¹ Kandi ndabhona malaika undi mukulu akutikila kupuna mwilunde, ali bhubhohwe hilunde, nekandi ali ne mufulumizya hamutwe gwamwe, bhusyo bhwamwe bhwikolanga ne izyobha ne magulu gamwe gikolanga kati mulilo. ² Aliakwatilile [igombo] ido mukubhoko kwamwe elyo lyali lya fundukwilwe, nawe ali atuzile kugulu kwamwe kwe bhulyo higulya ye nyanza ne kugulu kwamwe kwe lumanso higulya ne nsi. ³ Hanuma alahamuka kusilaka sikulu kati nsimba omwo ikulundumilanga, alabha ahamuka kusilaka syamwe nkubha musamvu zilalunduma. ⁴ Aha nkubha musamvu zilabha zyalunduma nali nitayalisye kwandika alahe ndimvwa silaka kupuna mwilunde sikuyomba, oti ubhise sili esyo nkubha musamvu yasiyomba utakasyandika." ⁵ Hanuma malaika oyo ndamubhona imilile kugulu kumwi higulya ye nyanza ne kugulu kundi higulya ye nsi, alabha abhusya kubhoko kwamwe mwilunde. ⁶ Nekulahila kwoyo akwikalanga bhwelelo ne bhwelelo oyo alabhumba ilunde nevyona evyo vikwikalangamo bhwelelo nevyona evyo vikwikalangamo nyanza ne vyona evyo vikwikalangamo: oti kutakubhaho kukendelela kandi. ⁷ Alahe munsiku ezyone mwikanza elyo oti malaika we musamvu alakabha egelela kufula mpembe yamwe, ngenaho sili ye mwa Mungu ilakabhayahikana kati omwo alatangangizya habhazyana bhamwe bhafumbuzi." ⁸ Silaka esyo ndasyomvwa kupuna mwilunde silambwila kandi oti: "nuzye usole igombo ido elyo lilibhufundukulwe elyo lili mukubhoko kwe mwa malaika oyo imilile kugulu kumwi hanyanza nekundi hansi." ⁹ Hanuma ndazya mwa malaika ndamubhwila anihe elyo igombo ido, alanibhwila oti nusole elyone igombo ulilye,likuigema ndayako kunegela alahe mumulomo ukusemelwa bhuseme kati bhwe bhwosi." ¹⁰ Ndalisola elyone igombo ido kupuna mukubhoko kwe mwa malaika ndaililya, lyali iseme kati bhwosi mumulomo gwane hanuma ye kulilya munda halanegela. ¹¹ Hanuma vilaka vindi vilambwila oti wekwendelwa kuhangila kandi kubhantu bhinki mumahanga, mundimi, ne mubhami.