¹ Tena nichona ishara injine mulunguni, bomu na ishangazayo; kpekala na malaika saba vario na mabigo saba, ambago gekala mabigo ga mng'isho (kah za gago, hasira ya Mulungu yekala idzikamilika). ² Neona chiratu chirichohalana kukala bahari ya bilauri iriyotsanganywa na moho, na chichema pembeni mng'a bahari ambaho varatu variokala ashindi dzulu ya munyama na chigangoche, na dzulu ya namba yemererayo dzinare. Vekaa vadzibgwiririra vinubi varivyopewa ni Mulungu. ³ Vekala vachemba wira wa Musa, muhumiki wa Mulungu, na wira wa mng'anang'onzi: " Mahendogo nimabomu na gashangazago, Bwana Mulungu, utawalaye vyosi. Mng'aminifu na njirazo ni za jeri, mufwalume wa mataifa. ⁴ Nani kandakogoha we Bwana na kuritukuza dzinaro? Kpakukala uwe hacheyo umutakatifu. Mataifa gosi gandadza na kukpabudu mberezo kpasababu umudzo na mahendogo gadzimanyikana. " ⁵ Baada ya mambo gago nelola, na hatu hatakatifu sana ambaho hekala na hema ra ushuhuda, uriofugulikira mulunguni. ⁶ Kula hatu hatakatifu sana vachidza malaika afungahe vario na mabigo mafungahe, vadzivala mavazi madzo, kitani ing'alayo na mushipi wa dahabu kuzunguluka vifua vyao. ⁷ Mumng'enga wa varatu viumbe venye uhai anne achilavya kpa malaika afungahe mabakuli mafungahe ga dahabu garigoodzala gadabu ya Mulungu aishiye kare na kare. ⁸ Hatu hatakatifu sana heodzala mosi kula kpenye utukufu wa Mulungu na kula kpenye uwezowe. Kakuna hata mumng'enga ariyeweza kpenjira mupaka mabigo mafungahe ga malaika afungahe garihokamilika.