¹ Ndabha nalinga mwikanza elyo mwana we ntama ahaazifundukula ezyone mihuli musamvu, ndamwomvwa umwi wabho bhe bhuhanga bhane akuyomba kusilaka esyo sikolanga ne lukubha oti neweze! ² Ndabhona farasi ye pe ne oyo ali amwipakile ali ne ibakuli alahebhwa ngikili, nawe alapuna kati mukindi oyo akindile abhone kukinda. ³ Aha mwana we ntama alafundukula muhuli gwe kabhili ndabha nomvwa webhuhanga we kabhili akuyomba oti newize. ⁴ Kandi ilapuna farasi indi yeza kati mulilo, oyo ali amugegele alahebhwa nguzu zye kuleta mayabhalo mubhwelelo, bhantu bhamale kwisikagula, oyo ali amugegele alahebhwa lupanga lukulu. ⁵ Aha mwana we ntama alabha afundukula muhuli gwe kasatu ndabha nomvwa we bhuhanga we kasatu akuyomba oti newize, ndabhona farasi we pi noyo ali bhumugegele ali ne ngelo mumabhoko gamwe. ⁶ Ndomvwa silaka kati sye abho bhe bhuhanga sikuyomba, sibhabha sye ngano ha silingi imwi ne vibhabha visatu vye shairi hasilingi imwi alahe utakagabhinhya mafuta ne divai." ⁷ Aha mwana we ntama alabha afundukula muhuli gwe kane ndomvwa kandi silaka sye we bhuhanga wekane akuyomba oti newize. ⁸ Ndabhona farasi we luvuluvu oyo ali bhumugegele alangangwa lufu ne kuzimu nazye zyamulondezyanga, bhalahebhwa bhudula [robo] ye nsi kwihaga kulupanga ne bhutamo ne kumalwele ne kundimu zye mwikungu aha munsi. ⁹ Mwana we ntama alabha afundukula muhuli gwe katano ndabhona hansi ye lutali mizo zyabho bhali bhihegwe kulwe igambo lye Mungu ne mubhukanilizya obhwo bhakanilizyanga. ¹⁰ Bhalalila kusilaka sikulu oti mpaka lyali mutemi we vyona mutakatifu ne we nhana ulakabhahukumu bhe munsi ne kulihizya nsika ye magazi gitu? ¹¹ Bhalahebhwa nkanzo zye pe kila oyone bhalabhwilwa mukubha bhekwendelwa kulindilila hadone mpaka ilakabha yatimila hesabu ye bhazyana bhisyabho ne bhadugu bhabho bhakima ne bhagosya,olo ilakahikana abho bhalakafwa kati omwo bhalafwila. ¹² Aha mwana we ntama alabha afundukula muhuli gwe mukaga ndalinga gwaliho namutitima mukulu izyobha lilabha lyepi kati igunila lye [singa] ne mwezi gulabha kati magazi. ¹³ Nsonda zye mwilunde zilalagalika hansi kati muti omwo gukuhululilaga visumo vyahe olo gulatinginibhwa ne nsyululu. ¹⁴ Ilunde lilanhyaguka kati [igombo] elyo lilabhilingisibhwa, ne ngulu zyona zilasamibhwa aho vyali. ¹⁵ Ngenaho bhami bhe munsi nebhakulu bhe madale ne bhasabhi ne bhenguzu ne tyoyo wona oyo ne muzyana ne oyo atali muzyana bhalibhisa mumina ne mumapango ge ngulu. ¹⁶ Bhalazibhwila ngulu ne mabhale oti mutugwile mutufundikile mutubhise mubhutonzi bhwamwe oyo ikalisye hitebhe lye syami ne musyaha sye mwana we ntama. ¹⁷ Kulwekubha lusiku lukulu lwe syaha syabho lwahikile ne kandi nende oyo enkadula kwimililaho?"