¹ Ilabha ahamwana we ntama alafundukula muhuli gwe musamvu, ilabha sele mwilunde nusu ye nsa. ² Ndabhona bhamalaika musamvu bhimilile bhutonzi ye mwa Mungu,bhalahebhwa mahembe musamvu. ³ Malaika undi aliza akwatilile ibakuli lye dhahabu lye [bhuvumba] alimilila halutali, alahebhwa [bhuvumba] bhwinki abhusangilizye sihamwi ne maombi ge bhatakatifu bhona ha lutali lwe dhahabu mubhutonzi bhwe itebhe lye syami. ⁴ Lyonsi lye obhwo [bhuvumba] sihamwi ne maombi ge bhazumya lilagegela higulya bhutonzi bhwe Mungu kupuna mubhutonzi bhwe mwa malaika. ⁵ Malaika alasola ibakuli lye [bhuvumba]alatulamo makala ge mulilo kupuna halutali,hanuma alailtagila hansi vilapuna vilaka vye nkubha sihamwi ne namutitima. ⁶ Abho bhamalaika musamvu abho bhali ne mahembe musamvu bhalitayalisya kufula mahembe. ⁷ Malaika we kwandya alafula mpembe yamwe ilahula mvula ye mabhale sihami ne mulilo ogwo gwali bhwisangilizye ne magazi, vilatagilwa hansi oti [theluthi] yahe ihye theluthi ye miti ilahya ne manansi gona ga kijani galahya. ⁸ Malaika we kabhili alafula mpembe yamwe sintu syebhwikole ne lugulu esyo syabhakanga mulilo silatagilwa munyanza theluthi ye nyanza ilabha magazi. ⁹ Theluthi ye vye bhuhanga munyanza ilabha yafwa ne theluthi ye meli zilabhiha. ¹⁰ Malaika we kasatu alafula mpembe yamwe nsonda nkulu ilalagala kupuna mwilunde, ikumoleka kati [kulunzi]higulya ye theluthi zye miga ne mvwilo zye minzi. ¹¹ Izina lye nsonda ne pakanga.theluthi ye minzi ilabha pakanga ne bhantu bhinki bhalafwa kulwe minzi agone kulwekubha galabha makali. ¹² Malaika we kane alafula mpembe yamwe theluthi ye izyobha ilahulwa sihamwi ne theluthi ye mwezi ne theluthi ye nsonda, kulweyone theluthi ye vyona ilapiluka kubha giti; theluthi ye mwizyobha ne theluthi ye bhwile vitalabha ne mwangalazima kandi. ¹³ Ndalinga ndomvwa mbesi eyo yalalanga higulya ikulanga ikulanga kusilaka sikulu, "oti ne lwinu ne lwinu ne lwinu kwabho bhakwikalanga higulya ye nsi, kulwe musindo gwe ihembe elyo lyasaga elyo lyegelele kufulwa ne bhamalaika bhasatu."