¹ Na kuko Antokia kahiza kanisa ririro kalako, pkekala na manabii na alimu, nao ni Barnaba,na Simioni aehewaye Nigeri na Lukio Mukirene, na Manaeni, ariye kala ndugu wapkam'wa hombo m'wenga na mufalume Herode na Sauli. ² Bai vava variokala vanahenda ibada Bwana, na kufunga, Roho Mutakatifu achamba, "Nitengerani Barnaba na Sauli pka kazi iyo niriyo vaehera. ³ Ndo variho marigiza kufunga na kuvoya, vachika mikono yao dzulu yao,na vachi-varicha vende zao. ⁴ Bai ye Barnaba na Paulo, variho longozwa ni Roho Mutakatifu vachiteremuka Selukia, na kombola kuko vachisafiri baharini mupaka Kipro. ⁵ Na varihokala kàhiza mudzi wa Salami vere vachihubiri neno ra Mulungu kahiza masinagogi ga ayahudi, navo pia vekala na Johana here mutumishi wao. ⁶ Na variho marigiza kuchirira chisiwa chosi mupaka Pafo, vachona mutu mum'wenga, mutsai, nabii wa ulongo, Muyahudi dzinare ni Bar-Yesu. ⁷ Mutu yuyu wekala yu ham'wenga gavana Sergio Paulo,mutu m'wenye akili. Iye gavana achiveha Barnaba na Sauli pkapke, achimmala kusikira neno ra Mulungu. ⁸ Ela ye Elia, iye mutsai(maana ndo tafusiri ya dzinare) achishindana na Barnaba na Paulo, achimala kumugaluza moyo ye gavana airiche yo imani. ⁹ Lakini Sauli, ambaye ndiye Paulo, achikala yo dzodzala Roho Mutakatifu achimukazira matso. ¹⁰ Achamba, Hewe m'wana wa Ibilisi ambaye udzodzala ulongo na ui wosini, mbona kuricha kuzibananga njira za Bwana zidzizo goloka? ¹¹ Bai, lola, mukono wa Bwana be udzuluyo, nawe undakala chipofu, usone dzua pka muda. Gafula chiza chichi mubgwerera na upofu, achanza kuhahasa hahasa na kutafuta mutu amubgwire mukono amulongoze. ¹² Baada ya ye gavana kona go gadzigo hendeka, achamini, na achishangaa go mafundisho ga Bwana. ¹³ Kisha ye Paulo na anzie vaching'ola nanga, na vachisafiri pka Bahari kula Pafo, vachifika Perge kuko Pamfilia. Johana achivaricha na achuya Jerusalemu. ¹⁴ Lakini vavo vachombola Large, na vachichira kahikahi ya yo itsi, vachifika Antokia, mudzi wa Pisidia, vachenjira siku iyo ya sabato kahiza sinagogi na vachisagala. ¹⁵ Kisha baada ya kusom'wa pka torati na chuo cha manabii, na vo abomu va sinagogi vachihuma mutu pkao, na kuvaambira, "Ndungu, chikala Mina neno ra kuvaambira vava atu be rigombeni. ¹⁶ Bai Paulo achema, na achivapungira mukono, achamba "Hem'wi alike va Israeli, nam'wi munao mogoha Mulungu, be sikizani. ¹⁷ Mulungu wa atu vava va Israeli wevatsagula baba zehu, achiva-unula atu vavo, varihokala vanaishi hali ya ujeni kahiza itsi ya Misri, na pka mukono urio -unulwa, Mulungu be achivaomboza na achivalongoza. ¹⁹ Na Mulungu achibananga mataifa mafungahe kahiza itsi ya Kanaani na achivapa itsi yao ikale urithi was pka muda wa miaka magana mane na mirongo mitsano. ²⁰ Baada ya gago, ye Mulungu achivapa aamuzi mupaka zamani za nabii za Samueli ²¹ Baadaye go atu vachivoya mufalume, na Mulungu achivapa Sauli m'wana wa Kishi,mutu wa Manila ra Benjamini pka miaka mirongo mine. Na baada ya Mulungu kumusa kahiza wo ufalume, achimunula Daudi akale mufalume wao ambaye be wemushuhia achamba, "Nidzimona Daudi m'wana wa Jese, mutu ambaye yuna uhenzeza moyo wangu, na andiye henda mapenzi gangu gosini. ²³ Kahiza lukololwe mutu iye, Mulungu wevarehera Mokoli atu va Israeli, yaani Jesu Masihi here arivyo ahidi. ²⁴ Kabila Jesu kadzadza, Johana wehubiri habari za ubatizo wa toba pka atu vo va Israeli. ²⁵ Na Johana ariho kala yunamarigiza, kaziye weamba, "Munafikiria