che terotin, eng' age ko waletab kutuswek che terotin. ¹¹ Ago boisie chuto tugul tamirmiriet ne noto agenge, kopchechini age tugul ko u ye makyini. ¹² Ku u ye agenge borto, ago tinyei kebeberwek chang', Ago kebeberwek che chang', che bo boroto akot nda chang' ko borto agenge ko u noto kristo. ¹³ Amu eng' tamirmiriet agenge, ko kigebatisanech eng' borto ageng, nge ii yahudik nda bororiosiek, ngerototin nda ketiogotin, ko kigeyaech eng' tamirmiriet agenge ¹⁴ Amu borto koma kebeberta agenge ago chang', ¹⁵ Ngot kole keldo, amu mo i eut, komobo borto, ko tos mo bo borto? ¹⁶ Ak ngot kole itit, amu mo i konda, ko mobo borto, ko tos mo bo borto? ¹⁷ Ngot ko borto komugul ko konda, ko nda miano kastaet? Nda tugul ko kastaet nda miano konguiset ? ¹⁸ Ago nguno ko kigonde Jehovah kebeberwek, age tugul eng' iche, eng' borto, ko u ye kicham indendet. ¹⁹ Ago nda ki tugul ko kebeberta, nda miano borto? ²⁰ Akot nguno nganda tinyei kebeberwek che chang',ko borto agenge. ²¹ Ama lechini konda eut, mamochin.nda kolechi metit kelyek mamochok. ²² Ago ne siire mising', ko kebeberwekab borto che togu konyolulyotin, ko choto che mokotin mising'. ²³ Ago kebeberwechoto bo borto che kiiti kele motekisotin, ko choto che ketekisi mising', ak kebeberwegchok che motinye kororonindo ko choto che tinyei kororonindo mising'. ²⁴ Amu kebeberwegchok che tinye kororonindo ko mamoche kiy, ago kiituiyo jehovah borto, ak kogochi kondit ne o kebeberta ne kirorchini. ²⁵ Si mabit kabesiet eng' borto, ago si koribge kibagenge. ²⁶ Ago ngot nyalil kebeberta agenge, konyalilsot kebeberwek tugul, nda ng'ekonyit kebeberta agenge, koboiboitu kebeberwek tugul. ²⁷ Nguno o i bortab Kristo, ak o i kebeberwekab boroto age tugul eng' age. ²⁸ Amu kigoyai Jehovah alak eng' hekalut, ne tai chegiyoktoi, ne bo aeng' maotik ne bo somok konetik ne rube noto kwong'utik, korub konunotiotab kasoobet, toretisiet, bounisiet ak kutuswek che terotin. ²⁹ Tos chegiyoktoi tugul? tos maotik tugul? tos konetik tugul? tos yaikab kwong'utik tugul? ³⁰ Tinyei tugul konunotiotab kasoobet? ng'alalsot tugul eng' kutuswek che terotin? woldoi tugul kutuswek che terotin? ³¹ Ago omach mising' konunotoik che eechen asi aborwok ne kararan kosiir.