¹ Kuko Ikonio, Paulo na Barnaba vachenjira ham'wenga pkenye sinagogi ra Ayahudi, na vachinena hali ya kukala, kundi Bomu ra Ayahudi na Ayunani vachamini. ² Ela vo Ayahudi vasio amini vachiva- koroga chi akili vo atu va Mataifa na kuveenjiza nia mbaya kahiza vo ndugu. ³ Bai vachikala kuko Ikonio pka muda mure, vachinena pka nguvu kahiza Bwana, vachishuhudia neno ra neema ya Jesu, achivaajalia ishara na maajabu gahendeke pka mkono yao. ⁴ Ela vo atu va mudzini vachitsamukana, anjine vekala upande wa Ayahudi na anjine upande wa mitume. ⁵ Bai vo Ayahudi na atu va Matifa ham'wenga na abomu vao vachikusudia kuvatesa na kuvabiga mawe. ⁶ Bai variho manya gago vachi-chimbira Listra na Debe na midzi ya Likaonia, na itsi zirizo kanda kanda na kuko. ⁷ Vachikala kuko, vachihubiri injili. ⁸ Na kuko Listra pkekala na mutu mum'wenga chidende na yukala chiwete hangu tumboni m'wa mamenye na kadzanenda kamare. ⁹ Mutu yuyu ariho musikira Paulo tuna gomba, ambaye wemukazira matso na Paulo arihomona yuna imani ya kuhozwa, ¹⁰ Achigomba pka sauti bomu, "Ema pka magulugo sawa sawa. Achema upesi na achitsembera. ¹¹ Na mukutano variho ona Paulo adzigo gahenda vachunula sauti zao, vachinena pka luga ya chi-Kilikaonia, "Milungu idzihu-timira pka mufano wa binadamu. ¹² Vachi-m'weha Barnaba,Zeu, na Paulo, Herme, pka sababu ndiye ariye kala munenaji. ¹³ Kuhani wa Zeu ambaye hekalure were ri mbere ya wo mudzi, achireha ng'ombe na chiremba cha malua hats ho muryangoni, achimala komboza sadaka ham'wenga na wo mukutano. ¹⁴ Ela vo mitume na Barnaba na Paulo, variho sikira, be vachitarura nguo zao, vachenda malo,vachenjira kahiza wo mukutano, vachibiga kululu. ¹⁵ Vachamba, "Mabwana, mbona munahenda gaga? Fwi fwi nafwi be huanadamu here m'wim'wi, fwi fwi be huna vahubiri habari mbidzo za Jesu, ili mugaluke na kugaricha mambo mai na mumutue mulungu ariye moyo, ariye umba mbingu na itsi na bahari na vitu vyosini virivyo mumo ndani. ¹⁷ Ela iye Mulungu m'wenye be kadzirichire bila ushuhuda, pka kukala wehenda madzo, achivapa m'vula kula Mulunguni, na musimu wa mavuno, achivashibisha mioyo yenu chakurya na furaha. ¹⁸ Kisha pka maneno gago vachizulia wo mukutano pka shida, vasiva- ombozere sadaka. ¹⁹ Ela Ayabudi vachifika kulaiza Antonia na Ikonio, vachi-uchochea wo mukutano hata vachimubiga mawe Paulo, vachimuburuta konze ya mudzi, vachona yudzefwa. ²⁰ Ela vo anafunzi varihokala vadzi-muzunguluka chila upande, achema, achenjira ndani ya mudzi, na siku ya hiri achuka, iye Paulo na Barnaba vachenda Debe. ²¹ Hata variho hubiri mudzi uwo na kupata anafunzi anji, vachuya mupaka Listra na Ikonio na Antiokia. ²² Vachi-imarisha vo anafunzi na kuvaonya vakale kahiza iani iyo iyo na kukala inabidi hwenjire kahiza ufalume wa Mulungu pka njira ya shida nyinji. ²³ Na variho marigiza kuva- tsagurira azee chila kanisa, na kuvoya ham'wenga na kufunga, vachivaika kahiza mikono ya Mulungu variye m'wamini. ²⁴ Kisha vachichira kahi ya Pisidia na vachenjira Pamfilia. ²⁵ Na baada ya kuhubiri ro neno kahiza mudzi wa Perge vachiteremuka mupaka Atalia. ²⁶ Na kulaiza kuko vachenjira meli na vachenda Antokia. Kuko ndiko variko voyerwa neema ya Mulungu pka yo kazi vadziyo-ihenda. ²⁷ Bai varihofika Antiokia vachikusanya to Manisa, vachi-eleza mambo gosini arigo henda Mulungu ham'wenga navo, na kukala yudzifugurira Mataifa muryango wa imani. ²⁸ Vachisagala kuko pka muda mure ham'wenga na vo anafunzi.