mino ndimi ani? Mimi be simi. Ela lolani, yunadza mutu mum'wenga nyuma yangu, ambaye mimi sifaa kufugula kambaa za virahu pkapke maguluni. ²⁶ Ndugu zangu, ana va lukolo lwa Burahimu, na vavo ambao kahi kahi yenu be muna mogoha Mulungu, pkehu fwi fwi neno ra wokofu uu be rihocherwa. ²⁷ Pka kukala vavo vakalavo Jerusalemu na abomu vao,pka kukala kava-mumanyire iye wala maneno ga manabii, gashom'wago chila Sabato, vegatimiza pka kumuhukumu. ²⁸ Na hata idzaho, kavaonere sababu ya kumolaga, vachimuvoya Pilato ili aolabgwe. ²⁹ Hats variho marigiza gosini garigo andipka, vachimutimisha no muhini, vachim'wika mbirani. ³⁰ Ela Mulungu be wemufufula kahiza nyufu. ³¹ Achonekana siku nyinji ni vavo vario panda naye kula Galilaya mupaka Jerusalemu, ambavo sasa ndo mashahidi-ve mbere za atu. ³² Na fwi fwi be hunahubiri habari mbidzo za ahadi variopewa babazehu. ³³ Kukala Mulungu be wevatimizira ahoho ehu ahadi iyo, pka kumufufula Jesu, here irivyo andikpa kahiza Zaburi ya hiri, "Uwe ndiwe Mwanangu, Mimi rero ndimi babayo. ³⁴ Kissha baada ya kumufufula kahiza nyufu, ili asuyirwe ni kubanangika, weamba vivi, " Nindavapa m'wim'wi mambo matakatifu ambago weahidirwa Daudi na achamini. ³⁵ Pka vivyo, hath hanjine yunaamba, "Kundamurichira Mutakatifu wa pkako aone kubanangika. ³⁶ Pka kukala Daudi, baada ya kuhumikira shauri ra Mulungu kahiza chivyaziche, wefwa, achizipka ham'wenga na babaze, achipatwa ni kubanangika. ³⁷ Ela yuyu Jesu ariye fufulwa ni Mulungu kapatirwe ni kubanangika. ³⁸ Bai, na imanyikane pkenu, ndugu zangu, kukala pka iye Jesu Masihi, munahubiriwa musamaha wa dambi. ³⁹ Na pka yuyu, Jesu Masihi chila mutu am'waminiye iye yuna tarirwa hachi kahiza mambo gosini gago asigo weza kutarirwa hachi pka sheria ya Musa. ⁴⁰ Lolani bai, gasivapate mambo gago garigonenwa ni manabii. ⁴¹ Bai lolani m'wi ambao munazarau, angalazikani,na mupotee, pka kukala nahenda kazi mimi kahiza siku zenu, kazi ambazo kamunge-aminire kabisa, idzaho kala mutu angeweza kuvaeleza sana. ⁴² Bai Paulo na Sila variho-uka, go atu vachiva-voya vazidi kuvaambira maneno gago kahiza sabato idzayo. ⁴³ Wakati mukutano wa sabato iriho goma, Ayahudi na aokofu anji vario ateule vachibgwirana na Paulo na Barnaba ambavo vegomba navo, vachi-venjiza moyo na kudumu kahiza neema ya Mulungu. ⁴⁴ Hata sabato ya hiri, atu anji, karibu mudzi wosini, vachikutanika ham'wenga ili vasikire neno ra Mulungu. ⁴⁵ Wakati go Ayahudi variho ona wo mukutano mubomu, veshangaa na vachona wivu, vachigaluza go maneno ga Paulo na kuhukana. ⁴⁶ Ela Paulo na Barnaba vachinena neno ra mulungu pka nguvu vachamba, "Were ni lazima neno ra Mulungu rinenwe pkenu pkanza, ela pka kukala mudzisukumira mbali na kudzona m'wi m'wi kukala kamufaa uzima wa mare na kare, lolani, huna-vagalukira Mataifa. ⁴⁷ Pka sababu iyo ndo Bwana we hulagiza, " Nidzikpa be ukale mulangaza wa Mataifa, Upate kukala wokofu hata m'wisho wa dunia. ⁴⁸ Mataifa variho sikira gago vachihamirwa, vachitukuza neno ra Mulungu navo variokala vatsagurirwa uzima wa kare na kare vachamini. ⁴⁹ Bai neno ra Mulungu richenera kahiza itsi iyo yosini. ⁵⁰ Ela vo Ayahudi vachi vafitinisha anaache atakatifu venue cheo na abomu va mudzi, na vachisababisha vo atu vavatese Paulo na Barnaba, vachi-vainga kahiza itsi yao. ⁵¹ Ela Paulo na Barnaba vachikuta vumbi ra magulu gao na vachenda Ikonio. ⁵² Na vo anafunzi veodzala furaha na Roho Mutakatifu.