¹ Kisha pke-ombola atu kula Uyahudi vachidza Antiokia na vachidza fundisha go atu kukala, "Musiho-tahiriwa here taratibu ya Musa be Kamuweza kuokoka. ² Bai baada ya Paulo na Barnaba kushindana na atu vava, na kunena navo sana, ndungu vachiamua kukala Paulo na Barnaba na ndugu anjine vapande Jerusalemu pka mitume na vo atumia vakauze swali riro. ³ Bai vachi hiripka niro Manisa, vachichira kahiza itsi ya Foinike na Samaria, vachitangaza habari za atu va Mataifa kuokoka, vachivapa furaha bomu sana go ndugu. ⁴ Varihofika ko Jerusalemu vachikarishwa ni kanisa na vo mitume na atumia, navo vacheleza mambo gosini Mulungu arigo gahenda ham'wenga navo. ⁵ Ela baadhi ya madhehebu ga Mafarisayo vario amini vachema, vachamba,"Nilazima kuvatahiri na kulagiza vabgwire sheria za Musa. ⁶ Bai mitume na go atumia vachikutana ili vatsimbe pka undani neno riro. ⁷ Baada ya hoja nyinji kunenwa, Petero weema, achivaambira, "Ndugu zangu m'wi m'wi be munamanya kulaiza Sikh ya pkanza Mulungu wetsagula miongoni m'wehu kukala, vo atu va mataifa navo be vasikire neno ra injili kuchirira mulomo wangu, na variamini. ⁸ Na Mulungu amanyaye mioyo ya atu, achivashuhudia, na achivapa Roho Mutakatifu vivyo vivyo here fwifwi arivyo hupa. ⁹ Wala kahendere tofauti kahi yehu fwi fwi na vavo, achivatakasira miyo yao pka imani ¹⁰ Bai mbona sasa muna- mujeza Mulungu na pkika bongo ziho dzulu ya dingo za vo anafunzi, ambaro baba zehu wala fwi fwi be kahuwezere kuritsukula. ¹¹ Bai hunaamini kukala hunaokoka pka neema ya Bwana Jesu vivyo vivyo here vavo. ¹² Bai mukutano wosini be uchinyamala, vachivasikiza Paulo na Barnaba vacheleza habari zaishara na maajabu ambago Mulungu wegahenda pka ujumbe was kahiza atu va Mataifa. ¹³ Na vavo variho nyamala, Jakobu achijibu achamba, "Ndugu zangu hebu nisikizani! ¹⁴ Simioni be yudzi hwelezera jinsi Mulungu haho pkaza arivyo valola atu va Mataifa I'll atsagule atu kahiza vavo pka ajili ya dzinare. ¹⁵ Na go maneno ga manabii be gana- bgwirana na gago, here irivyo andipka. ¹⁶ "Baada ya mambo gago nindauya, nami ndai-dzenga kaheri nyumba ya Daudi iriyo- abgwa. Nindaidzenga kaheri go mabanda-ge, nami ninda- yemesa. ¹⁷ Ili vo anadamu vadzio-sala be vamutafute Mulungu na atu vosini va Mataifa ambako to dzina rangu be rinatajwa. ¹⁸ Yunaamba ye Bwana ambaye yuna- manyisa gago hangu made na made. ¹⁹ Pka sababu iyo Mimi be nina amua vivi, Husivayuge vavo vario mugalukira Mulungu kahiza atu va Mataifa. ²⁰ Ela huvaandikire kukala, vadziepushe na uchafu wa vinyago na uzinzi na nyamala za mufu na kurya mulatso m'witsi. ²¹ Pka kukala hangu kapindi Musa, be be yunavo atu ambao vanahubiri sheria, na chila mudzi inashom'wa chila Sabato kahiza masinagogi. ²² Bai gago gachiva-hamira vo mitume na go atumia na ro kanisa rosini kuva-tsagula atu miongoni m'wao na kuvahirika Antiokia ham'wenga na Paulo na Barnaba, navo be ni vava Yuda aehewaye Barnaba na Sila, variokala ni atu abomu kahiza vo ndugu. ²³ Vachandika vivi na kuhirika pka mikono yao. "Mitume na atumia va kanisa, pka ndugu zehu vario Antiokia, na shamu na Kilikia, vario va Mataifa, Salamu. ²⁴ Pka sababu hudzisikira kukala atu vario ombola pkehu, vadzivayuga pka maneno gao, vachizitsuha roho zenu ambavyo fwi fwi be kahu-valagizire. ²⁵ Be fwi fwi hudzona ni vidzo, pka kukala hudzipatana pka moyo mum'wenga, kutsagula atu na kuvahirika pkenu, ham'wenga na Paulo na Barnaba. ²⁶ . Atu vario hatarisha maisha gao, pka ajili ya dzina ra Bwana Jesu Masihi. ²⁷ Pka vivyo hudzi vahuma Yuda na Sila, vandio vaambira enye maneno gago gago pka milomo yao. ²⁸ Pka kukala vyemuhamira Roho Mutakatifu na fwi fwi, husivahike muzigo, ela gago garigo lazima. ²⁹ Yaani, mudziepushe na vitu vidzivyo ombozwa sadaka pka vizuka na kurya mulatso m'witsi, na nyama za kuhongo- lolwa na usherati. Na muchi-dzizulia na gago, be mundahenda tototo, salamani." ³⁰ Baada ya vavo kuruhusiwa kuhauka, vachiteremuka Antiokia, na baada ya kukusanya jamii yosini ya Manisa, vachivapa yo barua. ³¹ Navo variho marigiza kuisoma, vachihamirwa sana pka faraja iyo. ³² Kisha, ye Juda na Sila, pka kukala vavo enye be ni alombi, vachi-vaeleza vavo ndugu pka maneno manji na kuva-dinisha kahiza wokofu. ³³ Na varihokala kuko pka muda, vachiruhusiwa ni vo ndugu vende pka amani, kuko variko hum'wa. ³⁴ Ela ye Sila achona ni vidzo kukala kuko. ³⁵ Ela Paulo na Barnaba vachikala kuko Antiokia, vachifundisha na kuhubiri neno ra Bwana, ham'wenga na atu anjine anji. ³⁶ Baada ya siku kadhaa, Paulo achim'wambira Barnaba, "Haya, nahuye sasa hukava-lole go ndugu kahiza chila mudzi huriko hubiri nano ra Jesu va Hall yani. ³⁷ Barnaba achihenza kumuhala Johana ariyekala yuna-ehewa Marko. ³⁸ Ela Paulo Paulo kaonere vidzo kumuhala iye, ambaye were yudzivaricha Pamfilia, asende navo kazini. ³⁹ Bai pkeombola mashindano kahi kahi yao hata vachigavyana. Barnaba achimuhala Marko na vachenda Kipro. ⁴⁰ Ela Paulo achimuhala Sila, achuka achivoyerwa ni vo ndugu apewe neema ya Bwana. ⁴¹ Ye Paulo achitsupa Shamu na Kilikia achigaimarisha makanisa.