¹ Kisha Paulo achifika Derbe na Listra, na haho hekala na m'wanafunzi mum'wenga dzinare ni Timotheo, m'wana wa m'wanamuche Muyahudi ela babaye were ni Muyunani. ² Mutu bai weshuhudiwa totot ni vo ndugu vario kala Listra na Ikonio ³ Paulo achimumala iye amutue, achimuhala achimutahiri pka ajili ya Ayahudi vario kalako pande zizo, pka kukala vosini vemanya pia kukala babaye be ni Muyunani. ⁴ Bai variho kala vachichira kahiza midzi iyo, vachivapa zizo amuri, zirizo amuriwa ni mitume na azee variokala Jerusalemu, ili vazibgwire. ⁵ Bai go makanisa gachenjizwa nguvu kahiza yo imani, na idadi yao be ichonjezeka chila siku. Paulo na go atuve vachichira kahiza itsi ya Frigia na Galatia, vachikahazwa ni Roho Mutakatifu, vasihubiri neno riro kahiza Sia. ⁷ Varihofika komborera ya Misia vachijaribu pkenda Bithinia, Ela ye Roho wa Jesu kavapere nafasi. ⁸ Vachichira Misia vachiteremuka Troa. ⁹ Paulo achomborerwa ni maono usiku, wemona mutu wa Macedonia wemire, achimusihi, na kum'wambira, "Vuka udze Makedonia udze uhusaidie. ¹⁰ Bai ariho marigiza kona go maono, Bai mara m'wenga huchimala kombola pkenda Makedonia, pkakukala hweona hakika kukala ye Mulungu be we hweha kuhubiri ko Makedonia habari mbidzo za injili. ¹¹ Bai meli ichuka kulaiza Troa, huchifika Samothrake pka chandarua chim'wenga, na Siku ya hiri huchifika Neapoli. ¹² Na kulaiza haho huchifika Filipi, mudzi was Macedonia, mudzi urio mubomu kahiza jimbo riro, hatu hariho-kala vatsama Arumi, huchikala kahiza mudzi uu siku kadhaa. ¹³ Bai siku ya Sabato huchombola konze ya geti huche huchenda lands kanda ya muho, ambako hweona hana hatu ha kuvoya, huchisagala,na huchanza kugomba na anaache vario kala haho. ¹⁴ Na m'wanamuche mum'wenga dzinare ni Lidia ambaye were yunaguza ranging ya zambarau, ambaye pkao were ni Thiatira,ambaye yunamogoha Mulungu, achihusikiza, ambaye moyowe wefugulwa ni Mulungu, ili agatunze go maneno garigo nenwa ni Paulo. ¹⁵ Hata ariho batizwa, iye na nyumbaye, achihuvoya, achamba, "Chikala be mudzi-niona kukala ni-m'waminifu pka Bwana, enjirani nyumbani m'wangu mukale na achihulazimisha. ¹⁶ Bai hurihokala huchenda hath haho na kuvoya, musichana mum'wenga mutum'wa ariye kala yuna pepo wa uganga, achihutekeza, ariye vapa mabwanave faida nyinji pka kulagula. ¹⁷ Achimutua Paulo na fwi fwi, achibiga kululu, achamba, "Atu vava be no atumishi va Mulungu ariye dzulu enye kuhubiria atu njira ya wokofu. ¹⁸ Achihenda vivyo siku nyinji. Ela Paulo achitsukirwa, achigaluka achim'wambira ye pepo, " Nakuamuru pkadzina ra Jesu Masihi, umombole yuyu. Naye pepo achimomola saa iyo iyo. ¹⁹ Bai go mabwana-ve variho ona kukala tumaini ra faida yao be ridzangamika, vachimubgwira Paulo na Sila, vachivalongoza mupaka sokoni mbere za abomu va mudzi. ²⁰ Vachi- vahirika pka majaji, na vachamba, "Atu vava be vanabananga mudzi wehu, navo be no Ayahudi. ²¹ Kisha be vantangaza habari ya desituri zisizo kala za halali pkehu kuzihochera au kuzitua, pka kukala fwi fwi be Huarumi ²² Atu vosini va wo mukutano vachuka na kuatua, majaji vachivavula nguo zao pka nguvu, vachomboza amuri vabibgwe pka bakora. ²³ Na variho marigiza kuvabiga, mabigo kanji, vachitsuhiwa ndani ya jela vachimulagiza shikari wa Mela avarinde sana. ²⁴ Nate be arihopata malagizo gaga, achivatsuha chumba cha ndani, achivafunga magulu pka mikatale. ²⁵ Lakini usiku wa manane uriho fika, Paulo na Sila vere vanamuvoya Mulungu na kum'wemba màira ga kumusifu Mulungu, na vo afumbwa anjine vere vachivasikiza. ²⁶ Gafula, kuchikala na tetemeko ra itsi, hata yo misingi ya jela ichitukuka, na mara iyo miryango ichifuguka, na minyororo ya vosini ichirejera. ²⁷ Ye shikari wa yo jela achilamuka, bai ariho ona kukala yo miryango ya jela ifuguka, achihala panga, achimala kudzolaga, achona labuda vo afumbwa vachimbira. ²⁸ Ela ye Paulo achikota kululu pka nguvu achamba, "Usidzi hende rorosi, pka kukala fwi fwi hosini be huhaha. ²⁹ Achilagiza taa zirehewe, achiruka mo ndani, achitetemeka pka woga achiva-bgwerera Paulo na Sila. ³⁰ Misha achivaomboza konze achamba, "Mabwana vangu, na henzekana mino no hende noni nipate kokoka? ³¹ Vachim'wambira, " Mwamini Bwana Jesu, nawe undaokoka ham'wenga na nyumba-yo. ³² Vachim'wambira neno ra Mulungu, iye na atu vosini va m'wapke nyumbani. ³³ Achivakaribisha saa iyo iyo ya usiku, achivaojesa vironda vao, kisha achibatizwa, iye na vo atu-ve wakati uwo uwo. ³⁴ Achivareha Paulo na Sila m'wapke nyumbani, achivatengezera chakurya, naye shikari achihamirwa sana, iye na nyumbaye yosini, maana yudzi-mwamini Mulungu. ³⁵ Kurihocha madzacha, vo majaji vachihuma abomu va shikari, vachamba, "Varicheni atu vavo vende zao. ³⁶ Bai ye shikari wa jela achim'wambira Paulo maneno gago achamba, " Majaji vahuma atu ili mufugulwe, bai sasa ombolani konze, nendani zenu pka amani. ³⁷ Ela Paulo achamba,"Vadzihubiga mbere za atu vosini bila kuhu-hukumu, nafwi hu Arumi, kisha vadzi hutsuha jela, na sasa vanamala kuhomboza pka siri? Sevyo, ela na vadze enye vahomboze. ³⁸ Vo abomu va shikari vachivamanyisa vo majaji hàbari ya maneno gaga, navo vachogoha, variho sikira kukala vavo be no Arumi. ³⁹ Bai vo majaji vachidza, vachivasihi, na variho marigiza kuvaomboza konze, vachivavoya vaombole kahiza mudzi uwo. ⁴⁰ Navo vachombola jela, vachenjira nyumbani m'wa Lidia, na variho marigiza kuonana na ndugu, vachivafariji na vachenda zao.