¹ Arihokala Apolo yu Korintho, Paulo achichira kahiza itsi za dzulu, achifika Efeso, achonana na anafunzi kadhaa kuko. ² Paulo achivauza, "Jee m'wehochera Roho Mutakatifu muriho amino? Vachimujibu, hata, hata kusikira kukala kuna Roho Mutakatifu kahudza sikira. ³ Paulo achivauza kaheri, "Bai m'webatizwa pka ubatizo hiwo? Vachamba pka ubatizo wa Johana." ⁴ Paulo achivamba, "Johana webatiza ubatizo wa toba, achivaambira atu vam'wamini iye andiye kudza nyumaye, yaani Jesu. ⁵ Varihosikira gaga vachibatizwa pka dzina ra Bwana Jesu. ⁶ Na Paulo ariho ika mikono dzulu yao, Roho Mutakatifu achidza dzulu yao, vachanza kunena pka luga na kutabiri. ⁷ Na jumula yao be vepata anaalume kumi na airi. ⁸ Paulo achenjira ndani ya sinagogi, na achigomba pka nguvu, pka muda wa miezi mihahu, na kuvavuha pka muda wa miezi mihaha, kaiza mambo ga ufalume wa Muqlungu. ⁹ Ela anjine be vekahal kuamini, vachiihukana iyo njira mbidzo mbere za mukutano, bai achuka na kuvaricha, achivatenga anafunzi achihojiàna na atu chila siku kahiza darasa ra mutu mum'wenga dzinare ni Tirano. ¹⁰ Bai mambo gaga gachenderera pka muda wa miaka miri, hats vosini varikala Asia vachirisikira neno ra Bwana, Ayahudi pka Ayunani. ¹¹ Mulungu achihenda miujiza kutsupa kawaida, pka kutsupira mikono ya Paulo. ¹² Hata akongo vachireha nguo na vitambaa pka Paulo ili azikire mikono-ye na ziriho-uya pka go akongo vachihola na pepo achafu vachombola. ¹³ Ela pkekala na Ayahudi vario-zurura navo vanahamirwa ni mambo ga pepo, vachijeza kutaja dzina ra Bwana Jesu pka atu vadzio golomopka ni pepo achafu, vachamba, "Navaapisha pka Jesu iye ahubiriwaye ni Paulo. ¹⁴ Pkekala na Muyahudi mum'wenga kuhani mubomu dzinare ni Skewa, wekala na avulana afungahe vario henda vivi. ¹⁵ Ye pepo muchafu be achivajibu, "Jesu mimi namumanya na ye Paulo pia mimi namumanya, ela m'wi be mu-aniani? ¹⁶ Na ye mutu ariye golomopka ni pepo muchafu achiva-hurukira atu airi achivaweza, achivashinda, hats vachombola malo no nyumbani,kuno be va huhu na vajuruhiwa. ¹⁷ Bai jambo riri richimanyikana kahiza Uyahudi wosini na Ayunani vosini variokala Efeso, na woga uchivaenjira vosini, na dzina ra Bwana Jesu richilipka. ¹⁸ Na vo amino anji vekudza na vachungama na kisha vachonyesa mahendo gao. ¹⁹ Na atu anji vario henda mambo ga uganga, vachi!usanya vitabu vyao, vachi-vyocha moho mbere za atu vosini, vachihenda hesabu ya thamaniye, na vachona kukala inapata pesa elifu mirongo mitsano. ²⁰ Vivyo ndivyo neno ra Bwana ririvyo zidi na kupata nguvu. ²¹ Bai baada ya mambo gago kumarigizika, Paulo achikala yupanga moyoni m'wapke a hire na Makedonia na Akaya, na ende Jerusalemu, na achamba baada ya kufika kuko, noone Rumi pia. ²² Paulo achihuma atu airi vende Makedonia ambavo vere vanamuhumikira iye, Timotheo na Erasto, Paulo m'wenye achikala Asia pia muda. ²³ Wakati uwo be kuchombola fujo we chache kuhusu njira iyo ko Efeso. ²⁴ Pka kukala mutu mum'wenga dzinare ni Dometrio m'wenye chandani cha kutengeza chuma, ariye kala yunatengeza vibanda vya koma vya milungu ya Artemi, were be yunavapa mafundi faida nyinji. ²⁵ Achivakusanya vavo ham'wenga na anjine enye kazi iyo iyo, achivamba, "Hem'wi ana alume kisha munamanya kukala utajiri wenu unaombola kahiza kazi ii. ²⁶ Kisha be munaona na kusikira kukala, si kahiza Efeso tu, ela ni kahiza Asia yosini ambaho, Paulo iye be yudzvahenda atu anji na yugaluza akili zao, achamba, kukla, iyo ihendwayo na mikono be se milungu. ²⁷ Se pkamba ii kazi yehu be inahatari ya kudharauliwa tu, ela hekalu ra mulungu muche ariye mubomu, Artemi, kutalwa se chitu, na kusirwa utukufuwe, ambaye Asia yosini na pia na dunia yosini inamwabudu." ²⁸ Bai variho sikira gaga vachodzala hasira, na vachibiga kululu vachamba, " Artmi wa Waefeso ni mubomu. ²⁹ Bai mudzi wosini uchodzala fujo, na atu vosini vachenda malo pka nia m'wenga haho hath hakuzaziga, na vachimubgwira Gayo na Aristarko, atu va Makedonia vario tsembera ham'wenga na Paulo. ³⁰ Na Paulo arihomala pkenjira kahi kahi za atu, anafunzi vachimuzulia asenjire. ³¹ Na baadhi ya abomu fulani kula Asia, ambao ni asena va Paulo, vachihuma atu vam'wambire asi-dzenjize hatu haho hamichezo. ³² Bai atu anjine vere vachirira vino na anjine vachirira vira, maana wo mukutano be were udzichafuka, na atu anjine vere kavamanya yo sababu ya atu kukusanyika ham'wenga. ³³ Atu vachimomboza Iskanda kahiza wo mukutano, go Ayahudi vachim'wika mbere za vo atu. Iskanda achivapungira mukono, ili adzi he here mbere za vo atu. ³⁴ Ela variho many a kukala iye be no Muyahudi, vachibiga kululu kaheri vosini pka sauti m'wenga pka muda wa here masaa mairi, vachamba "Artemi wa Efeso ni mubomu. ³⁵ Na karani wa mudzi ariho vahuriza atu, achamba, "Hem'wi alume va Efeso, ni mutu hiye asemanya kukala mudzi wa Efeso unatunza hekalu ra Artemi, ariye mubomu na wa chitu chicho chirichotma kula mulunguni? ³⁶ Bai pka kukala mambo gaga be kagaweza kukahalika, inabidi muhurire, musihende neno ra haraka haraka. ³⁷ Pka sababu mudzivareha atu vava, vasio eya vitu vya hekalu au kumuhukana ye mulungu wehu muche. ³⁸ Bai ichikala ye Dometrio na vo mafundi vario ham'wenga naye be vananeno dzulu ya mutu yoyosi, baraza zikuko na magavana vakuko navashitakiane. ³⁹ Ela muchitafuta neno rorosi zaidi kahiza mambo manjine, be ganda-tengezwa ni baraza za halali. ⁴⁰ Maana be huna hatari ya kushitakiwa pka ajili ya machafuko gaga garero, na kahuna sababu kamili ya komboza pka ajili ya fujo riri. Bai arihomarigiza gaga achitsamula wo mukutano.