¹ Bai Festo ariho enjira ugavana, baada ya siku tahu weuka Kaisaria achenda Jerusalemu. ² Kuhani mubomu na abomu va chiyahudi vachim'wambira habari za Paulo na vachimusihi, ³ na kimuvoya fadhili dzulu-ze, kukala aomboze amuri ili Paulo arehewe Jerusalemu, vapate kumotea na kumolaga njirani. ⁴ Lakini Festo achijibu kukala, Paulo be yunarindwa Kaisaria, naye m'wenye yuhehi na pkenda kuko. ⁵ Achamba, vavo vario na uwezo pkenu, be nava-teremuke ham'wenga nami, ili vakamushitaki chikala be kuna neno rorosi rii kuhusu mutu yuyu. ⁶ Bai Festo wesagala siku nane au kumi, kisha achiteremuka Kaisaria, na siku ya hiri, achisagala chihi cha hukumu, na achilagiza Paulo arehewe. 7 Arihokudza, vo Ayahudi varo-teremuka kula Jerusalemu, vachema hehi naye na vachigomba mashitaka manji maziho ga Paulo vasigoweza kuga-hakikisha. ⁸ Paulo achidzihehera achamba, "Mimi be sikosere neno kahiza sharia za Ayahudi, au dzulu za hekalu au dzulu za Kaisari. ⁹ Ela Festo achimala kuvahenzeza Ayahudi, achimujibu Paulo achamba, "Jee! unamala wende Jerusalemu, ili ukahukumiwe kuko mbere zangu, pka ajili ya mambo gago? ¹⁰ Paulo achamba, " Mimi be nina-ema haha mbere za chihi cha hukumu cha Kaisari, na ndiho hanipasaho kuhukumiwa, sivakosere Ayahudi neno, here uwe umanyavyo sana. ¹¹ Bai ichikala mimi ni mukosa au nehenda neno ra kustshili kufwa, sikahala kufwa, ela chikala be ni ulongo neno riri vanaro nishitaki, kahana awezaye kunenjiza mikononi m'wao. Namala kesi yenjire pili pka Kaisari. ¹² Bai Festo ariho gomba na atu va baraza, achijibu, "Udzimala pili pka Kaisari! bai, undapkenda pka Kaisari. ¹³ Bai baada ya siku chache kuchira, mufalume Agripa na Bernike vekudza Kaisaria, kumu-tsemberera Festo. ¹⁴ Na varihokala va kuko siku nyinji, Festo achim'weleza mufalume Agrippa habari za Paulo, achamba, haha hana mutu mum'wenga write richwa ni Feliki chifungoni. ¹⁵ Ambaye mimi nirihokala Jerusalemu abomu va makuhani na atumia va Ayahudi, venambira habarize, vachinimala hukumu dzulu ya iye. ¹⁶ Nichivajibu kukala se kawaida ya Arumi kumomboza mutu yoyosi, kabila iye mushitakiwa kadza onanan na ashitakie uso pka uso, na kupewa nafasi ya kudzi-hehera kahiza mashitaka-ge. ¹⁷ Bai variho-kutanika haha, sichelewere, ela siku ya hiri nichisagala kahiza chihi cha hukumu, nichilagiza mutu iye arehewe. ¹⁸ Navo ashitaki be variho-ema, kavarehere neno rorosi rii, here nirivyo tarajia. ¹⁹ Ela be vekala na maswali manjine venue dzuluye kuhusu dini yao enye na kahiza habari za mutu mum'wenga Jesu, ariye-fwa kare, ambaye Paulo yunamba yumoyo. ²⁰ Nami nichikala na dzulu za kutafuta ujeri wa habari ii, nichimuza ichikala yunahenza pkenda Jerusalemu ahukumiwe kuko kahiza mambo gaga. ²¹ Ela Paulo arihodai ahukumiwe ni Kaisari, nichilagiza arindwe, hata nindiho muhirika pka Kaisari. ²² Agrippa achim'wambira Festo, mimi nami nere namala nimusikire mutu yuyu. Achamba, "Undamusikira machero." ²³ Bai go madzacha, Agrippa ham'wenga na Bernike pka Rana nyinji vachifika hatu ha kusikiza maneno, ham'wenga na maakida abomu na atu abomu va mudzi, Festo acomboza amuri, Paulo achirehewa. ²⁴ Festo Achamba, "Mufalume Agripa, na m'wi m'wi mosini murio haha ham'wenga nafwi, munamona mutu yuno, ambaye mbari yosini ya Ayahudi kuko Jerusalemu na haha pia, vadzimala niva-saidie, vachibiga kululu kukala kaimupasa aishi zaidi. ²⁵ Ela mimi neona kahendere neno ra kufaa kolabgwa, na iye m'wenye arihomala kuhukumiwa ni Kaisari, nekusudia nimuhirike pkapke. ²⁶ Nami kahiza habarize, sina neno ra hakika ra kum'wandikira bwana. Pka vivyo nidzimureha mbere zenu, hasa mberezo uwe mufalume Agrippa, ili achi-hojiwa hojiwa be nipate neno ra pkandika. ²⁷ Pka kukala naona be se neno ra maana kuhirika mufumbwa, bila konyesa mashitaka gago arigo shitakirwa.