¹ Hanuma malaika we katano alafula mpembe yamwe ndabhona nsonda kupuna mwilunde eyo ilalagalalila mubhwelelo nsonda ilahebhwa lufungulo lwe halina elyo litali ne ngelelo. ² Alalifundukula elyo lina litali ne ngelelo lyonsi lilatutumuka kupuna mwelyone lina lilagegela higulya lyonsi kati lyonsi lye tanulu nkulu, izyobha ne ilunde lilapiluka lilabha lyepi kulwe lyonsi elyone elyo lilapuna mulina. ³ Mukati yelyone lyonsi zilapunamo nzige nazye zilatabhala mubhwelelo yona nezyone nzige zilahebhwa nguzu kati nguzu zye kamina higulya ye nsi. ⁴ Bhalabhwilwa oti bhatakakenagula matutu higulya ye nsi nolo mumelo tyogwo gwona nolo muti alahe bhantu abho bhatali ne muhuri gwe mwa Mungu habhusyo bhwabho. ⁵ Bhatalazumilizibhwa kubhihaga abhone bhantu alahe kubhagalazya tuhu mwezi itano, ne bhusungu bhwabho bhwali kati omwo kamina ikulumilanga bhantu. ⁶ Munsiku ezyone bhantu bhalakakobha lufu alahe bhatalakalubhona bhalakikumbwa kufwa alahe lufu lulakabhiluka. ⁷ Nzige zikolanga ne farasi ezyo zili bhutayalisibhwe kuzya munsola, hamitwe zyabho bhali ne sintu kati ngikili ye dhahabu,ne bhusyo bhwabho bhwali kati bhusyo bhwe muntu, ⁸ Bhali ne misasi kati zye bhantu ne mino gabho gali kati mino ge nsimba. ⁹ Vifubha vyabho vyali kati vye silanga ne silaka sye manana gabho syali kati silaka sye magali minki ge nsola ne farasi abho bhakwilukanga kuzya kusola halibhulugu. ¹⁰ Bhali ne misila eyo yalumanga kati kamina; ne kumisila zyabho bhalinenguzu zye kuhutazya bhantu kumyezi itano. ¹¹ Malaika oyo alapuna mwelyo lina nge abhanga kati mwami wabho izina lyamwe musi ebrania alanganangwa Abadoni ne musiyunani alangwa Apolioni. ¹² Nelwinu lwekwandya lwahita hani mulinge gasyaliyo mayabhalo abhili. ¹³ Malaika we mukaga alafula mpembe yamwe ndabha nomvwa silaka kupuna hampelo ye lutali lwe dhahabu eyo yali mubhutonzi bhwe Mungu. ¹⁴ Silaka silamubhwila malaika we mukaga oyo ali ne ihembe oti nubhalekele bhamalaika bhane abho bhalibhubhohwe hamwiga gwe frati. ¹⁵ Bhamalaika bhane abho bhali bhatayalisibhwe ku makanza [muhimu] kulusiku olyone ne makanza agone ne mwaka ogwone bhalalekelwa bhabhihage [theluthi ye bhanadamu. ¹⁶ Abhone bhasilikale abho bhali higulya ye farasibhali 200,000,000, ndimvwa isabhu lyabho. ¹⁷ Namuna eyone ngenomwo ndazibhonela ezyone farasi musiloti syane nabho bhali bhagegele higulya yabho; vifubha vyabho vyali vyeza kati mulilo bululu yebhuhye ne njano eyo itali ye bhuhye, ne mumilomo zyabho gulapuna mulilo ne lyonsi ne salfa. ¹⁸ Theluthi ye bhantu bhalafwa kulwe mihulo isatu; mulilo ne lyonsi ne salfa ezyo zilapuna mumulomo gwabho. ¹⁹ Kulwekubha nguzu zyezyone farasi yali mumilomo yabho ne hamisila yabho kungoko misila yabho yali kati misila ye nzoka ne bhli ne mitwe eyo bhalabhatulila bhantu makwalule. ²⁰ Bhantu abho bhalasaga abho bhatalihagwa ne mihulo eyone bhatalakubha mabhi gabho, ago bhali bhagemile nolo bhataloya kulamya mismbwa ne mizimu ye dhahabu hela shaba mabhale ne miti vintu evyo vitekubhona nolo kwimvwa nolo kutumbagila. ²¹ Nolo bhatalakubha bhwihazi bhwabho bhulozi bhwabho bhumalaya bhwabho nolo bhwivi bhwabho.